2 SAMUELA 21:6 - Khumi Common Language Bible

⁶ Hunai deaungkho y ni i katu chanau leaung saryhrei ai kaichi teng y au; kaichi ly Areng my vawi takhra pi nai samrang Sawla i meingtym, Kibeah mary y nichi ai Areng i mo y padei ai,” napi u. Samrang my, “Huni khumichi ai kang pei ai,” napi.

2 SAMUELA 21:6 ပူးပေါင်းရင်းမြစ်များ

ATITI AWM ANGCHEI NAI 40:19

Kani thomrei kani y samrang my nang ai ang palau iy nang i lu tameang hai vui ai; nang i tlang ai ly dengkeaung tleaung y bang hau ai i, tavochi my nang i ngan ang cha ai,” napi.

ATITI AWM ANGCHEI NAI 40:22

Na i py biu an amsi pi nai keung ai ly padei hai vui bo. Huni bawibawi ly Josepha my thui pi nai kamta teng khyp nai ne.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

2 SAMUELA 18:10

Davida i khumi leaungrei ly ni ai niu i Juaba teng y, “Areng awi, Abasalom ly ngopraibiu keung tleaung y abanghau nai kaniu bo!” napi.

2 SAMUELA 19:28

Kai i ampo yhm dengtheung bawibawichi ly nang i kiu y dei ai ataing naichi ne. Na i py nang ly kai ai nang i sabawi y cha ai nai pei bo. Samrang nang teng i pahen naira ati sai py hnei bi ai nai by y leang bo,” napi.

1 NENG SATANG 12:3

Nichi i tavailu arengchi ly Kibeon mary Shemah i chapo Ahieza hawi Josha nini ne. Risachi ly anui mang ichi ne. Azamaveth i chapo Jeziela hawi Pelet Anatho mary i Brakha hawi Jehu Risa leaung phaireichi i lu leaungrei, Kibeon mary i amyn amthang nai risa Ishamaia Kedera mary i Jeremia, Jahaziela, Johanan hawi Jozaba Hariphi mary i Eluzai, Jerimoth, Belia, Shemaria hawi Shephatiah Korah nupai theung i Elakana, Ishia, Azarela, Joeza hawi Jashobeam Kedo mary Jeroham i chapo Joela hawi Zebadiahchi ne.

EZARA 6:11

Kaimy leu kang pei bi nai ly hini leu pei nai tangai y nai khumi ai ly my i yhm kaleaung harei lo hai ly pasui iy apacheu naimy dei sy, ni i yhm py anyn aso aphi cheng nai kamta lawm na sy.

MATTHAI 27:5

Naibaly ni ly tangka ai ly meingtym kachai y aphi vui iy leh veng i akaeu veng bo.

AMTAW 13:21

Naibaly hunai bo y nichi ly samrang hnei u i, Tameuh my saneng vui palyhrei sala y Sawla, Kisa i chapo. Benjamin cheng i khumi ai ly mymychi teng y khai pi.

Leu Thui Nai 21:22

Padei ai ataing nai kamngo sa nai molam y padei vui nai khumi i veu ai ly dengkeaung y bang hau baly,

JOSUA 10:26

Hunaibaly Josua ly samrang leaung pangreichi ai haisau hawi tleh iy, veuchi ai dengkeaung keung pangrei salo y, kani dym nai ryrei bang hau bo.

JOSUA 8:29

A-i mary i samrang ai py, dengkeaung tleaung y akaeu hai chum baly bang hau iy, kani dym pa-rei khai bo. Kani avah nai khala veu la i, mary katheu pa-khora y aphi su ai nai Josua my leu pei bo. Naibaly nichi ly veu tleaung y lengseaungchi pakheng u achu i, huni ly vaini khrairei awm jo nai ne.

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 10:24

Samuela my khumichi teng y, “Areng my vawi takhra nai ly hini khumi ne he! achi theung y ni hawi atawm nai khumi leaungrei py by y,” napi. Khumi bawibawichi my py, “Samrang ly heng sau sy!” nanai aeu u bo.

1 SAMUELA 10:26

Sawla py Kibeah mary my i yhm mang y vawi ali teang bo. Khumi sorai phyreichi i paleung ai Tameuh my amtlau hai nai deaungkho y, nichi ly Sawla hawi vanrei abang u bo.

1 SAMUELA 11:4

Sawla awm nai Kibeah mary y savaichi tym u i, huni satang amti pi nai khala y, khumichi ly paleung phra atho di u i, vo u bo.

1 SAMUELA 24:21

Na i py kai i amyn hawi, kai i yhm dengtheung amyn py, pipi tamo y ai nai nang ly kai i katu chanauchi ai tlamsa naira pei ai, nanai Areng i amyn y kai teng y adeu ba,” napi baly,

1 SAMUELA 24:22

Davida ly adeu nai ne. Naibaly Sawla ly my i yhm mang y vawi ali teang i, Davida hawi my i khumichi ly mychi i aheu nai meingtym mang y vawi teang bo.