2 SAMUELA 21:1 - Khumi Common Language Bible

¹ Davida i peang nai thym khala y saneng thomrei ly khri pa-rei takang theu bo. Hunai deaungkho y Davida ly Areng teng y hnei takeng i Areng my, “Sawla ly Kibeon mary i khumichi ai padei nai molam y, ni hawi ni i yhm dengtheungchi ly khumi padei nai kamngo awm nai deaungkho y, hini patang naira tym nai ne,” napi.

2 SAMUELA 21:1 ပူးပေါင်းရင်းမြစ်များ

ATITI AWM ANGCHEI NAI 12:10

Na i py huni neng khala y, Kanan pri y takang theu nai ne; khri pa-rei takang ho nai deaungkho y Abram ly Aikupta pri y awm dawh ai nai chei kathiu bo.

ATITI AWM ANGCHEI NAI 26:1

Huni pri y jy Abraham deung y takang theu nai kamta vai py takang theu bi i, Isaka ly Philistin samrang Abimelek awm nai Kerar mary mang y chei bo.

ATITI AWM ANGCHEI NAI 41:57

Khaileaung pri verei y py takang ho nai deaungkho y, pri tleirei i khumichi ly Josepha teng y choh van ai nai tym u nai ne.

ATITI AWM ANGCHEI NAI 42:5

Kanan pri verei y takang theu nai deaungkho y, Jakob i chapochi ly khumi takhrachi hawi vanrei Aikupta pri y choh van ai nai tym u.

ATITI AWM ANGCHEI NAI 43:1

Kanan pri y takang theu nai ly khri pa-rei ho i,

2 SAMUELA 16:8

Nang ly Sawla i pri lawm vui iy, ni i dengtheungchi ai padei nai molam y vai, Areng my nang ai pajeng nai bo. Areng ly nang i chapo Abasalom teng y pri au vui bo. Nang khumi ai padei nai keung awi! nang ly ati sai py ny y nai lawm bo,” nanai pasawi nai ne.

2 SAMUELA 20:26

Ja-ira mary i Ira py Davida i pathyp pi nai keung leaungrei ne.

2 SAMUELA 21:5

Nichi my, “Sawla ly Israela pri theung y kaichi i cheng leaungrei py by y na pa-rei tamyh ai nai dawn bo.

2 SAMUELA 24:1

Huni bo y Areng ly Israela chengchi tlang tleaung y kado theu nai deaungkho y, nichi ai pajeng ai nai molam, Davida ai kamngo sa hai. Areng my Davida teng y, “Chei ly Israela hawi Juda pri y khumi vuikanai lo.” napi.

2 SAMUELA 5:19

Davida ly Areng teng y, “Kai ly Philistia chengchi ai tiu ai nai avo na a? Nangmy kai ai eaung hai ai a?,” nanai deng. Areng my, “Chei, kai ly nang ai eaung hai ai!” nanai pathang.

2 SAMUELA 5:23

Davida ly Areng teng y deng bi i, mymy ly “Nichi ai hini meingtym mang dengdairei tiu u moh. Nichi i tai nithun mang tapai iy, po kalang keungchi sahawi mang nichi ai tiu u.

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

1 ARENG KEH 18:2

Hunaibaly Elija ly chei bo. Huni neng khala Samari pri y kani khang nai ly khri pa-rei ty nanai ne.

2 ARENG KEH 6:25

Samari mary theung y cha nei takang. Keaungngo kano kasau lu harei nai y tangka chang vui tajarei, buhu eisirei nai y tangka chang tlau pangrei hawi van ai nai tla bo.

2 ARENG KEH 8:1

Elisa ly mymy paheng pi teang nai deaungdi i amhm, Shunem mary i neampachy teng y, “Areng my pri verei y saneng saryhrei takang theu hai ai; hunai deaungkho y nang ly nangmy i yhm dengtheungchi hawi vanrei, meingtym takhra mang y ang pyn vui ba,” napi.

JOBA 10:2

Aw Tameuh, kai i kamngo pajeng moh kyh ba. Kai i kamngo nai sai thui pi kyh ba.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

Levi 26:26

Kai ly teicha teinei takang hai nai deaungkho y, neampachy leaung horei paawp ai nai tako ly neampachy leaungrei my paawp ai nai takeang harei ka-lawn awm khyh ai. Nangchi ly huni tako apaji iy lawnlen y naimy cha u ai.

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

JOSUA 7:1

Israela chengchi ly taphra pawn ai tla nai vawnsai harei py lo moh, napi nai Areng i leu ai Akhen ly tangai y nai deaungkho y, Areng ly Israela chengchi i tlang tleaung y khri pa-rei kado theu bo. (Akhen ly Juda theaung Zerah yhm dengtheung Zabdi i katu, Kami i chapo ne.)

JOSUA 9:20

Achi i asa yb nai vaineng molam y, nichi ai tlamsa naira pei ai nai tla. Achi my adeu nai leu patawm y baly, Tameuh my achi ai ang pajeng ai.

RUTHI 1:1

Jangni Israela pri y samrang by y nai deung khala, tahum takang theu nai ne; Hunai deaungkho y Juda pri Bethlehem mary i Elimeleka ly aju Naomi hawi chapo Mahalon, Khilion ai hawi iy, Moba pri y awm daw ai nai ang pyn u bo. Nichi ly Ephraim nupaichi ne. Moba pri y awm nai thym kha y,

1 SAMUELA 10:22

khumichi ly “Sawla ny y naimy khumi takhra leaung leaungrei awm a?,” nanai Areng teng y deng u. Areng my, “Sawla ly hi y awm; ni ly vawnsaichi khai nai anui y aheu vui,” napi.

1 SAMUELA 23:11

Keilah mary i khumichi ly kai ai Sawla kiu y au u na a? Kai i thai nai kamta Sawla ly ang jeu angchi khyp na a? Aw Israela chengchi i Areng Tameuh, kai ai pany ai nai pei kyh ba!,” napi. Areng my, “Sawla ang jeu ai,” nanai pathang.

1 SAMUELA 23:2

Hunai deaungkho y ni ly Areng teng y, “Kai ly Philistia chengchi ai tiu ai nai avo na a?,” nanai deng. Areng my, “Avo mang, nichi ai tiu iy, Keilah mary ai atleu,” nanai pathang.

1 SAMUELA 23:4

Hunai deaungkho y Davida ly Areng teng y hnei takeng bi nai ne. Areng my ni teng y, “Keilah mary y chei ly tiu; kai ly nang ai Philistia chengchi tlang tleaung y eaung hai ai,” napi.