2 SAMUELA 20:9 - Khumi Common Language Bible

⁹ Juaba ly Amasa teng y, “Ahawi ngai parai nai awi, noso hawi a?” napi iy pachawm ka-awi sa i, lamtang kiu hawi Amasa i labeaung mui y amkhaw cheng.

2 SAMUELA 20:9 ပူးပေါင်းရင်းမြစ်များ

2 SAMUELA 15:5

Huni khumi ly Abasalom teng y ahihawi iy lu meung lawh teu baly, Abasalom ly kiu pheu i, huni khumi ai amkhaw iy pachawm reng nai ne.

2 SAMUELA 17:25

(Abasalom ly Amasa ai Juaba i meingtym tavailu areng kehra y khai bo. Amasa ly Ismaela chengJetha i chapo ne. Ni i amhm ly Nahash i chaniu, Juaba i amhm Zeruiah i amnau Abikaila ne.)

2 SAMUELA 18:29

Samrang my, “Deaungdi Abasalom ly hawi a?” nanai deng. Ahimaz my, “Aw areng, kai ai nang i tavailu areng Juaba my pato nai thym khala y khrukhrala nai thym ne nai deaungkho y, kai ly pathang thai y leang,” nanai pathang.

2 SAMUELA 3:27

Abana ly Hebron mary y tym nai khala y, Juaba ly ni ai mary apai sahawi y palau i, leu kamsyh arum ai nai ngai nai kamta sa iy, haisau hawi kajeu y thun vau bo. Hunai kamta Abana ai padei vui nai ly Juaba i amnau Asahela ai padei vui nai deaungkho y ne.

1 ARENG KEH 2:32

Kai i ampo Davida pany y naimy sa nai, khumi ai padei nai molam y, Areng ly Juaba y pajeng ai. Juaba ly mymy tleaung y hawi keh nai Israela tavailu areng Abana hawi, Juda tavailu areng Amasa napi nai, kamngo by y nai khumi leaung nyhrei ai padei nai ne.

SAM 55:21

Ni i leuchi ly thobai tleaung y panai iy, ni i paleung theung y ly niu ngai y reng nai ka-dawnchi awm; ni i leuchi ly asitui kamta panai i py, chiu parai nai haisau kamta, tamokalem nga hai reng nai ne.

LEU KACHENG 26:23

Hawi y nai paleung ai tamym nai teng y nai leu ly alai laawm ai pajui nai chy-y an hawi atawm nai ne.

LEU KACHENG 27:6

Ahawi ka-dawi my, amy ai no-ei pa-rei ang thui nai ly paleung kahawi hawi ang thui nai teu. Na i py paleung ka-e my ang takawi nai khala ly paleung khai takhra ba.

JEREMIA 41:2

Nathania i chapo Ismaela hawi, my i khumi leaung horeichi ly mychi i haisauchi atheu u kryh iy, samrang i bangtang kalen Kedalia ai tleh u bo.

MIKHA 7:2

Hini pri theung y khumi kahawi, Tameuh ai ka-ym awm nai khumi, nanai leaungrei py by y leang bo. Khumi ai padei ai nai neng ka-pe, khumi luteng ajeng u bo. Amjo amnau tengtawi, leaung leaungrei ai apatym iy apatiu u reng nai ne.

TARA CHIH NAI KEUNGCHI 3:15

Naibaly Israela chengchi ly Areng ai vo naimy kadeaung u i, mymy ly nichi ai atleu ai nai khumi leaungrei ai pato pi. Huni khumi ly Benjamin cheng theaung, Kera i chapo langvawimi Ehu ne. Israela chengchi ly Ehu ai, Moba samrang Ekalon teng y langseaungchi hawi pato u bo.