2 SAMUELA 20:1 - Khumi Common Language Bible

¹ Kilakala mary y Benjamin nupai Bikri i chapo Seba napi nai khumi kamthu kamleaung leaungrei awm. Ni ly baw eng iy, “Davida ai aly ngai y, Kaichi ly ni i nithun abang ai nai ngai y. Israela khumichi awi, achi ly yhm y vawi u sina!” nanai aeu bo.

2 SAMUELA 20:1 ပူးပေါင်းရင်းမြစ်များ

ATITI AWM ANGCHEI NAI 46:21

Benjamin i chapochi ly Bela, Bekera, Asabela, Kera, Naaman, Ehi, Rosh, Mupim, Hupim hawi Aradchi ne.

2 SAMUELA 15:10

Na i py ni ly Israela cheng theaung bawibawichi teng y savaichi pato i, “Nangchi ly baw eng nai katyn thai nai khala y, ‘Abasalom ly Hebron mary y samrang lawm bo’ nanai aeu u,” nanai taviu yb nai ne.

2 SAMUELA 16:11

Naibaly Davida ly Abisai hawi samrang i bangtangchi teng y, “Kai i chapo kypkyp my malawn py kai ai padei ai nai sa nai deaungkho y, hini benjamin khumi i sa nai ly lyh u lawh a? Mymy ngai ngai so sy, pasawi teu sy; Areng my leu pei nai deaungkho y, ni ly hina nai sa nai ne.

2 SAMUELA 16:7

Shimei my, “Khumi ai padei nai keung! kamngocho! leh la! leh la!

2 SAMUELA 18:17

Nichi ly Abasalom i veu la iy daichi theung i angawm kathiu harei theung y aphi i, lengseaungchi hawi taphum u bo. Israela cheng bawibawichi py mychi i awm nai meingtym tleirei y preang u nai ne.

2 SAMUELA 20:2

Hunai deaungkho y Israela pri i khumichi ly Davida ai khai su iy Seba nithun abang u. Na i py Juda pri i khumichi ly ka-ym awm naimy Jordan tavo dengdairei Jerusalem mary y tym pa-rei, Davida nithun abang u nai ne.

2 SAMUELA 20:22

mary i khumichi teng y chei iy tau pei pi bo. Nichi ly Seba i lu tameang iy, apai salo mang Juaba teng y aphi pi nai ne. Juaba ly baw eng nai khala ni i khumi bawibawichi ly huni mary i nai theu u i, mymychi i awm naira mang y vawi u. Juaba py Jerusalem mary samrang i yhm y vawi tang.

2 SAMUELA 23:6

Na i py Tameuh ai pany y nai khumichi ly aphi su nai aleng keungchi hawi atawm; huni aleng keungchi ai ly ami py kiu hawi syn pajau y.

1 ARENG KEH 12:16

Mymychi i takeng nai leu ai samrang ly tangai pi y leang bo, nanai pany u nai khala y, khumichi my, “Davida teng y achi i cheng by y! Jese i chapo teng y achi yhmtheaung by y! Aw Israela khumichi awi, amychi saleaung y vawi u sina! Aw Davida, nangmy i yhm ai khen teang cham! Rehoboam ly my i vui phai dawn khyh sy!” nanai aeu u. Hunai deaungkho y Israela khumichi ly tiu u nai ne.

1 ARENG KEH 21:10

Khumi hawi y nai leaung nyhrei ai Naboth i mo y ateh hai iy, ‘hini khumi ly Tameuh hawi samrang ai thui tamawn nai keung ne,’ nanai seu hawi na sy; naibaly huni khumi ai mary angam mang y patheu iy lengseaung hawi aphi u ka,” nanai ne.

2 NENG SATANG 10:16

Samrang ly mychi i leu tangai pi ai ny y leang bo, nanai pany nai khala khumichi ly “Achi ly Davida hawi ni i yhm dengtheungchi teng i ati phy py ngo y. Jese i chapo teng i achi ly ati kamtym py ngo y leang. Aw Israela khumichi awi, amychi yhm mang phai vawi u sina! Rehoboam ly mymy i yhm dengtheungchi phai khen na sy!,” nanai aeu u. Hunaibaly Israela khumichi my tiu nai deaungkho y,

2 NENG SATANG 10:6

Naibaly samrang Rehoboam ly ampo Solomon ai tau pei nai miteaung kehchi teng y, “Huni khumichi ai kai ly mana pathang ai mo? Nangchi ati mana tau pei u ai mo?,” nanai deng.

SAM 17:13

Aw Areng, jeu ba! kai i paleung ka-echi ai neaung vui iy, taphra pi pawn ba! Nang i haisau hawi, khumi hawi y naichi kiu i nai kai ai atleu pi kyh ba.

SAM 34:19

Khumi kahawi ly ngari kamtang neangneang avum reng; na i py Areng ly ni ai, huni ngari kamtangchira i nai atleu pi nai ne.

LEU KACHENG 25:8

Nang i mei hawi niu nai ryrei my, tara jeung y seu tamangtang moh. Takhra pany nai khumi leaungrei my, nang i tamang nai sai pany hai pi lawh baly, nang ly mana sa ai mo?

LEU KACHENG 26:21

Mai-ai i vui maisaei, mai kangveaung i vui ly theng, ka-jo mai i vui ly ajo reng nai khumi ne.

MARKA 3:24

Pri py amy tengtawi atiu ryp baly, huni pri ly awm thai y leang.

LUKA 19:14

Na i py mymy i khumichi ly ni ai niu ngai y i, ‘Hini khumi ai ly kaichi ai peang ai nai ngai y,’ napi ai nai kangkhym y savai pato.

LUKA 19:27

Na i py hini kai ai tiu nai keungchi, mychi ai peang ai nai kai ai ngai y nai khumichi ai ly pahawi u ly, kai i mo y padei u,’ nanai,” napi.

JOHAN 13:8

Petera my ni teng y, “Nang ly kai i kheu paju ai nai den py ngo y ai,” napi. Isu my ni teng y, Kaimy kang paju y baly nang kai teng y ati sai py amkawm ai nai ny y leang,” napi.

Leu Thui Nai 13:13

nangchi cheng theaung theung i khumi hawi y nai phyreichi my, saleaung avang vanrei adawi naichi teng y, vaichi khala nichi chiu vai y nai tameuhchi ai chiu ai nai parawi nai satang thai baly,

TARA CHIH NAI KEUNGCHI 19:22

Nichi ly amo theu naimy awmnem nai thym khala y, mary theung i neampacho kamleaung phyreichi ly yhm katanmeuh iy, katheu atum u; yhmkeung miteaung pui teng y py, “Nang hawi vanrei abang nai khumi ai patheu pi; kaichi ly ni hawi apang ahawi ai nai ngai!,” napi u.”

TARA CHIH NAI KEUNGCHI 3:27

Ni ly Ephraim mawi aheung y tym nai khala tavai thau ai nai baw eng i, Israela chengchi ly ni i nithun abang u iy, mawi aheungchi mang satla u kathiu bo.

RUTHI 2:3

Naibaly Ruthi ly li y chei i, choh tyn nai keungchi nithun abang iy, nichi i khai su nai chohvuichi pakym achu bo. Ni i chei nai li ly Boaza i li apeh khyp nai ne.

1 SAMUELA 2:12

Eli i chapochi ly khumi kamthu kamleaungchi ne. Nichi ly Areng i leu pei naichi py,

1 SAMUELA 30:22

Na i py Davida nithun abang nai khumichi theung i paleung akhum nai khumi phyreichi my, “Nichi ly achi hawi vanrei abang u y nai deaungkho y, nichi ai atiura i nga nai vawnsaichi phy paji pajau y. Nichi ly mychi i aju chanauchi ai hawi iy, theu u pajau nai ne,” napi u.