2 SAMUELA 2:5 - Khumi Common Language Bible

⁵ huni khumichi teng y khumi phyreichi ai pato i, “Nangchi ly Sawla i veu up nai molam y, amychi i samrang ai ka-ym awm nai sai amteng bo. Hunai deaungkho y Areng ly nangchi ai amtheaung hai sy.

2 SAMUELA 2:5 ပူးပေါင်းရင်းမြစ်များ

ATITI AWM ANGCHEI NAI 14:19

“Kani hawi khaileaung sa nai keung, salo keh i Tameuh my Abram ai amtheaung hai sy,” nanai thui i amtheaung hai bo.

ATITI AWM ANGCHEI NAI 14:22

Abram my ni teng y, “Kani hawi khaileaung sa nai keung salo keh Areng Tameuh i mei ka-niu y vai kai vaineng abeu mang.

2 SAMUELA 15:20

Hini meingtym y tym nai py kra y rai nai deaungkho y, kai ly ati mana nai nang ai kai hawi vanrei meingtym tleirei y, amki hai ai mo? Kai py ma mang y chei ai mo, nanai kapany y. Nang ly nangmy i chengchi ai palau iy, vawi teang ba. Areng i ka-ym awm nai hawi pahen naira ly nang i tlang tleaung y tym hai sy,” napi.

2 SAMUELA 21:12

Davida ly Kilead pri mang y chei iy, Jabesa mary khumichi teng i Sawla hawi Jonathan nini i hiuchi la. (Jabesa mary i khumichi ly huni hiuchi ai Beth Shan mary i nai, kangviu y la vui nai ne. Philistia chengchi ly Kilabo mawi salo Sawla ai padei chum baly, ni i veu hawi Jonathan i veu ai Beth Shan mary y banghau nai ne.)

SAM 115:15

Kani hawi khaileaung sa nai keung Areng ly nangchi ai amtheaung naira pei sy!

JOSUA 2:14

Naibaly nini my, “Kaini ly adeu nai kamta kaso hawi y lawh baly, Tameuh my kaini ai padei sy; nang ly kaini i jeu nai leaungsai ai ami teng y py thui pi y ai na baly, Areng my hini pri kaichi teng y pei nai khala, kaichi ly nangchi ai kang pahen ai, nanai adeu mang,” napi.

TARA CHIH NAI KEUNGCHI 21:8

Mizapa mary y angym u nai khala y, Israela cheng theaung theung i, tym y nai khumichi awm rai a?, nanai adeng cham i, Kilead pri Jabe mary i, amimi py tym y nanai pany u bo.

RUTHI 1:8

Naomi my lengngo ni teng y, “Nangni ly nangmyni i amhmchi teng y phai vawi hawi teang teu. Nangni ly kai i tlang tleaung y py, dei chum naichi i tlang tleaung y py, atiti kahawi sa pi nai kamta, nangni i tlang tleaung py Areng my kahawi so pi na sy.

RUTHI 2:20

Naomi my, “Areng ly Boaza ai amtheaung hai sy! Areng ly heng nai khumi, dei nai khumichi teng y py, mymy i adeu nai leu ly khaw hai jojo sy!” nanai thui chum baly mymy ly “Hini khumi ly achi hawi amjo amnau kypkyp ne i, ni ly achi ai ang kry ai nai keungko ne,” napi.

RUTHI 3:10

Naibaly Boaza my, “Areng my nang ai amtheaung hai sy, vai nang i sa nai sai ly vaichi khala ngamni tlang tleaung y sa nai tleaung y malawn py, nang i ka-ym awm nai sai amteng bo. Nang ly khumi kamawn, ti y baly khumi kanang thawndeang leaung leaungrei hawi yhmtheaung sa pajau teu i py so y.

1 SAMUELA 11:1

Lorei kamta kra nai bo y Ammon samrang Nahasa ly my i tavaimichi ai lu sa iy, Kilead pri Jabe mary y tiu ai nai, tavai amsa u bo. Nichi ly mary ai katanmeuh nai deaungkho y, Jabe mary i khumichi my Nahasa teng y, “Kaichi hawi amkawm ai nai sumneang akhai baly, kaichi ly nang i peang nai anui y awm ai mang,” nanai thui u.

1 SAMUELA 11:9

Huni khumichi my Jabe mary i savaichi teng y, “Kaichi ly khawndam kani thun y rai khala y, nangchi mary i khumichi ai atleu ai, nanai nangchi i khumichi teng y thui pi,” napi. Jabe mary i khumichi ly huni satang nga nai khala y, khri pa-rei amo theu u bo.

1 SAMUELA 15:13

Samuela ly Sawla awm naira y tym i, Sawla my, “Nang ai Areng my amtheaung hai sy! kai ly Areng i leu pei naichi katangai bo,” nanai thui iy lamchung bo.

1 SAMUELA 23:21

Sawla my, “Nangchi ly hina nai kai i tlang tleaung y pahen u nai molam y, nangchi ai Areng my amtheaung hai sy!

1 SAMUELA 24:19

Khumi ly mymy i paleung ka-e ai patiu chum baly, mana khala y patleaung vai mo? Vaini kai i tlang tleaung y nang i sa nai sai molam Areng my nang ai amtheaung hai sy.