2 SAMUELA 2:13 - Khumi Common Language Bible

¹³ Zeruiah i chapo Juaba hawi Davida i tavaimi risachi py, Kibeon tuikan sahawi y tym iy, nichi hawi avum u. Nichi khumi kamkawm nyhrei ly tuikan i makeng makengrei mang y meingtym la u.

2 SAMUELA 2:13 ပူးပေါင်းရင်းမြစ်များ

2 SAMUELA 2:18

Zeruiah i chapo leaung thomrei, Juaba, Abisai, Asahelachi ly tavai keung y abawi u. Asahela ly sisiu kamta angpreng rang parai nai ne.

2 SAMUELA 20:23

Juaba ly tavailu areng keh lawm iy Jehoiada i chapo Benaja ly Davida i tamcheaung typ nai risachi ai peang nai ne.

2 SAMUELA 20:8

Kibeon mary i lengseaung puira y tym nai khala y, nichi ly Amasa hawi avum u. Juaba ly tavai atiu ai nai tavai ateaung amthyp naimy, haisau ai keura y pacheang iy, akeng y akawm; ni ly mo mang y asyh nai khala, haisau ly ahaw vui.

2 SAMUELA 23:24

Amyn amthang nai risa leaung phaireichi theung y abawi naichi ly hinichi ne: Juaba i amnau Asahela Bethlehem mary y awm nai Dodo i chapo Elahanan Harod mary y awm nai Shamah hawi Elika Pelet mary y awm nai Heleza Tekoa mary y awm nai Ikesa i chapo Ira Anatho mary y awm nai Abieza Husha mary y awm nai Mebunai Ahoh mary y awm nai Zalmon Netopha mary y awm nai Maharai Netopha mary y awm nai Baana i chapo Heleb Benjamin khu Kibeah mary y awm nai Ribai i chapo Itai Pirathon mary y awm nai Benaja Kasa sahawi i leaunghawi ra y awm nai Hidai Arabah mary y awm nai Abiabon Bahurim mary y awm nai Azamaveth Shaalabon mary y awm nai Elijaba Jashan i chapochi Jonathan Harar mary y awm nai Shamah Harar mary y awm nai Shara i chapo Ahiam Maaka mary y awm nai Ahasabai i chapo Eliphelet Kilo mary y awm nai Ahithophela i chapo Eliam Karamela mary y awm nai Hezaro Arab mary y awm nai Paarai Zobah mary y awm nai Nathan i chapo Ikala Kad khura i Bani Ammon cheng Zelek Zeruiah i chapo Juaba i tavai ateaung syn pi nai Beeroth mary i khumi Naharai Jatti mary y awm nai Ira hawi Kareb Hiti cheng Uriah Hinichi bawibawi ly amyn amthang nai risa leaung phai palyh leaung saryhreichi ne.

2 SAMUELA 8:16

Zeruiah i chapo Juaba ly tavailu areng keh ne iy, Ahilud i chapo Jehoshapha ly vuikanai kry nai keung ne.

1 ARENG KEH 1:7

Ni ly Zeruiah i chapo Juaba, pathyp pi nai keung Abiathachi hawi adeng ahui i, nichi my ni ai sabawm ai nai ngai u bo.

1 ARENG KEH 2:5

“Huni bo y kang taviu ai nai harei awm rai; Juaba ly Israela tavailu areng leaung nyhrei ne nai, Nera i chapo Abana hawi Jetha i chapo Amasa nini ai padei nai molam y, kai ai mana ang sa mo, nanai nang pany ai. Tavai keung y tleh naichi molam y vawitheung tha nai kamta, nini awmnem nai thym khala, ni ly mana tleh mo, nanai py nang pany ai. Ni ly kamngo by y nai khumichi ai padei bo. Ni i sa nai sai molam y kai teng y tym i, ni i hawi y nai ly kai i tlang tleaung y tym bo.

1 NENG SATANG 11:6

Samrang Davida my, “Jebusi khumi leaungrei ai tleh man nai khumi ai ly tavailu areng y pei ai!” nanai thui nai kamta, Zeruiah i chapo Juaba ly tavai atiu naira y lu sa nai deaungkho y, tavailu areng y atheng bo.

1 NENG SATANG 2:16

Jese ly Zeruiah hawi Abikaila napi nai chaniu leaung nyhrei awm. Jese i chaniu Zeruiah ly Abisai, Juaba hawi Asahela napi nai chapo leaung thomrei awm.

JEREMIA 41:12

Hunai deaungkho y my i risachi ai hawi iy, Ismaela ai tiu ai nai hui u i, Kibeon mary sahawi i tuikan puira y ni ai kai u bo.

1 SAMUELA 26:6

Naibaly Davida ly Hiti khumi Ahimelek hawi, Joaba i amnau Abisai teng y, (nichi i amhm ly Zeruiah ne.) “Nangni leaung nyhrei theung i ami nai ly Sawla i tai naira mang y kai hawi vanrei abang ai mo?,” nanai deng. Abisai my, “Kai abang ai,” nanai pathang.