2 SAMUELA 19:8 - Khumi Common Language Bible

⁸ Naibaly samrang ly ang thau i, mary apai katheu pa-kho sahawi mang y chei iy ateh. Khumichi ly huni meingtym y samrang awm, nanai pany nai khala y mymy teng y ahihawi u bo. Hina nai thym khala Israela cheng bawibawichi ly mymychi i awm naira tleirei y preang u.

2 SAMUELA 19:8 ပူးပေါင်းရင်းမြစ်များ

2 SAMUELA 15:2

Ni ly khawn angthodyh ang thau iy, mary apai pa-kho lamteng y angdo naimy awm reng nai ne. Samrang i tara leu pacheang nai tangai ai jeu nai, seu nai keung leaungrei jeu nai khala y, ni ai palau i, “Nang ly ma i jeu nai mo?” nanai deng. Seu nai keung my, “Kai ly hini meingtym Israela cheng theaung i khumi ne,” napi i,

2 SAMUELA 18:17

Nichi ly Abasalom i veu la iy daichi theung i angawm kathiu harei theung y aphi i, lengseaungchi hawi taphum u bo. Israela cheng bawibawichi py mychi i awm nai meingtym tleirei y preang u nai ne.

2 SAMUELA 18:24

Davida ly mary angam katheu hawi angtheung katheu sala i, khaileaung adymchyra y ateh nai ne. Tamcheaung ly mary apai salo y lyn iy, apai katheu salo mang angdo iy khen baly, khumi leaungrei ahawi abawi y naimy angpreng tapai nai niu.

2 SAMUELA 18:4

Samrang my py, “Nangchi my hawi keh nai dawn nai kamta, kasa ai,” napi. Naibaly ni ly leaung sangrei kamkawm, leaung chungvairei kamkawmchi tavai amsa u nai thym khala y, mary apai katheu sahawi y angdo bo.

2 SAMUELA 19:3

Tavai keung i preang nai deaungkho y kaji u nai tavaimichi kamta, nichi ly mary theung y tyn kryh y naimy kun u.

1 ARENG KEH 22:36

Kani avah y kyh rai khala y, “Khumi luteng ly amy i pri, amy i avang y vawi u sina bo! " nanai aeu nai raawi ly tavaimi kamkawm vereichi ra y tym bo.

2 ARENG KEH 14:12

Amazia i tavaimichi ly tavai sum nai deaungkho y, risa bawibawichi ly mymychi i yhm mang y preang u pawn bo.

2 ARENG KEH 8:21

Hunaibaly Jehoram ly mymy i tavai ka-ri bawibawichi hawi Zaira mary mang y tavai amsa i, huni meingtym y Edom tavaimichi my katanmeuh nai avum bo. Samrang hawi tavai ka-ri lu sa naichi ly huni katanmeuh naira i nai tleaung u. Ni i tavaimi risachi ly mymychi i yhm mang y angpreng u phro veng bo.

1 SAMUELA 4:10

Philistia chengchi ly athorei my tiu u i, Israela chengchi ly sum u nai y, mychi i yhm mang y angpreng u. Huni atiu nai ly khumi padei pawi lawm na i, Israela tavaimi leaung meaungkateaung thomrei dei u.