2 SAMUELA 19:5 - Khumi Common Language Bible

⁵ Juaba ly samrang i yhm mang y chei i ni teng y, “Vaini nang ly nangmy i hengra ai py, nangmy i chapo chaniu, samrangnu hawi samrangnu ai kry nai keungchi i hengra ai py, atleu nai nang i khumichi ai tahm pasang ai nai jeng y, tahm panem bo.

2 SAMUELA 19:5 ပူးပေါင်းရင်းမြစ်များ

2 SAMUELA 15:30

Davida ly phainai aleng iy paleung si nai ka-ma-ra lu amym i, vo nai tarawi y Olive mawi mang y lyn kalau bo. Ni i nithun abang u nai khumi bawibawichi py, lu amym iy vo u.

2 SAMUELA 18:17

Nichi ly Abasalom i veu la iy daichi theung i angawm kathiu harei theung y aphi i, lengseaungchi hawi taphum u bo. Israela cheng bawibawichi py mychi i awm nai meingtym tleirei y preang u nai ne.

2 SAMUELA 19:13

Huni bo y Davida ly Amasa teng y, “Nang ly kai i amjo amnau ne; vai i dengdairei nang ai Juaba i meingtym tavailu areng kehra y kang khai bo. Kai ly huna nai kaso y lawh baly, Tameuh my kai ai dei pa-rei pajeng na sy!” nanai amti pi ai nai py leu pei bo.

2 SAMUELA 19:4

Samrang ly meimai atamym naimy, Aw Kai i chapo! kai i chapo Abasalom! Abasalom kai i chapo!” nanai aeu naimy vo bo.

2 SAMUELA 19:6

Nang ly nang ai tamen nai khumichi ai nithun thun vui iy, nang ai niu ngai y nai khumichi ai atho pei bo. Nangmy i tavailu kalenchi hawi tavaimi risachi ai, ati sai py tahm khai y, nanai amteng hai bo. Vai i neng y ly kaichi bawibawi dei iy, Abasalom phai heng lawh ai nabaly, nang ly khri pa-rei amo theu ai, nanai kaichi pany pajau bo.

2 SAMUELA 3:39

Kai ly Tameuh my khai takhra nai samrang ne teu i py, vaini kai ly atho di bo. Zeruiah i chapochi ly kai i vui khri pa-rei paleung no hai au na lawh ly. Hini khumi hawi y naichi ai mychi i kamngolai y, Areng my pajeng na sy!,” napi.

NEHEMIA 9:27

Huna nai y nang ly paleung ka-echi teng y, nichi ai peang vui ai nai pei bo. Nichi patang naira avum nai khala ly kasabawmra nga ai nai, nang teng y aeu u. Hunaibaly nang ly kani pri mang dengdairei thai iy, pahen naira len parai nai hawimy, nichi ai paleung ka-echi kiu i nai atleu ai nai, lu sa naichi ai pato pi.

SAM 3:8

Areng ly eaung naira pei pajau nai keung ne; mymy i khumichi tlang tleaung y amtheaung naira tym hai sy,