2 SAMUELA 19:22 - Khumi Common Language Bible

²² Na i py Davida ly Abisai hawi ni i amjo Juaba teng y, “Nangni i dawn nai ly ami my hnei takeng mo? Nangni ly kai ai patang hai ai nai ngai nai sai a? Vai, kai ly Israela samrang lawm veng bo. Hunai deaungkho y vaini ly mani Israela cheng leaungrei ai py padei u moh,” napi chum baly,

2 SAMUELA 19:22 ပူးပေါင်းရင်းမြစ်များ

2 SAMUELA 16:10

Samrang ly Abisai hawi ni i amjo Juaba teng y, “Hini ly nang i kalop ny y leang; Areng my leu pei nai deaungkho y, kai ai pasawi nai ne lawh baly ni teng y, ‘nang ly ati mana nai y hina nai sa lawh mo?’ nanai ami my deng ai mo?” napi.

2 SAMUELA 16:5

Davida ly Bahurim mary y tym nai khala y, Sawla i amjo amnau ka-bi Kera i chapo Shimei ly Davida ai pasawi naimy mary theung i nai theu bo.

2 SAMUELA 16:9

Zeruiah i chapo Abisai ly samrang teng y, “Areng awi, ati mana nai hini ui kadei ai ly ati mana nai nang ai pasawi ai nai pei lawh mo? Kai ly chei iy ni i lu tameang vui si!” napi.

2 SAMUELA 3:39

Kai ly Tameuh my khai takhra nai samrang ne teu i py, vaini kai ly atho di bo. Zeruiah i chapochi ly kai i vui khri pa-rei paleung no hai au na lawh ly. Hini khumi hawi y naichi ai mychi i kamngolai y, Areng my pajeng na sy!,” napi.

ISAIA 16:5

Huna nai khala y Davida katu chanau theung i leaungrei naini samrang lyn iy, mipuichi ai ka-ymra, ka-tamenra hawi peang ai. Ni ly kahawi sa ai nai patyh ai ny y; leu meitang naimy tara chih pi ai.)

MATTHAI 8:29

Naibaly khen cham, nini my ly, “Aw Tameuh i Chapo awi! Kaini hawi nang hawi ati amtawm naira awm mo? Neng tym y rai khala my kaini ai patang hai ai nai jeu nai a?” nanai aeu.

1 SAMUELA 11:13

Na i py Sawla my, “Vaini ly Israela chengchi ai atleu nai Areng i kani ne; vaini ami ai py padei moh,” napi.

1 SAMUELA 26:11

Areng my khai takhra nai samrang ai padei y ai nai, kai ai Areng my paka na sy. Ani ly samrang i tivi hawi tui adym la iy, theu hawi sina,” napi.

1 SAMUELA 26:8

Abisai my Davida teng y, “Tameuh ly nang i paleung ka-e ai vaini, nang i kiu y ang-au nai bo. Hunaibaly ni ai mymy i tivi hawi tlenrei khyhmy, khaileaung y prida na pa-rei thun ai nai pei ba; tlen nyhrei kathun y leang mang!,” napi.

1 SAMUELA 26:9

Na i py Davida my, “Nang ly samrang ai padei ai nai avo y! Areng ly mymy i khai takhra nai samrang ai padei nai khumi ai ly pajeng takengkei ai.