2 SAMUELA 19:20 - Khumi Common Language Bible

²⁰ Aw areng, kai ly kamngo sa lawh bo. Huna nai y tosyh mang y awm nai cheng theaungchi theung i, samrang nang hawi avum ai nai vaini tym manme nai ne,” napi.

2 SAMUELA 19:20 ပူးပေါင်းရင်းမြစ်များ

ATITI AWM ANGCHEI NAI 48:14

Na i py Jakob ly mymy i kiu akhengkhi iy lamtang kiu ai ly amnau Ephraim i lu tleaung y tamam pi, langvawi kiu ly amjo Manase i lu tleaung y tamam pi nai ne.

ATITI AWM ANGCHEI NAI 48:20

Hunai deaungkho y Jakob my, “Israela chengchi ly nangni i amyn teaung iy amtheaung naira pei u ai. Nichi my, ‘Ephraim hawi Manase nini kamta amtheaung hai ai nai Tameuh my so pi na sy,’ nanai thui u ai,” nanai huni kani y deaungdi ai amtheaung hai nai ne. Huna nai kamta Jakob my Ephraim ai ly Manase i mo y ateh hai bo.

2 SAMUELA 16:5

Davida ly Bahurim mary y tym nai khala y, Sawla i amjo amnau ka-bi Kera i chapo Shimei ly Davida ai pasawi naimy mary theung i nai theu bo.

2 SAMUELA 19:21

Zeruiah i chapo Abisai my, “Shimei ai ly padei ai nai avo; ati mana nai mo nabaly ni ly Areng my vawi takhra nai samrang ai pasawi lawh nai deaungkho y ne,” napi.

2 SAMUELA 19:9

Pri verei y awm nai khumi bawibawichi my, “Samrang Davida ly achi ai paleung ka-echi kiu i nai atleu pi. Ni ly achi ai Philistia chengchi kiu i nai atleu pi. Na i py vai ly Abasalom i molam y, hini pri y khai su veng bo.

1 ARENG KEH 12:20

Israela chengchi ly Aikupta pri i dengdairei Jeroboam vawi ali teang bo, nanai satang thai nai khala y, ni ai mipui leu ka-rumra y palau i, Israela samrang y palyn u bo. Juda cheng naini Davida i kangpreangchi tlang tleaung y ka-ym awm u nai ne.

1 ARENG KEH 12:25

Israela samrang Jeroboam ly mawi nawi parai nai Ephraim pri Sekhem mary y lengseaung apai tapang iy, kani tanarei samrang sa. Naibaly hu i dengdairei theu iy, Penuel mary y lengseaung apai tapang bo.

JEREMIA 22:23

Nangchi ly Lebanon mawi i syn nai saitleang keungchi sala y chymme naimy awm u ai. Na i py deaungdi tapen ai achai nai neampachy kamta, no patang naira avum nai khala, nangchi ai ly khri pa-rei pahen ai nai hawi ai.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

HOSEA 5:3

Kai ly Israela chengchi i satang pany nai deaungkho y, nichi i hawi y sa nai taphum ai nai ngo y. Nichi ly kai i tlang tleaung y ka-ym by y nai deaungkho y, kai hawi ataing y leang bo,” napi.