2 SAMUELA 18:9 - Khumi Common Language Bible

⁹ Abasalom ly Davida i khumi phyreichi hawi, vaimy avum bo. Ni ly keaungngo kano kasau atang iy, ngopraibiu keung pui anui y kun i, ni i kaneaung ly dengkeaung changpichi ra y atakei thleng bo. Keaungngo kano kasau ly ampreng veangveang nai deaungkho y, Abasalom ly ali theung y abang leaunglang naimy amjo bo.

2 SAMUELA 18:9 ပူးပေါင်းရင်းမြစ်များ

2 SAMUELA 13:29

Miseaungchi ly Abasalom my leu pei nai kamta, Amanon ai padei u bo. Hunaibaly Davida i takhra chapo bawibawichi ly mymychi i keaungngo kano kasau atang u iy preang u nai ne.

2 SAMUELA 14:26

Ni i sam ly khri pa-rei hawi i, sau py sau, ji py ji nai deaungkho y sanengrei y tlenrei, atakip vui ai nai tla. Takip vui nai sam ly mitu miteaung sie apomrei vi awm nai ne.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

2 SAMUELA 18:10

Davida i khumi leaungrei ly ni ai niu i Juaba teng y, “Areng awi, Abasalom ly ngopraibiu keung tleaung y abanghau nai kaniu bo!” napi.

2 SAMUELA 18:14

Juaba my, “Kai ly nang hawi neng pasum atyhtyh bi ai nai ngai y leang bo,” nanai thui chum baly tivi jeung thomrei syn iy, ngopraibiu keung ra y abang hau naimy heng rai nai Abasalom i paleung y thun vau bo.

2 SAMUELA 18:8

Atiu nai ly daichi theung mang y ahei phro na i, daichi theung y dei nai ly tavai keung y dei nai khumichi tleaung y malawn py nawi nai ne.

JOBA 31:3

Mymy ly hawi y sa nai khumichi ai patang naira hawi myh kang naira tym hai bo.

LEU KACHENG 20:20

Amhm ampo ai pasawi nai khumi ly kaveng theung y jum nai maisi yhm kamta khumi i tlang tama ai.

LEU KACHENG 30:17

Amy i ampo ai panui hai reng nai khumi, amy i amhm ai saneng len nai thym khala tahm khai y nai khumi i ngan ai ly langna teicha lawm hai ai nai avo; ti y baly ni i mei ai o-achi my patiu hai ai nai avo.

JEREMIA 48:44

Jei hyn ai hawi naira i law tleaung ai nai atho sa naichi ly huni angawm theung y tla u ai. Hum angawmra i lyn kalau nai khumichi ly deaungchira y man u ai. Ati mana nai mo nabaly Moba pri ai tamyh ai nai neng ly kaimy khai takhra yb nai deaungkho y ne.

MATTHAI 27:5

Naibaly ni ly tangka ai ly meingtym kachai y aphi vui iy leh veng i akaeu veng bo.

MARKA 7:10

Mosi my ly, ‘Ngamhm ngampo ai tahm khai,’ napi: naibaly, ‘Ami py amhm ai mo ampo ai mo pasawi nai ngierei ai ly padei takengkei ai nai tla,’ napi bi.

KALATIA 3:13

Hunaibaly Abraham ai amtheaung hai naira ly Krista Isu y ly Cheng Takhrachi i tlang tleaung y awm thai ai nai, Krista ly achi i jeng y amsawi lawi nai ne i, Reita i pasawi naira i dengdairei achi ai atleu bo;

Leu Thui Nai 21:23

huni veu ai ly vumtorei khai u jo moh. Veu ai dengkeaung salo y bang hau nai ly pri i vui taham si nai deaungkho y, huni kani y my up vui ai nai tla. Nangchi i Areng Tameuh my pei nai pri ai amso ngai hai y ai nai, huni veu ai ly up veng ryp ai nai tla.

Leu Thui Nai 27:16

“ ‘Amhm, ti y baly ampo ai tahm khai y nai khumi ly Tameuh i amsawi lawi sy,’ nanai vaineng tauh nai khala, khumi bawibawichi my ‘Amen!’ nanai pathang u sy.

Leu Thui Nai 27:20

“ ‘Ampo i aju leaung leaungrei hawi tamang iy, ampo ai kangji pei nai khumi ly Tameuh i amsawi lawi sy,’ nanai vaineng tauh nai khala, “Khumi bawibawichi my ‘Amen!’ nanai pathang u sy.