2 SAMUELA 18:8 - Khumi Common Language Bible

⁸ Atiu nai ly daichi theung mang y ahei phro na i, daichi theung y dei nai ly tavai keung y dei nai khumichi tleaung y malawn py nawi nai ne.

2 SAMUELA 18:8 ပူးပေါင်းရင်းမြစ်များ

2 SAMUELA 18:7

Israela chengchi ly Davida i khumichi kiu y, khrikhri pa-rei tavai sum u. Huni kani y mychi mang i khumi leaung 20,000 rei dei u nai ne.

2 SAMUELA 18:9

Abasalom ly Davida i khumi phyreichi hawi, vaimy avum bo. Ni ly keaungngo kano kasau atang iy, ngopraibiu keung pui anui y kun i, ni i kaneaung ly dengkeaung changpichi ra y atakei thleng bo. Keaungngo kano kasau ly ampreng veangveang nai deaungkho y, Abasalom ly ali theung y abang leaunglang naimy amjo bo.

1 ARENG KEH 20:30

Dei kamthun khumichi ly Aphek mary mang y angpreng u i, khumi leaung 27,000 reichi ai ly mary apai my anawi hai bo. Benhada my py mary theung y angpreng i, yhm harei i takun theung y aheu vui nai ne.

SAM 3:7

Aw Areng! jeu kyh ba; kai i Tameuh! kai ai atleu kyh ba. Mymy ly kai i paleung ka-echi i ta-beng y tabeang iy nichi i ho py patleu pi vui bo.

SAM 43:1

Aw Tameuh, Kai teng y kamngo by y, nanai amthang hai kyh ba. Tameuh ai pany y nai khumichi ai ka-awi sa iy, kai mang y amo hai kyh ba. Tapawp nai hawi khumi hawi y naichi kiu i nai kai ai atleu kyh ba.

THEU NAI 15:10

Na i py Areng nang ly tlenrei khyhmy ali hm nai deaungkho y, Aikupta chengchi ai pangli tui my um biu vui bo; nichi ly tui sampyh kalen theung y kima kamta tup nai ne.

LEU KACHENG 24:21

Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.

LEU KACHENG 24:22

Huna nai khumichi ly tlenrei khyhmy phra vui pajau nai ne. Tameuh, ti y baly samrang my, ati mana ka-jeira avum hai pajau ai mo, nanai ami pany pajau mo?

JOSUA 10:11

Israela risachi my tiu nai deaungkho y, Amori risachi ly mawi aleaung lam mang y preang u nai khala, Azeka mary tym pa-rei, lam jeungrei kani mang i ji amai kalen puichi, nichi i tlang tleaung y Areng my tla hai bo. Ji amai tla hai nai deaungkho y dei naichi ly Israela chengchi my padei iy dei nai tleaung y nawi keh nai ne.