2 SAMUELA 18:24 - Khumi Common Language Bible

²⁴ Davida ly mary angam katheu hawi angtheung katheu sala i, khaileaung adymchyra y ateh nai ne. Tamcheaung ly mary apai salo y lyn iy, apai katheu salo mang angdo iy khen baly, khumi leaungrei ahawi abawi y naimy angpreng tapai nai niu.

2 SAMUELA 18:24 ပူးပေါင်းရင်းမြစ်များ

2 SAMUELA 13:34

Huna nai thym khala y Abasalom ly preang veng bo. Naibaly kra y naimy tamcheaung typ nai leaungrei ly Horonam mary lam, mawi salo mang khumi phyrei satla nai niu i, samrang teng y, “Horonam lam mawi salo mang, khumi phyreichi ang satla u,” napi.

2 SAMUELA 18:23

Ahimaz my py, “Ka-jeira avum ai nai ne teu i py, kai ly chei ai nai ngai,” nanai hnei taleang bi. Juaba my, “Hina nai ne lawh baly nang, chei ba,” napi i, Ahimaz ly Jordan tavo leaunghawi lam mang angpreng iy, Kusi cheng khumi ai katlen vui bo.

2 SAMUELA 18:25

Samrang teng y aeu iy thai hai bo. Samrang my, “Huni khumi ly bengtlairei kyh lawh nabaly, satang kahawi ang syn nai ne lym ai,” napi. Angpreng naimy jeu nai khumi py, sahawi y tym bo.

2 SAMUELA 18:4

Samrang my py, “Nangchi my hawi keh nai dawn nai kamta, kasa ai,” napi. Naibaly ni ly leaung sangrei kamkawm, leaung chungvairei kamkawmchi tavai amsa u nai thym khala y, mary apai katheu sahawi y angdo bo.

2 SAMUELA 19:8

Naibaly samrang ly ang thau i, mary apai katheu pa-kho sahawi mang y chei iy ateh. Khumichi ly huni meingtym y samrang awm, nanai pany nai khala y mymy teng y ahihawi u bo. Hina nai thym khala Israela cheng bawibawichi ly mymychi i awm naira tleirei y preang u.

1 SAMUELA 4:13

Eli ly Leu Maikawm Pawm i vui y khri pa-rei paleung mawn nai deaungkho y, lam teng i my i atehra salo y ateh naimy, khen ngang ngang jo nai ne. Angpreng nai khumi ly tavai sum nai satang mary theung y ahei hai i, khumi bawibawichi ly angtheng naimy aeu u lengleang bo.