2 SAMUELA 18:17 - Khumi Common Language Bible

¹⁷ Nichi ly Abasalom i veu la iy daichi theung i angawm kathiu harei theung y aphi i, lengseaungchi hawi taphum u bo. Israela cheng bawibawichi py mychi i awm nai meingtym tleirei y preang u nai ne.

2 SAMUELA 18:17 ပူးပေါင်းရင်းမြစ်များ

2 SAMUELA 19:5

Juaba ly samrang i yhm mang y chei i ni teng y, “Vaini nang ly nangmy i hengra ai py, nangmy i chapo chaniu, samrangnu hawi samrangnu ai kry nai keungchi i hengra ai py, atleu nai nang i khumichi ai tahm pasang ai nai jeng y, tahm panem bo.

2 SAMUELA 19:8

Naibaly samrang ly ang thau i, mary apai katheu pa-kho sahawi mang y chei iy ateh. Khumichi ly huni meingtym y samrang awm, nanai pany nai khala y mymy teng y ahihawi u bo. Hina nai thym khala Israela cheng bawibawichi ly mymychi i awm naira tleirei y preang u.

2 SAMUELA 19:9

Pri verei y awm nai khumi bawibawichi my, “Samrang Davida ly achi ai paleung ka-echi kiu i nai atleu pi. Ni ly achi ai Philistia chengchi kiu i nai atleu pi. Na i py vai ly Abasalom i molam y, hini pri y khai su veng bo.

2 SAMUELA 20:1

Kilakala mary y Benjamin nupai Bikri i chapo Seba napi nai khumi kamthu kamleaung leaungrei awm. Ni ly baw eng iy, “Davida ai aly ngai y, Kaichi ly ni i nithun abang ai nai ngai y. Israela khumichi awi, achi ly yhm y vawi u sina!” nanai aeu bo.

2 SAMUELA 20:22

mary i khumichi teng y chei iy tau pei pi bo. Nichi ly Seba i lu tameang iy, apai salo mang Juaba teng y aphi pi nai ne. Juaba ly baw eng nai khala ni i khumi bawibawichi ly huni mary i nai theu u i, mymychi i awm naira mang y vawi u. Juaba py Jerusalem mary samrang i yhm y vawi tang.

2 ARENG KEH 14:12

Amazia i tavaimichi ly tavai sum nai deaungkho y, risa bawibawichi ly mymychi i yhm mang y preang u pawn bo.

2 ARENG KEH 8:21

Hunaibaly Jehoram ly mymy i tavai ka-ri bawibawichi hawi Zaira mary mang y tavai amsa i, huni meingtym y Edom tavaimichi my katanmeuh nai avum bo. Samrang hawi tavai ka-ri lu sa naichi ly huni katanmeuh naira i nai tleaung u. Ni i tavaimi risachi ly mymychi i yhm mang y angpreng u phro veng bo.

LEU KACHENG 10:7

Khumi kahawichi ai pany jo nai ly amtheaung naira harei ne; na i py khumi hawi y naichi ai ly kra y naimy tami veng ryp ai.

Leu Thui Nai 21:20

Amhm ampo my nichi teng y, ‘Kaini i chapo ly paleung tang nai, amhm ampo ai sangkhri iy leu tangai y; tangka pasum atyhtyh iy, khri pa-rei nei cha pavui ryry na, nanai amti pi ai nai tla.

Leu Thui Nai 21:21

Naibaly mary i khumichi my huni chapo ai lengseaung hawi aphi ka ai nai tla. Hina nai sa iy nangchi ly huni kamngo tama hai pajau ai. Israela cheng bawibawichi ly huni satang thai nai deaungkho y jei u ai.

JOSUA 10:27

Kani avah nai khala Josua my, veuchi ai dengkeaung keung tleaung i nai pala iy, nichi i aheu nai tapiu theung y aphi su ai nai leu pei bo. Naibaly tapiu ai lengseaung puichi hawi pali hai tawp i, vaini khrairei huni lengseaung puichi ai niu pajau nai ne.

JOSUA 7:26

Nichi my Akhean i veu tleaung y, lengseaungchi pakheng hai cheng bo. Huni lengseaung pakheng nai ly vaini khrairei awm jo nai ne. Hunichi molam y huni meingtym ai ‘Patang naira leaunghawi’ nanai vaini khrairei amyn pathi nai ne. Naibaly Areng i kado theu nai ly rym bo.

JOSUA 8:29

A-i mary i samrang ai py, dengkeaung tleaung y akaeu hai chum baly bang hau iy, kani dym pa-rei khai bo. Kani avah nai khala veu la i, mary katheu pa-khora y aphi su ai nai Josua my leu pei bo. Naibaly nichi ly veu tleaung y lengseaungchi pakheng u achu i, huni ly vaini khrairei awm jo nai ne.

1 SAMUELA 4:10

Philistia chengchi ly athorei my tiu u i, Israela chengchi ly sum u nai y, mychi i yhm mang y angpreng u. Huni atiu nai ly khumi padei pawi lawm na i, Israela tavaimi leaung meaungkateaung thomrei dei u.