2 SAMUELA 17:8 - Khumi Common Language Bible

⁸ Nang i ngampo hawi ni i khumichi ly tavai atiu kawp parai naichi ne, nanai py, nichi ly cho tama nai tavym nu kamta ka-jei hawi parai, nanai py nang pany chybo. Nang i ngampo ly tavai atiu kawp parai nai deaungkho y, vum y my i khumichi hawi vanrei i vai y.

2 SAMUELA 17:8 ပူးပေါင်းရင်းမြစ်များ

2 SAMUELA 15:18

Samrang i bangtangchi ly ni i sahawi y awm u nai thym khala y, tamcheaungchi ly samrang i mo mang tako u prei bo. kath mary i abang nai tavaimi leaung 600 reichi py, tako u prei nai khala y,

2 SAMUELA 17:9

Vai malawn py ni ly tapiu ha harei ra y mo, ti y baly takhra ha harei ra y mo, aheu naimy awm ai. Davida my ang tiu phai ang tiu baly, nang i khumichi ly sum ai. Huni satang thai nai khumichi my nang i khumichi sum u bo, nanai thui u ai.

2 SAMUELA 23:16

Amyn kamthang risa leaung thomreichi ly Philistia tavaimichi tai naira theung y kun prei iy, tuikanra i tui deu i, Davida teng y tym hai. Na i py samrang ly huni tui nei y i, Areng teng y talam nai leih vui iy,

2 SAMUELA 23:18

Juaba i amnau Abisai ly amyn amthang nai risa leaung phaireichi i lu ne. Ni ly khumi leaung chungvai thomreichi ai tivi hawi padei pajau nai deaungkho y, amyn amthang nai risa leaung phaireichi theung y amyn len nai ne.

2 ARENG KEH 2:24

Elisa ly alengli iy nichi ai khen kalingie chum baly, Areng i amyn hawi nichi ai pasawi. Naibaly daichi theung mang tavym nu nyhrei theu iy, huni deaungdi leaung 42 reichi ai be piupa bo.

LEU KACHENG 17:12

Chochi tama nai tavymnu hawi avum nai ly hawi y nai kalop sa nai khumi ka-khum hawi avum nai tleaung y hawi keh.

LEU KACHENG 28:15

Khumi kamawnchi ly hawi y nai samrang peang nai khala ly kajeaung kamang naira avum ai. Hawi y nai samrang ly hang hai nai khrangsi, ti y baly teicha tlai ai nai amki ryry nai tavym kamta, jei ai hawi parai nai ne.

Ezekiela 19:2

Ngamhm ly khrangsinu atawm khyp! Ni ly chengthli nai khrangsi kataichi theung y mymy i chochi ai len pa-rei pacho iy kry bo.

DANIELA 7:5

Kai ly pa-nyh mawi kasi ai niu. Huni mawi kasi ly nithun mang i kheu nyhrei hawi angdo nai tavym hawi atawm. Ni i labeaung y pana sa reng thomrei kei hau nai ne. Katyn harei my ni teng y, “Nganbawi ai kajeu kawi pa-rei cho!” napi.

HOSEA 13:8

Cho tama nai tavym kamta, nangchi ai kang be puipa ai. Khrangsi kamta avum nai meingtym y kei iy, daichi mawi kasi kamta theng piupa ai.

TARA CHIH NAI KEUNGCHI 18:25

Dan cheng theaungchi my ni teng y, “Hini khumichi ly kado theu iy, nangchi ai tiu hai ai nai ngai y baly, leu sairei py katheu u bi moh; nang hawi nangmy i yhm dengtheungchi dei pawn na,” napi.

1 SAMUELA 16:18

My teng y awm nai miseaung leaungrei my, “Bethlehem mary y awm nai Jesai teng y, taro beu kawp nai chapo leaungrei awm; ni ly sorai paleung awm nai, mo-cha hawi nai, tavai atiu kawp nai, leu haidau awm nai khumi ne. Areng ly ni hawi vanrei awm,” napi.

1 SAMUELA 17:50

Davida ly hina nai kamta haisau abawi y naimy, lijai hawi lengseaung harei y my Koliatha ai dei pa-rei tamo nga hai iy, pajau vui bo!

1 SAMUELA 23:23

Ni i aheu nai meingtym hawihai palai khen u patyp ly kai teng y satang thai hai praw; naibaly kai py nangchi hawi vanrei chei iy hau ai. Davida ly Juda pri y awm rai baly, kai ly Juda pri verei y kahau ai i, kapatiu ai,” napi.