2 SAMUELA 17:14 - Khumi Common Language Bible

¹⁴ Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

2 SAMUELA 17:14 ပူးပေါင်းရင်းမြစ်များ

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

2 SAMUELA 15:31

Ahithophela ly Abasalom i kamkawmra y abawi veng bo, nanai Davida thai nai khala y, “Aw Areng, Ahithophela i tau pei naichi ly ati sai py ny y nai mang y lawm hai veng ba,” nanai chiu sa bo.

2 SAMUELA 15:34

Na i py nang ly mary y vawi ali teang iy, Abasalom teng y, “Samrang awi, kai ly ngampo teng y kalop sa reng nai kamta, vai, nang teng y kalop kasa ai, nanai thui. Naibaly Ahithophela i tau pei nai ai, nangmy taphra pajau lawh baly, kai ai sabawm pajau.

2 SAMUELA 16:23

Hunai thym khala y khumichi my Ahithophela i tau pei nai ly Tameuh teng i tau pei nai palawn u. Davida hawi Abasalom nini py dawn hawi teang bo.

2 NENG SATANG 10:15

Samrang ly hina nai mipuichi i leu tangai y nai ly amo Ahijah dengdairei Neba i chapo Jeroboam teng y leu pei nai kamta tym hai ai nai Areng Tameuh i kangai ne.

2 NENG SATANG 10:8

Na i py Rehoboam ly miteaung kehchi i tau pei nai ai dawn dang y naimy, my i tleaungri, vai i neng y mymy ai tau pei nai thawndeang deaungdichi hawi arum bo.

2 NENG SATANG 25:16

Huna nai khala y Amazia my, “Kaimy nang ai mana khala samrang ai tau pei nai keung y kang khai mo? Nang ly awm pypy, ti y baly kang padei vui ai!” napi. Amo my ly “Nang ly hini atitichi sa iy kai i tau pei nai dawndan y lawh baly, Tameuh my nang ai padei ai nai dawn yb nai vai ly kai pany bo,” nanai thui chum baly sai py katheu y naimy awm pypy bo.

2 NENG SATANG 25:20

Na i py ni i leu ai Amazia ly tangai y. Ni ly Edom chengchi chiu nai mynchi ai chiu nai deaungkho y, Amazia ai tavai sum hai ai nai Tameuh i kangai ne.

NEHEMIA 4:15

Paleung ka-echi ly mychi i tau nai saichi ai achi my pany pi veng bo, nanai thai u nai khala y, nichi i tau nai saichi ai Tameuh my taphra pi veng bo, nanai pany u nai ne. Naibaly kaichi bawibawi ly mary apai sa nai kalop sa veangveang bo.

JOBA 12:17

Mymy ly peang nai keungchi ai, tau cheng naira dyhp hai iy, mipui i lu sa naichi ai kamthu kamta sa hai bo.

SAM 9:15

Myn y chiu nai khumichi ly mychi i tai nai angawm theung y tla u. Mymychi i pateung nai deaungra y my, man u ali teang bo.

SAM 9:16

Areng ly leu meitang naimy tara chih nai deaungkho y, mymy ai amthang hai bo. Khumi hawi y naichi ly mychi i sa nai sai molam y, mychi ai man u ali teang nai ne.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

LEU KACHENG 21:30

Khumi ly my i cheng naira, sa thai naira, pany thai praw nai cheng nairachi hawimy, Areng ai ly ka-awi so pajau y leang.

ISAIA 8:10

Nangchi sa ai naichi dawn pasym u! Na i py huni pasym yb naichi ly mana khala py eaung ai ny y. Nangchi thui ai ngai nai leuchi thui u. Na i py hunichi ly ati sai py ny y ai. Ati mana nai mo nabaly Tameuh ly kaichi hawi vanrei awm nai deaungkho y ne.

TANGAM NAI LEU 3:37

Areng i ngai nai kamta naini, sa nai sai amcheang ai tla.

AMOS 9:3

Nichi ly Karamela mawi salo y aheu u teu i py, nichi ai hau iy patiu ai. Kai teng i nai tleaung ai nai pangli paichi theung y aheu lawh baly, nichi ai pajawn ai nai pangli naka ai leu pei ai.

LUKA 16:8

Naibaly ni i yhmkeung ly yhmtheaung kry nai keung hawi y nai ly ka-vo pany nai deaungkho y mymy ai palo; kangvang chochi tleaung y ly hini khaileaung pri i chochi my vai i kangthau y ly cheng keh lawh veng.

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

Leu Thui Nai 2:30

“Na i py samrang Sihon ly achi ai ni i pri theung mang tako prei ai nai pei y. Nangchi i Areng Tameuh my huni samrang i paleung tang hai nai deaungkho y, achi my ni ai tiu pajau vui i, ni i pri peang vui iy vaini khrairei achi ly hu y khuteng sa jo nai ne.

JOSUA 11:20

Huni khumi bawibawichi ai pahen y naimy tleh pawn ai nai, Areng ly huni khumichi ai ham parai naimy, Israela chengchi ai tiu hai bo. Huni khumichi ai tamyh pawn ai nai tla nai ly Mosi dengdairei Areng my leu pei yb nai deaungkho y ne.