2 SAMUELA 16:23 - Khumi Common Language Bible

²³ Hunai thym khala y khumichi my Ahithophela i tau pei nai ly Tameuh teng i tau pei nai palawn u. Davida hawi Abasalom nini py dawn hawi teang bo.

2 SAMUELA 16:23 ပူးပေါင်းရင်းမြစ်များ

2 SAMUELA 15:12

Kapathyprachi talam nai thym khala y Abasalom ly Kilo mary y khumi pato i, Davida ai tau pei nai keung, Kilo mary y awm nai Ahithophela ai palau. Abasalom nithun y abang naichi ly nawira nawira nai hawi vanrei, samrang ai tiu ai nai kangviu y dawn pasym nai ly atho awmra nai ne.

2 SAMUELA 15:31

Ahithophela ly Abasalom i kamkawmra y abawi veng bo, nanai Davida thai nai khala y, “Aw Areng, Ahithophela i tau pei naichi ly ati sai py ny y nai mang y lawm hai veng ba,” nanai chiu sa bo.

2 SAMUELA 17:1

Ahithophela my Abasalom teng y, “Kai ly khumi meaung kateaung atlo sangnyhrei vawi takhra iy, vaini my Davida nithun hui ai.

2 SAMUELA 17:14

Abasalom hawi Israela cheng bawibawichi my, “Hushai i tau pei nai ly Ahithophela i tau pei nai tleaung y hawi keh,” nanai thui u. Abasalom teng y patang naira tym hai ai nai Areng ly Ahithophela i pei nai tau kahawi ai phra hai vui nai ne.

2 SAMUELA 17:23

Ahithophela ly my i tau pei nai tangai pi y, nanai apany baly keaungngo kano kasau tleaung y atang iy, mymy i awm nai mary y vawi bo. Ni ly my i sa ai awm nai kalopchi sa chum baly akaeu vui bo. Ni i veu ai ly amjo amnauchi i tapreaung y up nai ne.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

JOBA 5:12

Mymy ly tau awm nai khumichi i ka-dawnchi phra hai ai. Khumi kachengchi ai py, mychi i paran nai hawimy pakhum hai reng nai ne. Hunai deaungkho y nichi ly mychi i sa nai leaungsai ngiereichira y, eaung naira ngo u y.

SAM 19:7

Areng i leu ly angym be pa-rei hawi nai deaungkho y, paleung hawi phailo ai kangtha lawm hai reng nai ne. Areng i patiu pi nai saichi ly ym ai hawi parai nai ne i, pany thai y naichi ai pany hai bo.

SAM 28:2

Nang i Achura yhm kachai mang y kiu pheu iy, “Sabawm kyh ba,” nanai kai aeu nai khala, tangai pi kyh ba.

Parip nai leu 10:1

Rimui hangra y pathau veu tla nai deaungkho y rimui hang ai kaveaung mui hai nai kamta, maidenreichy akhum nai ly khri pa-rei tau cheng naira ai phra hai pajau.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

JEREMIA 8:9

Nangchi i khumi kachengchi ly kangji nga u bo. Nichi ly paleung khrukhra naimy deaung y man u bo. Nichi ly kai i leu khai u su bo i, vai nichi ly ati cheng naira awm u jau mo?

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

MATTHAI 11:25

Hunai thym khala y Isu ly pathang i, “Aw Ngaai, kani khaileaung Areng awi! Nang ly khumi kacheng hawi paleung ha naichi teng y hini leu payh iy, deaungdi chymplei naichi teng y amteng hai nai deaungkho y kang palo mang.

LUKA 16:8

Naibaly ni i yhmkeung ly yhmtheaung kry nai keung hawi y nai ly ka-vo pany nai deaungkho y mymy ai palo; kangvang chochi tleaung y ly hini khaileaung pri i chochi my vai i kangthau y ly cheng keh lawh veng.

ROM AVANGCHI TENG Y PAWLA I CHA PA NAI 1:22

Nichi ly kacheng apalawn u iy kamthu y lawn veng, naibaly dei thai y nai Tameuh i nang parai naira ai ly dei thai nai khumichi hawi,

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

1 SAMUELA 30:8

Huna nai khala y Davida ly Areng teng y, “Kai ly hini mary ai tiu nai khumichi nithun hui ai a? Nichi ai kapatiu ai a?,” nanai deng. Mymy ly “Nichi nithun hui; nang ly nichi ai patiu iy, langheng hawi naichi ai atleu pajau ai mang,” nanai pathang.