2 SAMUELA 16:22 - Khumi Common Language Bible

²² Naibaly Abasalom ly samrang i yhm amphu salo y kanih tangbeung jang hai chum baly, khumichi i mei ka-niu y ampo i samrangnu ai kry naichi hawi i ahawi bo.

2 SAMUELA 16:22 ပူးပေါင်းရင်းမြစ်များ

ATITI AWM ANGCHEI NAI 35:22

Huni pri y Jakob awm nai thym khala y, Ruben my ampo i aju katheang Bilaha hawi i ahawi bo. Jakob my pany nai khala y khri pa-rei kado theu. Jakob ly chapo leaung holai nyhrei awm nai ne.

2 SAMUELA 11:2

Kanirei nai khala y Davida ly kani thun y i nai anglaw i, samrang yhm amphu salo y lyn kalau iy aleaung nai thym khala y, neampachy leaungrei tui ahiu nai niu; huni neampachy ly khen nai mo-cha khri pa-rei hawi parai nai ne.

2 SAMUELA 15:16

Hunai deaungkho y samrang ly my i yhm dengtheungchi hawi bangtangchi ai palau iy preang u bo. Samrang yhm typ ai nai samrangnu ai kry nai khumi leaung horeichi ai naini daw jo nai ne.

2 SAMUELA 20:3

Davida ly Jerusalem mary y awm nai mymy i yhm y tym nai khala y, samrang i yhm typ ai nai khai jo nai, samrangnu ai kry nai leaung horeichi ai vym vui iy, tamcheaung typ naichi i anui y khai bo. Nichi i vui aly ngai nai ateaung alangchi pei pi teu i py, samrang ly nichi hawi i ahawi y leang. Nichi ly neampachy lumai kamta, deungrei awm u ai nai tla bo.

ISAIA 3:9

Nichi i meimai awm nai sai my nichi teng y kamngo awm, nanai amny hai bo. Sodom mary i khumichi kamta, nichi ly kamngo amteng na pa-rei sa tamang u. Nichi ly taham si u bo. Mychi phra tleaung phra ra nai ly mychi naimy sa u nai ne.

JEREMIA 3:3

Kai ly hini molam y khuma kani heng hai iy, kangkhym kani py nai hai y nai ne. Nang ly bima kamta amlawn iy, nang ly jei kaji nai py by y bo.

JEREMIA 8:12

Kai i khumichi ly amso ngai naichi sa u nai molam y kaji u a? Lym lym kaji u y, kangji meimai py amteng y! Hunai deaungkho y nangchi ly khumi takhrachi kamta atlym u ai. Kaimy pajeng nai khala nangchi ly ang thau u pajau ai ny y. Hini ly kai Areng i thui nai leu ne.

Ezekiela 24:7

Huni mary theung y khumi ai padei nai kahm awm; na i py thi ly khaileaung y beu y, chaipyn nai lengseaung bailang salo y beu nai deaungkho y, spryh hawi taphum ai nai ngo y.

Kati Nai 25:6

Mosi hawi Israela cheng bawibawichi ly Areng i awmra Tabynako katheu pa-khora y paleung si vo tangam nai thym khala, Israela neampacho leaungrei ly Mosi hawi mipuichi i mei ka-niu y my, Midian neampachy leaungrei ai mymy i tai theung y pahawi jo nai niu u.

PHILIPI 3:19

hunichi i tem naira ly tama naira ne, mymychi i tameuh ly mymychi i kajeu ne, mymychi i tahm apasang naira py mymychi i amthang leaung naira ne, nichi ly khaileaung pri i atitichi ngai lawh.