2 SAMUELA 16:21 - Khumi Common Language Bible

²¹ Ahithophela my, “Samrang i yhm typ ai nai ngampo my khai nai samrangnu ai kry naichi teng y kun ly nichi hawi i ahawi; huna nai sa baly ngampo ly nang ai paleung ka-e palawn bo, nanai khumichi my pany nai khala, nang i nithun abang naichi ly khri pa-rei atho nga u ai,” napi.

2 SAMUELA 16:21 ပူးပေါင်းရင်းမြစ်များ

ATITI AWM ANGCHEI NAI 34:30

Huna nai khala Jakob my, Levi hawi Simeon teng y,” Nangni ly kai ai paleung mawnra tym hai bi bo; vai ly hini pri i Kanan cheng hawi Perizi chengchi ly kai ai niu ngai u y ai bo. Kai teng y khumi maidenreichy awm khyh; nichi ly khumi akachu iy, kai ai ang tiu baly achi dengtheung bawibawi ly dei be ai bo,” napi.

ATITI AWM ANGCHEI NAI 35:22

Huni pri y Jakob awm nai thym khala y, Ruben my ampo i aju katheang Bilaha hawi i ahawi bo. Jakob my pany nai khala y khri pa-rei kado theu. Jakob ly chapo leaung holai nyhrei awm nai ne.

ATITI AWM ANGCHEI NAI 38:16

Juda ly lamteng y ateh nai neampachy teng y chei tapai iy, “Ani i ahawi sina; nang ly vang majirei hnei ai mo?” napi. (Mymy ly lengngo, nanai pany y nai ne.) Neampachy my, “Nang ly kai ai ati pei ai mo?” napi.

ATITI AWM ANGCHEI NAI 6:4

Huni neng khala y hawi kangkhym i neng khala py, kanichochi hawi khaileaung i khumi neampachychi apom iy tapen nai kangpreangchi ly khumi py len, atho py awm; jangni i amyn amthang nai sorai theu nai khumichi ne.

2 SAMUELA 10:6

Ammon khumichi ly Davida ai mychi i paleung ka-e y khai u lawh bo, nanai apany u nai deaungkho y, Betherhoba mary hawi Zobah mary i Suria tavaimi leaung 20,000 rei, Toba mary i khumi leaung 12,000 rei bo y, samrang Maaka hawi khumi leaung 1,000 reichi ai alai u nai ne.

2 SAMUELA 12:11

Kai ly nang i yhm dengtheungchi theung i naimy, nang ai patang hai nai keung leaungrei theu hai ai. Nang i ajuchi ai takhra khumi teng y, kaimy pei vui nai ly nang nui ai. Huni khumi my ly nang i ajuchi hawi kani thun tang y my, i ahawi nai py nang nui ai.

2 SAMUELA 13:5

Jonada my ni teng y, “Nang ly ira tleaung y aseaung ly no ka-awi so. Ngampo my no de nai khala y, ‘Kai i tuicho Tamar ly kai ai pacho panei ai nai kai teng y pato pi kyh. Kai i mo y biu an amsi nai, ni my kai ai pasawm patau pacho panei sy,’ nanai takeng,” napi.

2 SAMUELA 15:16

Hunai deaungkho y samrang ly my i yhm dengtheungchi hawi bangtangchi ai palau iy preang u bo. Samrang yhm typ ai nai samrangnu ai kry nai khumi leaung horeichi ai naini daw jo nai ne.

2 SAMUELA 16:20

Naibaly Abasalom my Ahithophela mang y amhi iy, “Vai, kaichi ly ati sa ai mo? kaichi ai tau pei kyh ba,” napi.

2 SAMUELA 17:7

Hushai my, “Hini tlenrei nang ai Ahithophela my tau pei nai ly avo y leang.

2 SAMUELA 2:7

Nangchi ly vam parai naimy atho so u! Nangchi i samrang Sawla ly dei veng bo i, Juda mipuichi my kai ai mychi i samrang lawm ai nai asitui ang leih pi bo,” nanai pany hai nai cha tajiu iy pei pi nai ne.

2 SAMUELA 20:3

Davida ly Jerusalem mary y awm nai mymy i yhm y tym nai khala y, samrang i yhm typ ai nai khai jo nai, samrangnu ai kry nai leaung horeichi ai vym vui iy, tamcheaung typ naichi i anui y khai bo. Nichi i vui aly ngai nai ateaung alangchi pei pi teu i py, samrang ly nichi hawi i ahawi y leang. Nichi ly neampachy lumai kamta, deungrei awm u ai nai tla bo.

1 ARENG KEH 11:25

Rezon py Solomon heng nai ryrei ly Israela chengchi ai ka-jo hau jojo nai ne.

1 ARENG KEH 2:17

Adonijah my, “Shunem mary i neampachy Abisha ai kai hawi apom hai ai nai, pahen parai naimy samrang Solomon teng y takeng pi kyh; ni ly nang i leu akhi ai ny y, nanai kai pany,” napi.

1 ARENG KEH 2:22

Samrang my, “Ati mana nai y Abisha ai naini hnei lawh khyh mo? Samrang atehra phai hnei sy bei; ni ly kai i amjo ne. Pathyp pi nai keung Abijatha hawi Juaba py, ni teng y abang nai ne! " napi.

Levi 18:8

Ngampo i aju katheangchi hawi ta-pui ta-chi apha nai molam y, ngampo ai kangji pei moh, takhrachi hawi py pajang sa iy, ngampo ai tahm khai y nai so moh.

Levi 20:11

Ampo i aju leaung leaungrei hawi tamang nai khumi ly my i ampo ai kangji pei nai ne i, nini leaung nyhrei ai padei mei ai nai tla. Nini ly dei ai ataing nai kamngo sa hawi nai ne.

ZEKHARIAH 8:13

Aw Juda hawi Israela khumichi awi! Jangni y cheng takhra khumichi ly mychi tengtawi apasawi apatau u nai khala y, ‘Nangchi ly Juda hawi Israela chengchi tlang tleaung y tym nai ka-jeirachi kamta, nangchi i tlang tleaung y tym teang sy!’ nanai thui u reng nai ne. Na i py kai ly nangchi ai atleu ai i, huni cheng takhra khumichi ly mychi tengtawi, ‘Nangchi ly Juda hawi Israela chengchi teng y tym nai amtheaung nairachi kamta, nangchi py ngo u teang sy!’ nanai thui u ai. Hunai deaungkho y sorai paleung awm u; jei u moh,” napi.

I KORINTH 5:1

Naibaly angai nai ly, Cheng Takhrachi theung y py awm vai y nai, khumi leaungrei ly amhm to ai la nai, huni angai nai ly nangchi theung y awm, nanai leu amthang bo.

1 SAMUELA 13:4

Philistia tavailu areng ai Sawla my padei vui nai satang hawi, Philistia chengchi ly Israela chengchi ai niu ngai y nai satang ai Israela chengchi thai u i, Sawla i leu pei nai kamta, Kilakala mary y jeu u achu bo.

1 SAMUELA 27:12

Na i py Akhisa ly Davida i leu ym nai deaungkho y, “Hini khumi ly my i Israela chengchi my niu ngai y nai molam y, mymy deungrei kai i amtaw thau pi ai,” nanai ka-dawn awm bo.