2 SAMUELA 16:2 - Khumi Common Language Bible

² Samrang Davida my, “Nang ly hini vawnsaichi ai ati aly jeu hai nai mo?” nanai deng. Ziba my, “Hini keaungngo kano kasauchi ly areng nang i yhm dengtheungchi atang ai nai ne; tako hawi thengthaichi ly nang i khumichi cha ai nai ne i, kreip hang ly daichi ka-vym theung y nichi akawm u nai khala, nei ai nai ne,” nanai pathang.

2 SAMUELA 16:2 ပူးပေါင်းရင်းမြစ်များ

ATITI AWM ANGCHEI NAI 21:29

naibaly Abimelek my Abraham teng y, “Nang ly ati mana sa nai mo?” napi.

ATITI AWM ANGCHEI NAI 33:8

Esaw my, “Lam y kai i avum nai tawnbawi kanghuchi ly mana nai mo? Ati mana sa ai naichi mo? nanai deng. Jakob my, “Hunichi ly nang teng y meimai kang sa nai na a,” napi.

2 SAMUELA 15:1

Naibaly Abasalom ly keaungngo ka-ri harei, keaungngochi hawi mo mang y amtheung nai tavaimi leaung vuipangreichi ai, my i vui pangym yb bo.

2 SAMUELA 15:23

Davida nithun abang naichi theu u nai khala y, mipuichi ly vo hang u. Samrang hawi abang nai khumi bawibawichi ly Kidron tavo angpeang iy daichi ka-vym mang y tako u bo.

2 SAMUELA 19:26

Mephiboseth my, “Nang parai nai samrang awi, nangmy pany yb nai kamta kai ly kheu tabai nai khumi ne. Kai ly nang hawi vanrei keaungngo kano kasau atang iy abang ai nai keaungngo kano kasau tleaung y atangra khai hai i py, kai i miseaung ly kai ai tapawp nai ne.

Ezekiela 37:18

Huna nai sa nai ly awm nai sai ati mo, nanai nang i chengchi my ang deang ai.

TARA CHIH NAI KEUNGCHI 10:4

Ni ly keaungngo kano kasau ha harei atang nai, chapo leaung phairei awm; nichi ly Kilead pri y mary phairei peang ai nai nga u. Huni marychi ly ‘Ja-ira i avangchi’ nanai, vaini khrairei amyn awm jo nai ne.

TARA CHIH NAI KEUNGCHI 5:10

Atangra salo y ateh iy, keaungngo kano kasau kangleung atang u nai khumichi awi, chei nai tleirei y kheu mang tako nai khumichi awi, hini satang adawn pasym u.

1 SAMUELA 14:28

Na i py risa leaungrei my, “Achi bawibawi ly atho bai na veng bo; na i py nang i ngampo my kaichi ai,’ Vaini teicha teinei cha nai khumi ly amsawi lawi kalei sy,’ nanai pasawi kheih nai ne,” napi.

1 SAMUELA 25:27

Aw areng, nang teng y kai i kang syn pi nai langseaungchi ai pahen parai naimy talam pi iy, nang i khumichi teng y pei pi ba.