17 Abasalom my, “Nang i ahawi Davida i tlang tleaung y ka-ym awm nai sai ly mana vui lawh mo? Nang ly ati mana nai deaungkho y, ni teng y abang y lawh mo?” nanai deng.
Hushai my, “Kai ly mana abang thai ai mo? Areng my vawi takhra nai keung, hini khumichi hawi Israela cheng bawibawi my vawi takhra nai keung i miseaung y kaawm ai; kai ly nang hawi vanrei awm ai.
Phyrei ahawi ka-dawichi ly kakra amkawm ai nai ngo y. Na i py phyrei ahawi ka-dawichi ly amjo amnau kypkyp tleaung y malawn py, khri pa-rei ka-ym awm nai ne.
Cheng naira by y iy khumi ka-khumchi awi, Areng ai hina nai kamta sa ai tla nai a? Mymy ly nangchi ai sa nai keung, nangchi i ampo, mymy ly nangchi ai khumi cheng harei ang lawn hai bo.