2 SAMUELA 15:10 - Khumi Common Language Bible

¹⁰ Na i py ni ly Israela cheng theaung bawibawichi teng y savaichi pato i, “Nangchi ly baw eng nai katyn thai nai khala y, ‘Abasalom ly Hebron mary y samrang lawm bo’ nanai aeu u,” nanai taviu yb nai ne.

2 SAMUELA 15:10 ပူးပေါင်းရင်းမြစ်များ

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

2 SAMUELA 14:30

Naibaly Abasalom ly my i miseaungchi teng y, “Khen cham, Juaba i li ly kai i li hawi abira nai ne. Huni lira y changleung choh neangneang awm; chei u ly mai leng u,” napi. Naibaly miseaungchi ly chei u iy, amti amjangchi ai mai hawi leng pi pawn bo.

2 SAMUELA 15:9

Samrang my, “Paleung awmnem naimy chei ba,” napi i Abasalom ly Hebron mary y chei bo.

2 SAMUELA 19:10

Achi ly Abasalom ai achi i samrang lawm ai nai asitui leih pi teu i py, ni ly tavai keung y dei veng bo. Hunai deaungkho y samrang Davida ai palau teang ai nai, ati mana nai y achi dawn y naimy awm u lawh mo?” nanai mymychi tengtawi a-ei u bo.

2 SAMUELA 2:1

Naibaly Davida ly Areng teng y, “Kai ly Juda marychi theung i mary ha hareira y chei iy peang ai a?,” nanai deng. Areng my, “Ne, chei pajau mang,” nanai pathang. Davida my, “Mani mary y mo?,” nanai deng. Areng my, “Hebron mary y chei,” napi.

2 SAMUELA 2:11

Davida ly Hebron mary y awm iy, Juda pri ai saneng saryhrei bo y lo tariurei peang nai ne.

2 SAMUELA 5:5

Ni ly Juda pri samrang y, Hebron mary y saneng saryhrei bo y lo tariurei, Israela pri verei hawi Juda samrang y, Jerusalem mary y saneng phai palyh thomrei peang nai ne.

1 ARENG KEH 1:11

Hunaibaly Nathan ly Solomon i amhm Bethaseba teng y chei i ni teng y, “Hakith i chapo Adonijah ly mymy ai mymy naimy samrang y apalyn nai ly thai bo a? Samrang Davida malawn py huni satang thai y leang rai!

1 ARENG KEH 1:34

Huni meingtym y Zadok hawi Nathan nini my ni ai, Israela samrang lawm ai nai asitui leih pi hawi sy. Naibaly baw eng iy, ‘Samrang Solomon heng sau sy!’ nanai aeu u.

2 ARENG KEH 9:13

Naibaly tlenrei khyhmy, Jehu i tavailu arengchi ly khailei lu salo y Jehu amchyn ai nai mychi i ateaungchi bai iy baw eng u i, “Jehu ly samrang lawm bo!” nanai aeu u.

1 NENG SATANG 11:3

Huna nai Israela chengchi ai lu sa naichi ly Hebron mary y awm nai Davida teng y tym u nai khala, samrang ly Areng i mo y huni khumichi hawi amkawm nai vaineng asa bo. Nichi my py Samuela teng y Areng my adeu nai kamta, Davida ai asitui lei iy Israela samrang y palyn u bo.

1 NENG SATANG 12:23

Areng my adeu pi nai kamta, samrang Sawla i meingtym y Davida ai palyn pajau ai nai molam, sabawm ai nai tavai leaungsai kawp yb nai sorai risa neangneangchi ly ni i tavaimi kamkawm theung y tym u bo. Huni khumichi i vuikanai ly anui mang ichi ne. Khopuichi hawi tivichi syn naimy, tavai ateaung kangym amthyp nai Juda theaung risachi leaung 6,800 Hawihai palai acham yb nai Simeon theaung risa leaung 7,100 Levi theaung khumi leaung 4,600 Aron kangpreang Jehojada nithun abang nai khumi leaung 3,700 Tavai atiu kawp nai thawndeang Zadok amjo amnau lu sa nai leaung 22 Sawla i nupai napi nai Benjamin theaung khumi leaung 3,000 (Benjamin theaung theung i nawi keh naichi ly Sawla i ka-ym awm nai khumichi ne) Ephraim risa leaung 20,800, nichi ly mymychi i nupaichi theung y amyn amthang naichi ne. Nidym mang Manase theaungchi theung i Davida ai samrang palyn ai vawi takhra nai khumi leaung 18,000 Isakhar theaung lu sa nai leaung 200 reichi hawi, nichi nithun abang naichi (hini luchi ly Israelachi sa ai avo nai kalopchi sa ai nai neng kani pany nai khumichi ne) Ka-ym awm nai Zebulon theaung khumi leaung 50,000, nichi ly atiu ai nai angveirym iy, tavai ateaung kangym teaung kawp naichi ne. Khupui, tivi teaung kawp nai khumi leaung 37,000 reichi hawi vanrei, Naphtali theaung lu sa nai leaung 1,000 Tavai leaungsai acham yb nai Dan theaung khumi leaung 28,600 Tavai thau ai nai angveirym yb nai Asha theaung khumi leaung 40,000 Jordan tavo nisi mang i Ruben, Kad hawi nisi manase theaungchi theung i tavai ateaung kangym teaung kawp nai khumi leaung 120,000.

1 NENG SATANG 12:38

Tavai thau ai nai aeng yb nai sorai risa bawibawichi ly Davida ai Israela pri verei y peang nai samrang y palyn ai nai leu pacheang yb nai, Hebron mary mang y chei u bo. Huni bo i Israela mipui bawibawichi py, huna nai kamta paleung ka-dawn awm u nai ne.