2 SAMUELA 13:3 - Khumi Common Language Bible

³ Na i py ni ly Jonada napi nai ahawi awm. Jonada ly Davida i amjo Shamah i chapo ne. Ni ly khri pa-rei tau cheng nai khumi

2 SAMUELA 13:3 ပူးပေါင်းရင်းမြစ်များ

ATITI AWM ANGCHEI NAI 3:1

Tameuh my sa nai tawnbawi cheaungkhangchi theung y, pavui ly li-tapawp naira y cheng keh nai ne. Pavui my neampachy teng y, “Tameuh my akho theung i thengthai athai cheaungkhangchi cha ai nai tlo y, ang napi nai ly ne khyp a?” napi.

ATITI AWM ANGCHEI NAI 38:1

Huni neng khala y Juda ly amjo amnauchi ai khai su iy, Adulam pri i khumi Hirah napi nai teng y awm ai nai chei bo.

ATITI AWM ANGCHEI NAI 38:20

Juda ly mymy i ahawi Hirah ai mi-i cho la hai iy neampachy teng y khamcha khai nai vawnchi ly la teang iy, vawi teang ai nai pato nai ne; na i py Hirah ly huni neampachy ai hau keaung bo.

2 SAMUELA 13:2

Ni ly Tamar ai khri pa-rei khrei nai deaungkho y, paleung bi no nga bo. Tiucho ly anglo lengmyn ne i, Amanon ly my i ngai nai aly nga ai nai ka-vo dawn pajau y na.

2 SAMUELA 13:32

Na i py Davida i amjo Shamah i chapo Jonada my, “Samrang awi, nang i chapo bawibawichi ai tleh nai ny y leang. Amanon leaungrei ai tleh nai teu. Abasalom ly my i tuicho Tamar ai Amanon my pajang nai kani dengdairei, hina nai sa ai nanai dawn yb nai ly ni i meimai y amny nai ne.

2 SAMUELA 13:4

Jonada my Amanon teng y, “Nang ly samrang i chapo ne iy, kani tleirei paleung bi nai kang niu bo. Ati mana nai mo nanai kai ai thui pi cham,” napi. Amanon my, “Kai ly ampo vanrei, amhm takhra nai amjo Abasalom i tuicho Tamar ai kakhrei nai ne,” napi.

2 SAMUELA 14:2

Hunai deaungkho y ni ly Tekoa mary y awm nai, tau cheng nai neampachy leaungrei ai palau hai i, huni neampachy teng y, “Nang ly vo tangam nai amlawn ba. Paleungsi paleung mawn nai kamta, baichu nina amchiu iy, sam aseu y naimy neng kakra vo tangam nai neampachy kamta amlawn ba.

2 SAMUELA 21:21

Ni ly Israela chengchi teng y ka-jo hau nai leu thui nai deaungkho y, Davida i amjo Shamah i chapo Jonathan my ni ai padei vui bo.

1 NENG SATANG 2:13

Jese ly chapo leaung saryhrei awm. Saneng kalen katheang na baly: Elijaba, Abinada, Shammah,

1 NENG SATANG 27:32

Davida i ampochy Jonathan ly pany kawp iy tau pei pajau nai khumi kacheng ne. Ni hawi Hakhamoni i chapo Jehiela nini ly samrang i chapochi ai cha patiu pi.

ESTHER 5:10

Na i py ni ly my i paleung am-yh naimy yhm y vawi i ahawichi ai mymy i yhm y palau, my i aju Zeret ai py nichi hawi vanrei ateh hai.

ESTHER 5:14

Hunaibaly my i aju hawi ahawi bawibawichi my ni teng y, “Miu vuipangrei asang nai akaeura yhmmawm leng hai be; Modekai ai huni akaeura yhmmawm salo y padei ai nai khawndam khawn mang samrang teng y hnei be. Naibaly amo theu parai naimy dym biu cha pawira y chei pajau ai,” nanai tau pei u bo. Haman ly huni tau pei nai tangai i, akaeura yhmmawm leng hai bo.

ESTHER 6:13

Mymy i aju hawi ahawichi teng y my i avum nai leaungsai bawibawichi amti pi. Huna nai khala y aju hawi mymy i ahawi kachengchi my, “Nang ly Modekai teng y sum amteaung bo; ni ly Juda cheng ne khyp lawh baly nang ly ni ai pajau y leang; ni ly nang i tlang tleaung y pajau takengkei ai,” napi u bo.

LEU KACHENG 19:6

Khumi luteng ly aly len nai khumichi teng i, meimai nga ai nai atho sa u reng. Khumi luteng ly paleung kangleng naimy pei nai khumichi hawi, ahawi kamrawi asa reng nai ne.

JEREMIA 4:22

Areng my, “Kai i khumichi ly akhum parai; nichi ly kai ai pany u y. Nichi ly hawi y nai deaungdichi hawi atawm; nichi teng y pany thai naira by y. Nichi ly hawi y sa naira y kyh chawn u teu i py, kahawi sa ai nai ly kawp u y,” napi.

I KORINTH 3:19

Ati mana nai mo nabaly hini khaileaung pri i cheng naira ly Tameuh i dawn naira y ly pathu nai ne. “Mymy ly khumi kachengchi ai ly mymyychi i cheng tapawp naira y man hai reng,” nanai hawi,

JAKOB 3:15

Hini cheng naira ly salo mang i dengdairei ang kathiu nai ny y leang, khaileaung pri i hawi, tlang i ngai naira i hawi, vawinam teng i theu nai teu.

TARA CHIH NAI KEUNGCHI 14:20

Naibaly my i aju ai ly apom nai khala y angdo hai nai neampacho hawi apom hai vui nai ne.

1 SAMUELA 16:11

“Nang teng y chapo awm rai a?,” nanai deng. Jesai my, “Chapo kasawi keh awm; ni ly beramchi typ nai ne,” napi. Samuela my, “Ni ai jeu hai, ni tym y ryrei ly achi apathyp nai pawira y kun ai ny y,” napi.

1 SAMUELA 16:9

Jesai ly Shammah ai palau; huna nai khala, “Hini khumi ai py Areng my vawi y leang,” nanai Samuela my napi bi.