2 SAMUELA 12:9 - Khumi Common Language Bible

⁹ Nang ly ati mana nai y, kai i leu pei nai tangai y lawh mo? Ati mana nai hini hawi y naira sa lawh mo? Nang ly Uriah ai tavai keung y dei hai bo. Ammon khumichi ai ly ni ai padei ai nai pei iy, ni i aju ai la vui lawh ly!

2 SAMUELA 12:9 ပူးပေါင်းရင်းမြစ်များ

2 SAMUELA 11:4

Samrang ly khumi pato i, huni neampachy ai palau hai iy nihawi i ahawi bo. (Bathaseba ly neampachychi i tlangchai tym i, pachai pyn chum nai neng ne.) Naibaly neampachy ly yhm mang y vawi ali teang bo.

2 SAMUELA 12:10

Nang ly kai i leu pei nai tangai y naimy, Uriah i aju ai la veng nai deaungkho y, nang i kangpreangchi teng y ka-jei hawi parai naimy dei naichi awm ai.

2 SAMUELA 16:7

Shimei my, “Khumi ai padei nai keung! kamngocho! leh la! leh la!

1 ARENG KEH 15:5

Ati mana nai mo nabaly Davida ly Areng i kangai naini sa khyh nai deaungkho y ne. Samrang Davida ly Uriah i molam y ny y baly, ati takhra mana khala py, mymy i leu pei naichi taphra vai y.

1 ARENG KEH 21:19

Kai Areng my, ‘nang ly khumi ai padei nai bo y, ni i vawn la pi vui ai a?,’ nanai ni teng y thui pi; ‘Naboth i thi uichi my palei nai meingtym y, nang i thi py palei u ai,’ nanai thui nai leu py ni teng y amti pi!” napi.

2 NENG SATANG 33:6

Mymy i chapochi ai Hinnom leaunghawira y leng patlum nai apathyp nai ne. Ni ly mo mang i satang thui kawp nai, dawi sa naichi teaung iy, leung khen kawp nai hawi vawinam kun nai khumichi teng y atitichi deng reng nai ne. Ni ly Areng i tlang tleaung y khri pa-rei kamngo sa iy, kado theu hai bo.

SAM 51:14

Aw Tameuh, kai i hengra ai pahen kyh ba; kai ai atleu kyh ba; kai ly nang i leu meitang adyh adawi nai satang ai amo theu parai naimy amthang hai ba.

SAM 51:16

Nang ly apathyp naira aly ngai y; ti y khyly, kai ly apathyp ai. Nang ly leng patlum nai katalamrachi aly ngai y bo.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

SAM 90:8

Kaichi i kamngochi ly nang i mo y khai bo; kaichi i kangviu y sa nai kamngochi ai py, nangmy niu pajau nai meingtym y khai bo.

LEU KACHENG 14:2

Neaung hawi nai khumi ly Areng ai tahm khai nai khumi ne; neaung hawi y nai khumi ly mymy ai mei aniu y nai khumi ne.

ISAIA 5:24

Hunai deaungkho y chohphi hawi acha kajeichi ly mai kangveaung y kang nai kamta, nangchi i tangjynchi ly rawp iy pauchi py jei pawn ai. Ati mana nai mo nabaly nangchi ly kaichi teng y Israela chengchi i chai parai nai, ati cheaungkhang sa thai nai Areng my leu pei nai khai u su nai deaungkho y ne.

JEREMIA 18:10

huni khumi chengchi ly kai i mo y kamngochi sa iy kai i leu tangai u y lawh ai nabaly, kai i paleung amtlau vui ai i, vaichi khala y thui nai, hawi nairachi kaso pi y naimy awm vui ai.

AMOS 2:4

Areng my, “Juda pri khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly kai i leu pei naichi niu ngai y iy, kai i pei nai reita leuchi patawm u y. Mychi i amsi pajochi ahihawi iy, chiu nai teng y nai tameuhchi mang y mychi naimy abang i, lam tamang u bo.

1 SAMUELA 15:19

Nang ly ati mana nai y mymy i leu pei nai tangai y lawh mo? Ati mana nai y atiura i nga nai vawnsaichi ai ngai phi nai vym vui iy, Areng i ngai y nai kalop sa u lawh mo?,” napi.

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.

1 SAMUELA 15:26

Samuela my, “Nang hawi kai abang y leang; nang ly Areng i leu pei nai tangai y nai deaungkho y, mymy ly nang ai Israela samrang i nai pala vui bo,” napi.