2 SAMUELA 12:7 - Khumi Common Language Bible

⁷ Nathan my, “Huni khumi ly samrang nangmy ryp bo. Israela chengchi i Areng Tameuh my, ‘Kai ly nang ai Israela samrang y khai iy Sawla kiu tleaung i nai atleu bo.

2 SAMUELA 12:7 ပူးပေါင်းရင်းမြစ်များ

2 SAMUELA 14:13

Neampachy my, “Samrang awi, nang ly Tameuh i khumichi ai, ati mana nai ana lawh mo? Nang ly nangmy i chapo ai pri palara i dengdairei, vawi ali teang ai nai pei y lawh be. Nang ly vai i leu pei nai kamta, nangmy ai pajeng naira tym hai bo.

2 SAMUELA 22:1

Davida ly Sawla hawi takhra paleung ka-echi kiu i, Areng my atleu pi nai khala y, hini khulym hawi Areng ai palo bo.

2 SAMUELA 22:49

paleung ka-echi kiu i nai kai ai atleu bo. Aw Areng, nang ly kai ai paleung ka-echi ai eaung ai nai pei iy khrukhra hai nai khumichi teng i nai ama hai bo.

2 SAMUELA 7:8

“Na i py ati cheaungkhang sa thai nai keung kai, Areng ly kai i miseaung Davida teng y, ‘Kai ly nang ai kai i khumi Israela chengchi i samrang lawm ai nai, beram typ nai prang i dengdairei, kang palau nai ne.

1 ARENG KEH 14:7

Jeroboam teng y Israela chengchi i Areng Tameuh my leu pei nai ly hini ne he: ‘kai ly nang ai khumi mipuichi theung i vawi takhra iy, kai i khumi Israela chengchi ai peang nai keung y kang khai bo.

1 ARENG KEH 18:18

Elija my, “Patang hai nai keung ly kai ny y, patang hai nai keungchi ly nang hawi nangmy i ampo naini ne. Nang ly Areng i leu pei naichi tangai y naimy, bala i mynchi ai chiu bo.

1 ARENG KEH 20:40

Na i py kai ly takhra kalopchi hawi kalop nawi nai thym khala y, huni khumi ly preang veng bo,” napi. Samrang my, “Nang ly nangmy ai tara chih chum nai ne i, nang ly kamngo pajeng naira avum ai,” napi.

1 ARENG KEH 20:42

Amo my py, “Areng my, ‘paleung ka-e ai tleh ai nai kaimy leu kang pei i py, ni ai patleaung veng nai molam, ni i jeng y nang i tlang heung ai nai tla ai; nang i tavaimi kamkawm my py, huni paleung ka-e i tavaimi kamkawm ai tleaung hai vui nai deaungkho y, nangchi ly taphra naira avum ai,’ nanai ang thui pi bo,” napi.

SAM 18:1

Aw Areng, kai ly nang ai khri pa-rei tamen! nangmy py kai ai ama hai nai keung ne.

JEREMIA 34:6

Naibaly Babulon samrang i tavaimichi ly Jerusalem mary y tiu u nai thym khala, amo Jeremia ly huni satang bawibawichi ai samrang Zedekiah teng y amti pi bo. Babulon tavaimichi ly Juda pri i amtangra marychi theung i awm rai nai Lakhisa mary hawi Azeka mary ai py, tiu u dudu nai ne.

DANIELA 4:22

“Samrang awi, nang ly huni dengkeaung keung pui ne. Nang ly kani y angteu na pa-rei asang iy, sa thai naira ly khaileaung pri verei y khiu nai ne.

MATTHAI 14:14

Hunaibaly mymy ly kacheng y angkhyh kha y khumi mipui ka-teng ny y nai niu iy, khri pa-rei pahen i nichi i no naichi ai hawi sa pi bo.

1 SAMUELA 13:13

Samuela my, “Nang i sa nai kalop ly akhum nai ne; nang ly nangmy i Areng my leu pei nai tangai y; tangai lawh baly mymy ly nang hawi vanrei, nang i katu chanauchi ai, Israela pri y deungrei peang hai ai.

1 SAMUELA 15:17

Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.

1 SAMUELA 16:13

Samuela ly Olive asitui la iy, Davida ai amjo amnauchi i mo y asitui leih pi. Huni kani dengdairei Areng i phailo ly Davida teng y tym. Naibaly Samuela ly Ramah mary y vawi ali teang bo.

1 SAMUELA 18:11

“Kai ly ni ai angpang hawi abicheng na pa-rei kathun ai,” nanai dawn iy tivi hawi tlen nyhrei takhu bo. Na i py Davida ly tlen nyhrei aheng pi vui nai ne.

1 SAMUELA 18:21

Mymy i paleung theung y, ““Kai ly Mikhala ai Davida teng y kapei ai; ni ai deaung kamta palawn iy, Davida ai Philistia chengchi kiu y dei hai ai,” nanai dawn bo. Hunai deaungkho y Sawla ly pa-nyh Davida teng y, “Nang ly kai i meaungcha lawm takengkei ai mang,” napi.

1 SAMUELA 23:14

Davida ly Zipha daichi ka-vym mawi mang y aheu vui bo. Sawla ly ni ai neng awm nai kamta atho sa iy hau; na i py Tameuh ly Davida ai Sawla i kiu y au y.

1 SAMUELA 23:7

Keilah mary y Davida tym nanai Sawla my thai nai khala y, “Tameuh my Davida ai kai i kiu y au bo; Davida ly mary apai hawi apai katheu khaw parai nai mary theung y tym nai deaungkho y, deaung y man nai bo,” nanai thui.