2 SAMUELA 12:31 - Khumi Common Language Bible

³¹ Huni mary i khumichi ai hawi i, rawchi, phalavachi, atiuchi hawi sa nai kalop py, iukhi sa nai kalop py sa hai bo. Samrang ly Ammon pri i takhra marychira i khumichi ai py, hina nai kamta sa hai. Naibaly mymy hawi mymy i khumichi ly Jerusalem mary y vawi u bo.

2 SAMUELA 12:31 ပူးပေါင်းရင်းမြစ်များ

2 SAMUELA 8:2

Naibaly Samrang ly Moba khumichi ai tiu nai pajau i, patiu naira i nga nai khumichi ai khaileaung y atlym hai iy, phy thomrei y phy nyhreichi ai padei hai bo. Hunai deaungkho y Moba khumichi ly Davida i anui y awm i, kahm pei u nai ne.

1 NENG SATANG 20:2

Ammon chengchi i chiu nai Mole tameuh myn i lu tleaung y kaji sie 85rei awm nai muku areng lukhym awm. Huni areng lukhym ra y vang kateng lengseaung harei awm. Huni lengseaung ai Davida ly la iy, mymy i areng lukhym ra y tai bo. Ni ly Rabah mary i nga nai vawnsai neangneangchi py la vui nai ne.

1 NENG SATANG 20:3

Huni mary i khumichi ai hawi iy raw, phalava, atiuchi hawi sa ai tla nai kalop ramchi sa hai bo. Davida ly Ammon pri takhra marychi ra i khumichi ai py, hina nai kamta sa iy, mymy i tavaimichi hawi vanrei, Jerusalem mary y vawi ali teang bo.

JEREMIA 43:9

“Lengseaung kalen phyrei la iy hini mary ai peang nai keungchi i yhm apai katheu pa-khora up ba. Nangchi i hina nai sa nai py Israela cheng phyreichi my niu na sy.

AMOS 1:13

Areng my, “Ammon khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly khu ta-i ai nai ngai phi nai deaungkho y, tavai atiu nai khala Kilead pri neampachy jeubomchi ai malawn py, kajeu pho iy padei bo.

AMOS 1:14

Hunai deaungkho y kai ly Rabah mary apaichi salo y mai kani nai hai iy, Rabah amtangra yhmchi ai maidym satlawi palawn vui ai. Naibaly tavai atiu nai kani y aeu nai katyn amsau nai thai iy, atiu nai ly ali kamchai kamta, khri pa-rei ho na ai.

AMOS 1:3

Areng my, “Damaska mary i khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly Kilead pri i khumichi ai pahyp y naimy ana kalikachi na bo.

HEBRAI 11:37

naibaly lengseaung y aphi nai py awm, raw y hihyh baw nai py awm, parawi naira py avum, haisau y ateng ka nai py awm; nichi ly beram peih hawi mi-i peih akhiu nai aleaung u ryry iy, avaw py avaw, patang py patang, ana hai nai py awm;

JOSUA 10:15

Huni bo baly Josua hawi Israela chengchi ly Kilakala Tai naira mang y vawi u ali teang bo.