2 SAMUELA 12:20 - Khumi Common Language Bible

²⁰ Davida ly angsaveaungra i nai ang thau i tui ahiu, sam aseu, ateaungchi ali. Naibaly Areng i yhm y chei iy chiu sa. Yhm mang y vawi teang nai khala y, samrang ly teicha teineichi hnei i, vaimy cha nei praw ryp nai ne.

2 SAMUELA 12:20 ပူးပေါင်းရင်းမြစ်များ

2 SAMUELA 12:19

Davida my nichi ly mychi tengtawi leu kamsyh y arum u nai niu i, deaungdi ly dei bo, nanai athang khai. Hunai deaungkho y nichi teng y, “Deaungdi ly dei bo a?” nanai deng. Nichi my py, “Ne, dei bo,” nanai pathang u.

2 SAMUELA 12:21

Samrang i bangtangchi ly ni teng y, “Kaichi ly nang i sa nai sai dawn pajau y bo. Nang ly deaungdi heng nai thym khala y, vo naimy teicha teinei cho y nai ne. Na i py vai, deaungdi dei phai dei baly ang thau iy, cha nei lawh ly!” napi u.

2 SAMUELA 14:2

Hunai deaungkho y ni ly Tekoa mary y awm nai, tau cheng nai neampachy leaungrei ai palau hai i, huni neampachy teng y, “Nang ly vo tangam nai amlawn ba. Paleungsi paleung mawn nai kamta, baichu nina amchiu iy, sam aseu y naimy neng kakra vo tangam nai neampachy kamta amlawn ba.

2 SAMUELA 19:24

Naibaly Sawla i katu Mephiboseth ly samrang hawi avum ai nai tym. Ni ly samrang Jerusalem mary i theu nai dengdairei, eaung naimy vawi ali teang nai neng ryrei, my i khei asi y, labeaung mui avau y, ateaungchi py pasiu y nai ne.

2 SAMUELA 6:17

Khumichi ly Pawm angjeaung u i, Davida my sa yb nai tai theung i pasym yb nai meingtymra y khai u bo. Naibaly Davida ly Areng teng y leng patlum nai kapathyprachi hawi amkawm nai kapathyprachi talam nai ne.

2 SAMUELA 7:18

Samrang Davida ly Areng i kanih yhm theung y kun iy ateh i, “Salo kangteng aw Areng, kai hawi kai i yhm dengtheungchi ly kai i vui nang i pahen naira hawi ataing y leang.

JOBA 1:20

Huna nai khala Joba ly mymy i ateaungchi sei vui bo. Sam py avau vui iy, khaileaung y ambeu i chiu sa.

JOBA 2:10

Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

SAM 103:1

Aw kai i phailo, Areng ai palo! kai i tlang paleung phailochi awi, mymy i amyn kachai ai palo u!

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 39:9

Nang ly kai i tlang tleaung y hina nai no patang hai nai deaungkho y, kai ly kaawm pypy ai; leu sairei py katheu y leang bo.

SAM 95:6

Jeu u, mymy ai lu meung iy chiu u sina; achi ai sa nai keung Areng i mo y, kheukhu di u sina!

LEU KACHENG 3:7

Nang ly nangmy i cheng naira y paleung len moh. Areng i leu ai tangai iy, teng y naira y ly en vui ba.

Parip nai leu 9:8

Nang ly avawrei amo theu nai mo amteng ba.

MATTHAI 6:17

Na i py nang ly biu hai khala y ly nang i lu y rimui amjui ly, mei py alo:

LUKA 7:46

Nang ly kai i lu y rimui py paju y: na i py mymy ly kai i kheu y rimui paju.

RUTHI 3:3

Naibaly nang ly tui ahiu chum baly rimuichi amthym iy, nang my i ateaung kahawichi amthyp ly ni i choh ati naira y chei; na i py ni cha nei nai pajau y ryrei ly nang hu y tym nai pany moh sy.

1 SAMUELA 15:25

Na i py kai ly Areng ai chiu pajau ai nai, nang ly kai i kamngo pahen pi iy, kai hawi vanrei Kilakala mary y abang ai nai kang takeng,” napi.

1 SAMUELA 15:31

Hunaibaly Samuela ly ni hawi vanrei, Kilakala mary y abang bo; Sawla py Areng ai chiu nai ne.