2 SAMUELA 12:16 - Khumi Common Language Bible

¹⁶ Davida ly deaungdi no hawi ali teang ai nai, Tameuh teng y chiu sa; samrang ly ati sai py cho nei y. Dym tleitleirei, my i takun theung y kun iy angsaveaungra y vumtorei aseaung nai ne.

2 SAMUELA 12:16 ပူးပေါင်းရင်းမြစ်များ

2 SAMUELA 12:15

Nathan ly yhm mang y vawi vui bo. Uriah i aju hawi Davida i nga nai deaungdi ai, Areng my khri pa-rei no patang hai bo.

2 SAMUELA 12:22

Davida my, “Ne, deaungdi heng nai thym khala y cho nei y naimy vo tangam nai ne. Areng ly kai ai pahen iy deaungdi ai dei hai y ai, nanai kadawn.

2 SAMUELA 13:31

Samrang ly paleung si parai naimy, mymy i ateaung sei iy khaileaung y atlym na bo. Huni meingtym y samrang hawi vanrei awm nai miseaungchi py, mychi i baichuchi sei u teang.

1 ARENG KEH 21:27

Elija my hini leu thui pi pajau nai khala y Ahab ly mymy i ateaungchi sei vui iy, paisiu amchiu bo. Ni ly teicha py cho y naimy paisiu amchiu iy i bo. Aleaung ali nai khala py meimai takhuisui nai ne.

NEHEMIA 1:4

Huni satangchi thai nai khala y kai ly ateh iy kavo bo. Kai ly kani neangneang vo tangam naimy biu kahai chum baly,

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 69:10

Kai ly biu hai nai dengdairei, amymy ai tahm apanem nai khala y, khumichi ly kai ai mei aniu y nai sa u bo.

ISAIA 22:12

Huni thym khala y ati cheaungkhang sa thai nai keung Areng ly nang ai vo hai iy, paleung si nai ka-ma-ra patei ai nai hawi, lu vau tabiuliu iy paisiu amchiu ai nai thui pi yb nai ne.

ISAIA 26:16

Aw Areng, nang ly nangmy i khumichi ai pajeng nai deaungkho y, nichi ly khri pa-rei paleung bi naimy, nang teng y chiu sa u nai ne.

DANIELA 6:18

Samrang ly yhm mang y vawi i, vumtorei cho nei y. Mani mo paleung pahawi nai py ngai y, i py amhm y nai ne.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

AMTAW 9:9

Naibaly mymy ly sai py niu y naimy kani thomrei awm i, ati sai py cho py cho y, nei py nei y.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.