2 SAMUELA 10:19 - Khumi Common Language Bible

¹⁹ Hadadeza i anui y awm nai samrangchi ly Israela chengchi i kiu y mymychi tavai sum u bo, nanai pany nai khala y, Israela chengchi hawi aly ai nai ka-dyh ka-dawi asa i, nichi i anui y awm u. Suria khumichi py Ammon khumichi ai sabawm bi ai nai vam u y leang bo.

2 SAMUELA 10:19 ပူးပေါင်းရင်းမြစ်များ

2 SAMUELA 8:3

Naibaly Rehob i chapo Zobah samrang Hadadeza ly tleaung mang Euphrat tavo sahawi i khu ka-peaung nga teang ai nai tiu nai thym khala y, Davida my ni ai tiu i pajau vui bo.

2 SAMUELA 8:6

Naibaly samrang ly huni khumichi i khu ka-peang theung y tavai tairachi sa nai deaungkho y, nichi ly samrang i peang nai anui y awm i, kahm pei u. Areng my Davida i chei naira tleirei y eaung hai bo.

1 ARENG KEH 20:1

Suria samrang Benhada ly my i tavaimi bawibawichi ai pangym hai chum baly, takhra samrang leaung 32 reichi hawi amkawm iy, nichi i keaungngo kamkawm, ka-ri kamkawmchi hawi vanrei tavai keung y theu i, Samari mary ai katanmeuh bo.

1 NENG SATANG 19:19

Hadadeza anui i awm nai samrangchi ly mymychi tavai sum bo, nanai pany nai khala, Davida hawi ka-dyh ka-dawi sa i, Davida i anui y awm u. Suria chengchi ly Ammon chengchi ai mo mang y sabawm ai nai paleung ka-dawn by y leang bo.

ISAIA 26:11

Paleung ka-echi ly mychi ai nangmy pajeng ai, nanai pany u y. Aw Areng, nichi ai kangji ngo hai ba. Patang naira tym hai ba. Nangmy sa pi yb nai pajeng naira avum hai ba. Nang ly nangmy i khumichi ai mana tanrei tamen mo, nanai nichi ai pany hai ba.

DANIELA 2:37

Samrang awi, nang ly samrang leilachi theung y len keh nai ne. Kani pri mang y awm nai Tameuh ly nang ai empara samrang lawm ai nai sa thai naira hawi phum-angchi kawi hai bo.

JOSUA 11:10

Naibaly Josua ly alengli teang iy, Hazaw mary ai tiu chum baly huni mary i samrang ai tleh veng nai ne. (Huni neng khala Hazaw ly huni prichi theung y sa thau naira awm keh nai pri ne.)

AMTENG HAI NAI 18:10

Babulon avang pui, avang khaw parai nai ly taham si! taham si! Tanarei sala chy y nang i tlang tleaung y tara chih naira ang tym bo,’ nanai mymy i no patang nai sai jei nai deaungkho y kamlora y angdo naimy mymy i tlang tleaung y vo naimy paleung atum u ai.

TARA CHIH NAI KEUNGCHI 1:7

Adonibezed my, “Kai ly samrang leaung vui saryhreichi i kiupui hawi kheupuichi katawp pi veng nai ne; nichi ly kai i sabawi anui i, cha nei kamthomchi akhui iy cha u. Vai ly Tameuh my huni khumichi ai kasa nai kamta, kai ai ang sa nai bo. " nanai thui. Ni ai ly Jerusalem mary y hawi i, huni mary y dei bo.