2 SAMUELA 1:21 - Khumi Common Language Bible

²¹ “Kilabo mawichira y kani nai moh, kadam py tlo moh sy; huni mawichira i li, hlauchi ly deungrei amti amjang thawn moh sy! Ati mana nai mo nabaly, huni meingtym ly tavaimi soraichi i khopuichi taham si iy, Sawla i khupui ei cha naimy awm nai deaungkho y ne.

2 SAMUELA 1:21 ပူးပေါင်းရင်းမြစ်များ

1 NENG SATANG 10:1

Philistia chengchi ly Israela chengchi hawi Kilabo mawi salo y atiu u i, Israela chengchi khri pa-rei dei u nai ne. Samrang Sawla hawi chapochi raurei, khumichi ly preang u bo.

1 NENG SATANG 10:8

Tavai atiu pajau nai bo kani pa-nyh y, Philistia chengchi ly veuchira i vawnsaichi la u nai thym khala, Sawla hawi chapochi i veu ai Kilabo mawi y niu u.

Solomon i khulym 4:4

Apu parai nai pahu leang awijawn nai nang i kaneaung ly khupui sangrei bang hau nai Davida i lengseaung yhm hawi atawm nai ne.

ISAIA 21:5

Paleung mei y dym biu cha nai pawi pui harei sawn yb nai kaniu nai ne. Angvynchi ateh ai nai sampraibyh bai yb bo. Nichi ly cha nei u nai thym khala y, “Tavai luchi awi! Nangchi i khupui angvei u rym!,” nanai leu pei nai vaimy tym ryp bo.

ISAIA 5:6

Kai ly huni akhobaira y acha keungchi beng hai kha ai. Kreip changpichi tangam pi y iy, khaileaung py taipi pui ai ny y. Aleng keungchi neangneang prau hai ai. Huni akhobaira y kani nai hai y ai nai, khupanymchi ai kaimy paka vui ai,” nanai thui bo.

Ezekiela 31:15

Sa thai naira angym nai Areng my leu pei nai ly: “Tavau pri y saitleang keung ang vum nai kani y, kai ly khaileaung theung i tavo tuichi my huni ai um hai iy, vo tangam nai ka-ma-ra lawm hai ai. Kai ly tavochi ai anawn hai iy tavo micheaungchi ai tui leaung hai y ai. Huni saitleang keung ly dei nai deaungkho y, kai ly Lebanon mawichi ai kaveng tym hai iy, daichi theung i dengkeaung bawibawichi jeirawm hai ai.

JOELA 1:9

Achura Yhm y talam ai nai chohpui chomaw py, kreip hang py, by y leang bo; pathyp pi nai keungchi ly Areng teng y talam ai naichi by y nai deaungkho y, vo tangam u bo.

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

TARA CHIH NAI KEUNGCHI 5:23

Areng i kani pri amtaw thau my, “Meroza mary ai pasawi u; huni mary i khumichi ai pasawi u. Nichi ly Areng mang y asa ai nai jeu u y; mymy i vui atiu ai nai tavaimichi jeu u y,” nanai thui.

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 31:1

Kilabo mawi salo y Philistia chengchi hawi Israela chengchi atiu u i, Israela chengchi neangneang dei u bo. Huni bo i Sawla, chapochi hawi, phyreichi ly preang u pawn nai ne.

1 SAMUELA 31:8

Tavai atiu chum nai kani pa-nyh khala y, Philistia chengchi ly khumi kadeichi teng i, vawnsai ateaung alangchi leng ai nai tym u. Huna nai khala y Kilabo mawi saleung y Sawla hawi chapo leaung thomreichi dei nai veu niu u bo.