2 SAMUELA 1:20 - Khumi Common Language Bible

²⁰ Huni satang ly kath mary theung y py, Asakelon mary lamchira y py, thui u moh. Philistia neampachychi amo theu ai nai ngo u moh sy; Tameuh by y nai khumichi i chaniuchi, amo theu ai nai ngo u moh sy.

2 SAMUELA 1:20 ပူးပေါင်းရင်းမြစ်များ

Ezekiela 16:27

Vai, kai ly nang ai kang pajeng ai nai hawi, nang i khu ka-peang vym vui ai nai kiu pheu bo. Kai ly nang i ngaiphi ala iy hawi y nai saichi ai niu ngai y nai Philistin anglochi teng y nang ai kang-au veng bo.

MIKHA 1:10

Kath mary y awm nai paleung ka-echi teng y, achi i tavai sum nai satang ly thui pi moh. Nangchi i vo nai py nichi niu u moh sy. Beth Leaphra mary i khumichi awi, paleung phra atho di nai sai amteng ai nai, spryhra y aho u.

TARA CHIH NAI KEUNGCHI 11:34

Jephetha ly Mizapa mary, mymy i yhm y vawi teang nai khala, my i chaniu ly atym beu iy, lam naimy lamchung ai nai theu bo. Ni ly chaniu harei awm khyh nai ne.

TARA CHIH NAI KEUNGCHI 14:19

Areng i sa thai naira ly Samson teng y tlenrei khyhmy atho ham hai nai deaungkho y, ni ly Asakelon mary y chei iy, khumi leaung phaireichi ai padei i, nichi teng i ateaung kahawichi la pi pawn nai khala, achi-aki nai thui pachai thai nai khumichi teng y pei pi. Huni bo y ni ly kado theu i, yhm mang y vawi bo.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.

1 SAMUELA 18:6

Davida ly Koliatha ai padei pajau baly, tavaimi risachi hawi yhm mang y vawi i, tym nai marychira i neampachychi ly Sawla ai lamchung u bo. Khumichi ly amo theu khulym thui iy, lam naimy atymchi hawi tarochi beu u.

1 SAMUELA 31:4

Samrang ly tavai ateaung syn pi nai thawndeang teng y, “Hini Tameuh by y nai Philistia chengchi ly paleung amo theu naimy, kai ai ana iy padei pajau y ai nai, nang ly nangmy i haisau la iy, kai ai padei vui ba,” napi. Na i py huni thawndeang ly jei ala nai deaungkho y padei vam y i, Sawla ly my i haisau la iy pado; naibaly huni haisau tleaung y taba i dei bo.

1 SAMUELA 6:17

Philistia chengchi ly muku uisalu myn pangrei ai mary ha harei y harei, Asadod mary, Kaza mary, Asakelon mary, kath mary hawi Ekron marychi ai dawn hai pathyp iy, mymychi i vui kamngo lawi nai katalamra palawn iy, Areng teng y tha pi u.