2 SAMUELA 1:16 - Khumi Common Language Bible

¹⁶ Davida my Amalek khumi teng y, “Hina nai tym nai ly nangmy i sa nai leaungsai ne; nang ly Areng my khai takhra nai samrang ai kapadei bo, nanai thui khyp nai deaungkho y, nangmy ai nangmy padei nai teu bo,” napi.

2 SAMUELA 1:16 ပူးပေါင်းရင်းမြစ်များ

2 SAMUELA 1:10

Na i py samrang ly atlym phai atlym baly dei ai nai teu bo, nanai kapany nai deaungkho y, kai ly ni ai kapadei vui bo. Naibaly samrang lukhym hawi kiuban y amchiu nai ka-si py leng iy, nang teng y kang syn pi nai ne areng awi,” napi.

2 SAMUELA 16:8

Nang ly Sawla i pri lawm vui iy, ni i dengtheungchi ai padei nai molam y vai, Areng my nang ai pajeng nai bo. Areng ly nang i chapo Abasalom teng y pri au vui bo. Nang khumi ai padei nai keung awi! nang ly ati sai py ny y nai lawm bo,” nanai pasawi nai ne.

1 ARENG KEH 2:37

Nang ly theu vui iy Kidron tavo kan vui lawh baly dei takengkei ai. Huna nai khala amymy ai tamang bo, nanai adawn vau ai,” napi.

JOBA 15:6

Nang ai kang thui tamawn ai nai ngai y; nangmy i katheu nai leu my, nangmy ai ang thui tamawn nai bo.

LEU KACHENG 6:2

Nang ly nangmy i leu hawimy, nangmy ai man lawh bo a? Nang ly nangmy i leu ka-deu my, nangmy ai kalai nga hai ryp lawh bo a?

Ezekiela 18:13

Ni ly kamran nga ai nai tangka paseng; huna nai khumi ly heng pajau na a? Heng pajau y leang. Ni ly huna nai amso ngai hawi naichi sa nai deaungkho y, ni ly dei ngaw ai. Ni i dei nai ly my i kamngolai ne.

Ezekiela 33:5

Ni i dei nai ly mymy i tamang nai molam ne i, ni i thi ly my i lu tleaung y tym nai tla. Ati mana nai mo na baly ni ly pany hai nai ai dawndan y nai deaungkho y ne. Ni ly dawn patyp lawh i khyly, ni ly deira i nai tleaung ai.

Levi 20:16

Neampachy leaungrei ly tawnbawi hawi apajang lawh baly, huni neampachy hawi vanrei tawnbawi ai py padei mei ai nai tla. Nini ly dei ai ataing nai kamngo sahawi nai ne.

Levi 20:27

“Khumi kadeichi i phailo hawi leu arum nai neampacho ai py, neampachy ai py, lengseaung hawi aphi ka ai nai tla; ni ly dei ai ataing nai kamngo sa nai ne,” napi.

Levi 20:9

Areng ly hini reitachi khai pi bo; amy i amhm ampo ai pasawi nai khumi ai ly padei ai nai tla; amhm ampo ai pasawi nai deaungkho y dei ai ataing nai ne.

MATTHAI 27:25

Naibaly khumi humchi bawibawi ly, “Ni i thi ly kaimychi i tlang tleaung y hawi, kaichi i chanauchi i tlang tleaung y py awm sy,” napi nai pathang.

LUKA 19:22

Naibaly ni my ly mymy teng y, ‘Miseaung kahawi ny y nai, nangmy i labeaung theu nai leu y my kang pasum ai. Kai ly khumi ngang ngang pui i, kai khai y naira y py la reng nai, kai i tiu y naira y py tyn reng nai nang pany lo-oh?

AMTAW 18:6

Na i py nichi my khri pa-rei paka i thui tamawn nai kha y Pawla ly mymy i kanih takhym i mymychi teng y, “Nangchi i thi ly nangmychi i lu y tym sy, kai ly chai bo; kai ly vai i dengdairei Cheng Takhrachi teng y kachei ai,” napi.

AMTAW 20:26

Hunai deaungkho y kai ly khumi bawibawi i thi y lawi bo, nanai vaini ly kang thai hai bo.

ROM AVANGCHI TENG Y PAWLA I CHA PA NAI 3:19

Hunaibaly labeaung cheaungkhang ai amkym hai me thai ai nai hawi, Tameuh my khaileaung pri bawibawi tara chih thai ai nai py, Reita my ati py thui nai ngierei ly Reita i anui y awm naichi teng y thui nai ne, na nai achi pany;

Leu Thui Nai 19:10

Hina nai sa iy Areng my nangchi ai pei nai pri y khumi kahawichi ai dei hai ai nai tlo y. Nangchi py khumi kahawichi ai dei hai nai kamngo sa u ai ny y.

JOSUA 2:19

Nang i yhm dengdairei leaung leaungrei ly angam mang y theu vui nai deaungkho y dei vui lawh baly, kaichi i molam y ny y; nang i yhm dengtheung y awm nai khumi leaung leaungrei no nga lawh baly, kaichi molam y ne ai.

TARA CHIH NAI KEUNGCHI 9:24

Hina nai kamta tym nai ly Kideon i chapo leaung vui saryhreichi ai padei ai nai atho pei nai, Sekhem mary i khumichi hawi Abimelek ai, kamngo vang heung teang nai ne.

1 SAMUELA 25:39

Davida ly Nabala dei nai satang thai nai khala y, “Areng ly palo naira awm sy! Mymy ly Nabala my kai ai mei aniu y nai sa nai molam y vawitheung tha pi i, mymy i miseaung kai ai py, tamang y ai nai ang paka bo. Areng ly Nabala i kamngo nai molam y ni ai pajeng nai ne,” nanai thui. Huni bo baly Davida ly Abikaila ai pom ai nai, khumi pato iy atli hai bo.

1 SAMUELA 26:9

Na i py Davida my, “Nang ly samrang ai padei ai nai avo y! Areng ly mymy i khai takhra nai samrang ai padei nai khumi ai ly pajeng takengkei ai.