2 SAMUELA 1:11 - Khumi Common Language Bible

¹¹ Davida hawi my i khumichi ly paleung si nai deaungkho y, mymychi i baichuchi sei u bo.

2 SAMUELA 1:11 ပူးပေါင်းရင်းမြစ်များ

ATITI AWM ANGCHEI NAI 37:29

Ruben ly tuikan theung y khen ali teang i, Josepha by y vui nai y paleung si nai mymy i baichu sei vui na bo.

ATITI AWM ANGCHEI NAI 37:34

Jakob ly paleung si nai mymy i baichu sei piupa iy, paisiu amchiu bo. Mymy ly chapo i vui y paleung si nai kra parai pa-rei vo tangam na bo.

ATITI AWM ANGCHEI NAI 44:13

Huna nai khala amjochi ly paleung hawi y nai mymychi i baichuchi sei u lengleang na bo; naibaly mychi ly keaungngo kano kasauchi tleaung y cho paisochi tang u iy mary mang y ali u teang bo.

2 SAMUELA 13:19

Tamar ly my i lu y maidym aphui i, ateaung py sei iy meimai y kiu hawi atamym naimy, vo nai tarawi y theu jo bo.

2 SAMUELA 13:31

Samrang ly paleung si parai naimy, mymy i ateaung sei iy khaileaung y atlym na bo. Huni meingtym y samrang hawi vanrei awm nai miseaungchi py, mychi i baichuchi sei u teang.

2 SAMUELA 3:31

Naibaly Davida ly Juaba hawi ni i khumichi teng y, baichuchi sei iy paisiu amchiu u ly Abana i vui vo tangam u ai nai leu pei bo. Naibaly veu ai tapreaung mang y tha nai khala y, samrang Davida py nithun mang abang teang.

2 ARENG KEH 5:7

Israela samrang ly huni cha phain nai khala, ateaung sei iy, “Suria samrang ly kaimy hini khumi i roka tama hai ai, nanai athang khai lawh mo? Kai ly hengra pei pajau, la vui pajau nai sa thai naira awm nai Tameuh lawh sai a? Ni ly kai ai ka-jo hau nai teu bo!” nanai thui.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

EZARA 9:3

Kai ly huni leu thai nai khala y kaimy i ateaungchi kasei iy sam hawi labeaung mui py ka-kyn i, paleung si naimy ka-teh su bo.

ESTHER 4:1

Hina nai leaungsai bawibawi ai Modekai pany nai khala y khri pa-rei paleung bi i, mymy i ateaungchi sei iy paisiu akhiu, lu y maidym aphui bo. Naibaly ni ly khri pa-rei vo hang naimy samrang yhm katheu pa-kho y tym pa-rei, mary tako prei bo.

JEREMIA 36:24

Na i py cha aeangra abawi nai leu sai bawibawichi thai nai samrang py, bangtangchi py jei hyn y, uikheih nai ka-ma-ra py patei u y.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

AMTAW 14:14

Na i py amtaw thau nai Barnaba hawi Pawla my ly huna nai thai baly myni i kanih sei iy khumi mipuichi teng y tlenrei khyh my satla praw iy aeu i,

ROM AVANGCHI TENG Y PAWLA I CHA PA NAI 12:15

Amotheu naichi ai ly amo theu hai u ly; vo naichi ai ly vo hai u ly.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.