2 NENG SATANG 9:8 - Khumi Common Language Bible

⁸ Nang i Areng Tameuh ai ly palo u sy! Mymy ly nang ai khri pa-rei tamen nai deaungkho y, mymy i jeng y peang pajau ai nai Israela samrang lawm hai iy tahm pasang bo. Mymy ly mymy i khumi Israela chengchi ai tamen iy, deungtasarei kry ai ngai nai deaungkho y, peang nai reita khaw ai nai hawi leu meitang adyh adawi naimy awm ai nai, nang ai nichi i samrang lawm hai iy tahm pasang bo,” napi.

2 NENG SATANG 9:8 ပူးပေါင်းရင်းမြစ်များ

2 SAMUELA 23:3

Israela chengchi ai atleu nai keung, Israela chengchi i Tameuh ly kai teng y hina nai leu pei bo: “Tameuh ai jei kaji naimy tahm khai iy, leu meitang adyh adawi naimy peang nai samrang ly

2 SAMUELA 8:15

Davida ly Israela pri verei peang iy, adyh adawi naimy awm ai nai sa bo.

1 ARENG KEH 10:9

Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

1 ARENG KEH 3:28

Solomon i tara chih nai sai ai Israela pri khumi mipuichi my thai nai khala, ni ai khri pa-rei tahm khai u bo. Ati mana nai mo nabaly leu meitang ka-dyh ka-dawi tara chih kawp ai nai, Tameuh my samrang ai pei pi bo, nanai nichi pany u nai deaungkho y ne.

1 NENG SATANG 17:22

Nang ly Israela chengchi ai nangmy i khumichi lawm hai jojo. Aw Areng, nang ly nichi i Tameuh lawm bo.

1 NENG SATANG 28:5

Mymy ly kai ai chapochi thawn hai iy, huni chapochi theung i Solomon ai Areng i pri napi nai Israela pri peang ai nai vawi takhra bo.

1 NENG SATANG 29:10

Davida ly huni meingtym y awm nai khumi mipuichi i mo y Areng ai palo. Samrang my, “Kaichi i amsi pajo Jakob i Areng Tameuh, nang teng y ly deungtasarei palo nai awm sy!

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

1 NENG SATANG 29:23

Hunai deaungkho y Solomon ly ampo i meingtym y amtym iy, Areng my khaw hai nai areng atehra tleaung y ateh bo. Ni ly eaung nai samrang ne. Israela cheng vereichi my py, ni i leu tangai u.

2 NENG SATANG 13:8

Vai, nangchi ly Davida i kangpreangchi teng y Areng my pei nai sa thai naira ai tiu ai nai tau u lawh. Nangchi teng y atho awm nai tavaimi kamkawm hawi, nangchi chiu ai nai Jeroboam my sa nai sicho mynchi awm.

2 NENG SATANG 2:10

Kai ly nang i kalop sa keungchi i vui cha nei vawn chohpui chomaw teaung 250,000 rei, chajai choh theaung 250,000 rei, kreip hang ka-leang 110,000 rei hawi olive asitui ka-leang 110,000 rei tha pi ai,” napi.

2 NENG SATANG 2:11

Turu samrang Hiram ly Solomon teng y cha pathang pi. Huni cha theung y ly “Areng ly mymy i khumichi ai tamen nai deaungkho y, nang ai nichi i samrang lawm ai nai ang vawi takhra nai ne.

2 NENG SATANG 9:7

Nang i sahawi y kalop sa iy nang teng i cheng naira leuchi, thai nai khumichi ly khri pa-rei taham hawi!

2 NENG SATANG 9:9

Samrang nu ly samrang Solomon teng y muku kaji sie 6223 rei, rimuichi hawi vang kateng lengseaung neangneang talam pi bo. Samrang Solomon teng y Sheba samrang nu my pei nai rimuichi kamta, vai mo mang y mana khala py niu bi y leang bo.

SAM 18:19

Kai, ka-jeira avum nai khala y mymy ly kai ai sabawm. Kai ai khrei nai deaungkho y atleu nai ne.

SAM 22:8

Nichi my, “Nang ly Areng ai ym lo-oh! Ati mana nai y nang ai atleu y lawh mo? Areng ly nang ai tamen nabaly, ati mana nai mymy ly nang ai atleu y lawh mo?,” nanai thui u.

SAM 72:2

Nang i khumichi ai leu meitang adyh adawi naimy peang pajau ai nai py, khumi kamawnchi ai reita hawi kamlau peang pajau ai nai py, nang i leu meitang adyh adawi nai kamta tara chih pajau ai nai samrang ai pei pi ba.

SAM 99:4

Sa thai naira len parai nai samrang awi, nang ly kateng lam ai khrei; nang ly Israela pri y leu meitang kawi hai; kateng lam hawi leu meitang ai khaw hai nai ne.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

LEU KACHENG 29:4

Adyh adawi naira ai ngai nai samrang ly mymy i pri ai sa thai naira nga hai ai. Na i py kahm tangka nga ai nai ngai khyh nai samrang ly mymy i pri phra hai ai.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 62:4

“Paleng vui naira avum nai khumi,” nanai amyn loh ai ny y. Nang i pri py, “Akhai su nai aju,” nanai amyn palau ai ny y leang bo. Nang i amyn kangtha ly “Tameuh my kawn nai neampachy,” nanai lawm ai. Nang i pri py, “Amotheu parai naimy pom nai,” nanai amyn loh ai. Ati mana nai mo nabaly Areng ly nang ai kawn nai deaungkho y, juvo lawm nai keung ly mymy i aju ai tamen nai kamta, nang i pri ai py tamen ai.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

Leu Thui Nai 7:8

Na i py Areng ly nangchi ai tamen iy, nangchi i amsi pajochi teng y leu ka-deu khaw hai ai ngai nai deaungkho y, Aikupta samrang teng y miseaung acheira i nai, sa thai naira len parai nai saho y nangchi ai atleu nai ne.