2 NENG SATANG 9:21 - Khumi Common Language Bible

²¹ Ni teng y samrang Hiram i sampho kamkawm hawi vanrei, pangli y chei nai samphochi awm. Ni i samphochi ly muku, tangka, kasai nuh, khumi tavym hawi kalaichi tang iy, saneng thomrei y tlenrei vawi teang nai ne.

2 NENG SATANG 9:21 ပူးပေါင်းရင်းမြစ်များ

1 ARENG KEH 10:22

Samrang ly Hiram i sampho kamkawmchi hawi vanrei, ka-sum ka-pai sa ai nai pangli samphochi awm. Huni samphochi ly saneng thomrei y tlenrei mychi pri y vawi teang iy muku, tangka, kasai nuh, khumi kalai hawi kalaichi py syn pi reng nai ne.

1 ARENG KEH 22:48

Samrang Jehoshapha ly Ophira pri i muku la ai nai pangli samphochi sa i py, huni samphochi ly Ezijokeba ra y phra nai deaungkho y, sampho theu pajau y bo.

2 NENG SATANG 8:18

Ni teng y samrang Hiram ly my i pangli sampho ra y kalop kawp naichi hawi, sampho ra y kalop kyh chaw nai khumichi abawi nai samphochi pato pi bo. Nichi ly Solomon i pangli theung y kalop ra kyh chaw naichi hawi vanrei, Ophira mary mang y sampho hawi chei i, muku chang sie 18665 rei vi, Solomon teng y syn pi u nai ne.

2 NENG SATANG 9:20

Samrang Solomon i tui nei nai khau ngierei ly muku hawi sa iy, Lebanon daichi Hall ra awm nai khau hawi ateaung alangchi py, muku tangcheng hawi sa nai ne. Solomon i deung y ly tangka ai vang kateng palawn y.

JOBA 39:13

Tavo kula-iu ly my i pakhichi takhym nai khri pa-rei pala parai na! Na i py Obeaung asang kamta akheang pajau y leang.

SAM 72:10

Spain pri hawi tlawnchira i samrangchi ly kahm pei u ai; Arabia pri hawi Ethiopia pri i samrangchi ly langseaungchi syn u ai.

JEREMIA 10:9

Nichi i chiu nai mynchi ly Spain pri i theu nai tangka hawi py, Upha mary i theu nai muku hawi py, palum nai deaungkho y kupe kakawpchi i lasa ne. Huni mynchi ly kupe kawp keh naichi my aneng nai kamsen jeaung ngan, kamngau ngan hawi apu pa-rei sa bo.

Ezekiela 27:12

“Nang ly nangmy i khri pa-rei nawi parai nai vawnsaichi ai Tashu mary y tangka, tamo, sengphru, kimachi hawi angtheung iy ka-sum ka-pai sa u bo.

Ezekiela 27:15

Dedan mary i khumichi py, nang hawi ka-sum ka-pai sa u. Pangli peang jeungrei i khumichi ly kasai nuh hawi dengkeaung ngan kamnumchi ai, nang i vawnsaichi hawi angtheung u bo.

JONA 1:3

Na i py Jona ly Areng teng i dengdairei preang vui ai nai Joppa sampho tuivum y chei. Joppa mary y tym baly Spain pri mang y chei ryp ai nai sampho apeh khyp. Jona ly sampho atang nai vang pei iy, Areng hawi palo nai Spain mary mang y, sampho i khumichi hawi vanrei abang ai nai, sampho atang bo.