2 NENG SATANG 7:14 - Khumi Common Language Bible

¹⁴ Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

2 NENG SATANG 7:14 ပူးပေါင်းရင်းမြစ်များ

2 NENG SATANG 20:3

Jehoshapha ly jei phi nai deaungkho y Areng teng y chiu sa. Naibaly ni ly Juda pri verei y biu hai ai nai kani khai pi bo.

2 NENG SATANG 20:4

Juda pri mary tleirei i khumichi ly Areng i lam patei nai hnei takeng ai nai, Jerusalem mary y tym u bo.

2 NENG SATANG 6:27

aw Areng, kani pri mang dengdairei tangai pi kyh ba. Nang i miseaung Israela khumichi i kamngochi pahen pi kyh ba. Nichi ai lam kateng mang y pahawi ba. Nang i khumichi teng y pei nai pri y kani nai hai pi teang kyh ba.

2 NENG SATANG 6:30

nichi i chiu sa nai tangai pi kyh ba. Nang i awm nai kani pri mang dengdairei tangai pi iy, nichi i kamngo pahen pi ba. Nang naini nichi i dawn pasym nai pany pi bo. Khumi leaung leaungreichi ai avo nai kamta, tara chih pi ba.

2 NENG SATANG 6:33

nangmy awm nai kani pri mang dengdairei tangai iy, huni khumi i hnei nai kamta so pi ba. Huna khala naini khaileaung pri y awm nai khumi bawibawichi ly nang i khumichi kamta, nang ai pany iy nang i leu tangai u ai. Naibaly nichi ly nang i vui kai i sa nai Achura yhm ly nang ai chiu nai meingtym ne, nanai pany u ai.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 60:2

Nang ly khaileaung amchyh hai iy ako hai bo; khaileaung ly anawi naimy awm nai deaungkho y, ako nairachi palum pi ba.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

ISAIA 45:19

Kai ly kangviu kam-ai y kathui y; kaimy i dawn pasym nai py apha vai y. Kai ly Israela chengchi ai khumi angso by y nai meingtym y hau hai nai ny y. Kai ly Areng ne; kai ly ka-ym awm nai leu katheu iy kateng lam kapatei pi reng nai ne,” nanai leu pei nai keung ne.

ISAIA 59:20

Areng ly mymy i khumichi teng y, “Kai ly kamngochira i uikheih nai Israela cheng bawibawichi ai atleu ai nai, Jerusalem mary y kangjeu ai.

ISAIA 63:19

Nang ly kaichi i samrang ny y vui lawh nai kamta py, kaichi ly nang i khumichi ny y vui lawh nai kamta py, nang ly kaichi ai sa lawh bo.

JEREMIA 14:9

Ati mana nai y nang ly mynkym vui nai kamta py, sabawm ai nai sa thai naira by y nai tavaimi risa kamta py, lawm lawh mo? Aw Areng, nang ly kaichi hawi vanrei awm khyp na a! Kaichi ly nang i khumichi ne i, khai su moh kyh ba,’ nanai takeng u bo”

JEREMIA 33:6

Na i py kai ly mary hawi mary i khumichi ai hawi sa pi ai i, noso hawi u ali teang ai. Mary i khumichi ai tlamsa naira hawi chymme naira nga hai ai.

JEREMIA 50:4

Areng my, “Huni neng tym nai khala, Israela hawi Juda khumichi ly vo naimy mymychi i Tameuh, napi nai kai ai hau u ai.

JEREMIA 51:9

Cheng takhra khumichi my, ‘Achi ly Babulon mary ai sabawm ai nai atho sa i py, patyh ala veng bo. Jeu u ly huni mary i nai theu iy achi i pri y vawi u teang sina. Tameuh ly ati cheaungkhang sa thai nai hawimy, Babulon mary ai kamngo pajeng iy taphra chauchau bo,’ nanai thui u nai ne.”

JEREMIA 8:22

Kilead pri y asi akhang by y lawh bo a? Daitang py by y lawh bo a? Ati mana nai y kai i chengchi i no-na hawi pa-rei so u thai y lawh mo?

Ezekiela 33:11

Sa thai naira angym nai kai Areng ly Tameuh kangheng ne nai deaungkho y, kaimy kang thui pi nai ly ami mo leaungrei kamngo sa iy dei nai niu ai nai ngai y. Huni khumi kamngo sa nai anawn iy heng nai naini kaniu ai nai ngai. Nangchi Israela chengchi awi, nangchi i sa thym nai kamngochi anawn u jau; ati mana nai y dei ai nai ngai u lawh mo?

Ezekiela 33:12

“Nang khumicho awi, khumi kahawi kamngo sa nai khala, mymy i hawi sa naichi my ni ai atleu pajau ai ny y, nanai ly Israela chengchi teng y thui pi. Khumi hawi y nai ly mymy i hawi y sa naichi anawn vui lawh baly, ni ly kamngo pajeng naira avum ai ny y. Khumi kahawi ly kamngo sa nai khala, ni ly hengra nga ai ny y.

Kati Nai 6:27

Naibaly Areng my, “Pathyp pi nai keungchi ly kai i amyn y Israela chengchi ai amtheaung hai baly, kai ly nichi ai py amtheaung hai teang ai,” napi.

AMTAW 9:11

Naibaly mymy ly, “Khen cham Areng, kai hi y awm he,’ napi. Naibaly Areng my ly, mymy teng y, “Angthau ly, Lam Kataw napi naira y tako ly, Juda i yhm y Tarsa i khumi, amyn Sawla napi nai ai deng;

Leu Thui Nai 28:10

Naibaly nangchi ly Areng my vawi takhra nai khumi ne, nanai khaileaung pri i khumi cheng bawibawichi my pany nai deaungkho y, nangchi ai ang tarym u ai.