2 NENG SATANG 7:10 - Khumi Common Language Bible

¹⁰ Saryh lo, kani 23 rei kani y Solomon ly mipuichi ai yhm mang y vawi hai bo. Areng ly mymy i khumi Israela chengchi, samrang Davida hawi samrang Solomon teng y amtheaung hai nai deaungkho y, khumichi ly amo theu naimy vawi u nai ne.

2 NENG SATANG 7:10 ပူးပေါင်းရင်းမြစ်များ

1 ARENG KEH 8:66

Tajarei kani y samrang ly khumichi ai mymychi i avang y vawi hai bo. Nichi bawibawi my py samrang ai palo u chum baly, Areng i khumi Israela chengchi hawi mymy i miseaung Davida i nga nai amtheaung naira saho y, amo theu parai naimy mymychi i avang y vawi u bo.

2 NENG SATANG 29:36

Tameuh my hini kalopchi sa kaliki ai nai pei nai deaungkho y, samrang Hezekia hawi khumi mipuichi ly amo theu u na ne.

2 NENG SATANG 30:26

Jerusalem mary i khumichi ly Davida i chapo samrang Solomon deung i dengdai vaini khrairei, hina nai pawi so u vai y nai deaungkho y, khrikhri pa-rei amo theu u bo.

2 NENG SATANG 6:41

Aw Areng Tameuh, vai ang thau iy, nang i sa thai nai ka-ma-ra Leu Maikawm Pawm hawi vanrei, Achura yhm theung y jeu ly deungtasarei awm jo ba. Nang i khumichi ly mymychi nga nai pahen naira molam y, amo theu u sy.

2 NENG SATANG 7:11

Samrang Solomon ly mymy i paran yb nai kamta, Achura yhm hawi samrang yhm sa nai amcheang iy, angym be nai khala,

2 NENG SATANG 7:9

Taichy pawi kani saryhrei sa u chum baly, achu pui sa u. Maicham ai khai takhra nai kani saryhrei, pawi sa nai py kani saryhrei ne.

NEHEMIA 8:10

Vai ly yhm y vawi u iy amo theu naimy cho nei u. Nangchi i teicha teinei hawi kreip hang ly khumi kamawnchi teng y paji pi u. Vaini ly achi i Areng i kani kachai ne nai deaungkho y, paleung mawn u moh. Areng teng i nga nai amo theu naira ly nangchi ai atho angym hai ai,” nanai thui u nai ne.

SAM 100:2

Areng ai ly amo theu parai naimy chiu u; amo theu ai hawi nai khulymchi thui iy, mymy i mo y jeu u!

SAM 105:3

Mymy ly achi ai peang nai deaungkho y amo theu u; mymy ai chiu nai bawibawichi awi, amo theu u.

SAM 106:5

Kai ai nang i khumichi nang chawn nai niu ai nai pei ba; nang i pri khumichi amo theu naira y py, nang i peang nai khumichi amo theu amlyh naira y py, kai ai tabawi kyh ba.

SAM 32:11

Aw khumi kahawi bawibawichi awi, Areng i sa pi nai molam y amo theu u. Mymy i leu tangai nai khumi bawibawichi awi, amo theu nai aeu u!

SAM 92:4

Aw Areng, nang i lyh ai hawi parai nai sa nai saichi ly kai ai amo theu hai bo; nang i sa nai leaungsaichi molam y, kai ly amo theu parai naimy khulym thui nai ne.

THEU NAI 18:1

Midian pri i pathyp pi nai keung, Mosi i ampu Jethro ly Israela chengchi ai Aikupta pri i dengdairei nichi ai pahawi nai khala, Mosi hawi Israela chengchi tlang tleaung y Areng my ati mana kry mo, nanai thai nai ne.

Ezekiela 45:25

“Saryh lo, lo si kani holai pangrei kani y sa amteaung nai Taichy pawi i vui, samrang ly pawi sa nai kani saryh ryrei, kani tleirei kamngo alaw nai kapathypra, leng patlum nai kapathypra, tako dei hawi olive asitui katalamrachi ai, vaichi khala i kamta talam ai nai tla,” napi.

AMTAW 16:34

Naibaly mymy i yhm y nini ai pahawi kalau iy, cha ai nai pawi pi, naibaly Tameuh ai ym nai deaungkho y mymy hawi mymy i dengtheungchi bawibawi py khri pa-rei amo theu parai bo.

AMTAW 2:46

Naibaly kani tleirei paleung vanrei my achura yhm kalen pui y hawihai palai awm u i, nichi i yhm y py tako theng bawi iy, amo theu parai naimy paleung tinem iy biu cha nai, Tameuh ai palo.

Leu Thui Nai 12:12

Naibaly nangchi i cho chanauchi, nangchi i mary theung y awm nai Levi theaungchi hawi vanrei, mymy i mo y amo theu u. Levi theungchi ly mychi i vui khaileaung by y, nanai pany u.

Leu Thui Nai 12:18

Nangchi hawi nangmychi i cho chanauchi, miseaungchi hawi nangchi i mary theung y awm nai Levi theaungchichi ly hini kapathyprachi ai nangchi i Areng Tameuh my vawi takhra pi nai chiu ai nai meingtym hareira y naini, cha nei u ai nai tla. Nangchi ly huni meingtym y nangmychi kalop sa iy nga nai teicha teineichi ai amo theu seu naimy cho u.

Leu Thui Nai 12:7

Nangchi i Areng Tameuh ly nangchi ai amtheaung hai nai deaungkho y, nangchi kalop sa iy nga nai teicha teineichi ai nangchi hawi vanrei, nangmychi i yhm dengtheungchi ly huni meingtym mymy i mo y amo theu parai naimy cha u ai nai tla.

Leu Thui Nai 16:11

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei, Areng i mo y amo theu nai pawi so u. Huni Pawi ly chiu naira meingtym harei khyh naira y sa u ai nai tla.

Leu Thui Nai 16:14

Nangchi i marychira y awm u nai nangchi i cho chanauchi, miseaungchi, cheng takhrachi, Levi theaungchi, nurochochi, lumai nuchi hawi vanrei huni pawi so u.

PHILIPI 4:4

Areng y ly kawn u jojo; kang napi bi ai kawn u.