2 NENG SATANG 7:1 - Khumi Common Language Bible

¹ Huna nai kamta samrang Solomon chiu sa pajau nai khala, kani mang dengdairei mai tla iy, katalamrachi kang hai. Naibaly Achura yhm ly Areng i phum-ang kangvang hawi kawi na bo.

2 NENG SATANG 7:1 ပူးပေါင်းရင်းမြစ်များ

ATITI AWM ANGCHEI NAI 15:17

Kani dym i veng nai khala y, maikhyh laawm hawi maiteaung ly vaimy amteng i, mawi phy nyhrei sala aleaung bo.

1 ARENG KEH 18:24

Hunaibaly bala i amochi ly mychi i tameuh teng y chiu so u sy; kai py Areng teng y chiu kasa ai. Kaichi bawibawi i chiu sa hnei takeng nai pathang pi iy mai pala pi nai keung ly Tameuh tatang ne ai,” napi. Mipuichi ly Elija i thui nai leu ai ngai u i, aeu u sau na bo.

1 ARENG KEH 18:38

Naibaly Areng my mai pala pi nai deaungkho y apathyprachi hawi raurei, theng hawi lengseaungchi py, kang pawn nai chang y i, khaileaung malawn py kang iy, leaunghawira i tuichi py kang pawn nai ne.

1 ARENG KEH 9:1

Samrang Solomon ly Achura Yhm, samrang yhm hawi my i sa ai ngai nai cheaungkhangchi sa pajau nai bo y,

1 NENG SATANG 21:26

Areng i vui maicham sa iy leng patlum nai kapathypra hawi amkawm nai kapathyprachi talam bo. Samrang chiu sa nai khala, Areng ly maicham salo i tawnbawichi mai kang ai nai molam, kani mang dengdairei mai pala pi bo. Hina nai kamta samrang i chiu sa nai pathang pi nai ne.

SAM 26:8

Aw Areng, kai ly nang parai nai meingtym, napi nai nang i awm nai yhm y ngai parai bo.

THEU NAI 19:18

Areng ly mawi salo y mai kangveaung kamta satla kathiu nai deaungkho y Sinai mawi verei ly mai khyh my khiu cheng bo. Tamang mai khyh kamta mai khyh ly khyh kalau iy khumichi ly kaso theu u tliu na bo.

THEU NAI 29:43

Kai ly huni meingtym y Israelachi hawi ka-vum sa iy, kai i nang parai nai kangvang, hini meingtym y kachai lawm hai ai.

ISAIA 65:24

Nichi i kai ai chiu nai tem y rai khala my, kai ly nichi i hnei nai pathang pi ai.

Ezekiela 43:5

Areng i phailo ly kai ai ang kateang iy, apai theung i ly-um mang y ang hawi bo. Achura yhm ly Areng i nang parai nai hawimy kawi nanai ly huni mangmy niu nai ne.

Ezekiela 44:4

Naibaly huni khumi ly kai ai tosyh mang i katheu pa-kho tako prei iy Achura yhm mo y hawi i, kai khen nai khala, Areng i Achura yhm ly mymy i nang parai nai kangvang kawi nai kaniu; kai ly khaileaung y ambeu vui na bo.

DANIELA 9:20

Kai ly chiu sa bi i, kaimy i kamngochi py, kaimy i khumi Israela chengchi i kamngochi py, ahui naimy nang i chai parai nai Achura yhm sa palum teang ai nai, kai i Areng Tameuh teng y hnei takeng nai ne.

MALAKHI 3:4

Naibaly Juda khumichi hawi Jerusalem mary i khumichi, Areng teng y syn nai kapathyprachi ly jangni khala i kamta Areng my kawn nairachi lawm ai.

AMTAW 4:31

Naibaly nichi chiu sa pajau iy, mymychi i awm achu naira ahyn bo; naibaly nichi bawibawi ly Phailo Kachai my kawi i vam parai pa-rei Tameuh i leu thui pi.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

TARA CHIH NAI KEUNGCHI 6:21

Hunaibaly Areng i kani pri amtaw thau nai ly kiu pheu iy, my i syn nai cheaungvawi meaung hawi, mi-i mawi hawi takochi ai teaung nai khala, lengseaung theung i nai mai kadeu theu i, mi-i mawi hawi takochi ai kang hai. Naibaly kani pri amtaw thau nai ly tama veng bo.