2 NENG SATANG 6:5 - Khumi Common Language Bible

⁵ ‘Nichi ai Aikupta pri i kapahawi nai neng dengdai vaini khrairei, kai ly mani Israela marychi ai py, kai ai chiu nai meingtym palawn ai nai vawi takhra y leang. Mani khumi ai py kai i khumi Israela chengchi ai lu sa ai nai vawi takhra y leang.

2 NENG SATANG 6:5 ပူးပေါင်းရင်းမြစ်များ

1 ARENG KEH 8:16

‘Kai ly kai i khumi lawm nai Israela chengchi ai Aikupta pri i theu hai nai dengdairei, kai ai chiu nai Achura Yhm sa ai nai ly Israela pri y mani mary ai py vawi takhra y. Na i py kai ly kai i khumichi ai peang ai nai, nang ai vawi takhra bo,’ nanai kai i ampo Davida teng y thui pi bo,” napi.

2 ARENG KEH 21:4

Mymy ai chiu ai nai meingtym ne, napi nai Areng my thui nai Achura yhm y, mynchi teng apathyp ai nai maichamchi sa.

1 NENG SATANG 17:5

Israela chengchi ai Aikupta pri i nai kaimy pahawi nai neng dengdairei, kai ly mana khala py, Achura yhm y awm vai y leang. Taichira y naini ka-awi iy, meingtym harei i nai meingtym harei mang y ang pyn.

2 NENG SATANG 12:13

Rehoboam ly Jerusalem mary samrang yhm y awm iy, sa thai naira asang nai ne. Samrang lawm nai thym khala ni ly saneng 41 rei awm. Jerusalem mary y saneng 17 rei peang. Israela theaung bawibawichi awm nai marychi theung y huni mary ai Areng ly mymy ai chiu nai meingtym vawi takhra bo. Rehoboam i amhm ly Ammon pri neampachy Naamah ne.

2 NENG SATANG 20:8

Nichi ly hini pri y awm iy nang ai tahm pasang ai nai Achura yhm sa u nai ne.

2 NENG SATANG 20:9

Tavai ka-jeira, chym thai nai no mi ka-jeira, takang ka-jeirachi napi nai, mani ka-jeira py ne sy, tym nai thym khala nichi ly nang ai chiu ai nai Achura yhm mo jeu iy angdo naimy chiu sa baly, nang ly tangai pi iy, nichi ai atleu pi ai, nanai kaichi ym.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 33:4

Mymy ai chiu jojo ai nai meingtym napi nai Areng my thui nai Achura yhm theung y, mynchi teng y apathyp ai nai maichamchi sa u.

2 NENG SATANG 33:7

Ni ly Achura yhm theung y myn khai nai ne. Huni Achura yhm molam y Tameuh my Davida hawi chapo Solomon teng y, “Israela theaung holai nyhreichi i khu ka-peang ngiereichi theung i, kaimy vawi takhra nai Jerusalem mary i hini Achura yhm theung y, kai ai chiu u jojo ai nai tla.

2 NENG SATANG 6:20

Hini Achura yhm ai vum, kanithun kry pi ba. Hini meingtym y nang ai chiu ai nai tla, nanai nangmy leu pei nai deaungkho y, hini Achura yhm mang y motha naimy, kai chiu sa nai khala tangai pi kyh ba.

2 NENG SATANG 6:4

Naibaly samrang my, “Israela chengchi i Areng Tameuh ai palo u! Mymy ly kai i ampo Davida teng y adeu nai leu ly khaw hai bo.

2 NENG SATANG 6:6

Na i py vai kai ly Jerusalem mary y kai ai chiu ai nai meingtym palawn nai py, kai i khumichi ai peang ai nai keung y nang Davida ai kang vawi takhra nai ne,’ nanai leu pei bo,” napi.

2 NENG SATANG 7:16

Ati mana nai mo na baly kai ly hini Achura yhm ai vawi takhra iy, kai ai deungtasarei chiu nai meingtym palawn nai khai takhra bo. Kai ly hini meingtym y typ iy deungtasarei kry ai.

EZARA 7:16

Huni bo y nang ly Babulon pri ka-peang verei y cheaungra i nga nai kahm hawi tangka py, Israela chengchi hawi pathyp pi nai keungchi my Jerusalem mary y awm nai, mymychi i Tameuh teng y talam nai kapathyprachi py syn jo ba.

THEU NAI 20:24

Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.

THEU NAI 23:21

Ni ai tahm khai iy ni i leu tangai u. Ni ai kaimy pato nai ne i, ni ai tiu u moh; ni ly huna nai tiu nai ai ly pahen pi ai ny y.

DANIELA 9:19

Aw Areng, tangai pi kyh ba. Aw Areng, kaichi i kamngo pahen pi kyh ba. Aw Areng, kaichi i hnei takeng nai tangai iy, kawn pi kyh ba. Aw kaichi i Areng, paniu moh ba. Huna khala y nang ly Tameuh ne nanai khumi luteng my pany u ai. Hini mary hawi hini khumichi ai nangmy peang nai ne,” nanai chiu sa bo.

ZEKHARIAH 3:2

Areng i amtaw thau naimy setan teng y, “Aw setan awi, Areng my nang ai kamngo pajeng sy; Jerusalem mary ai tamen nai Areng ly nang ai kamngo pajeng sy; hini khumi ly mai theung i ajiu vui nai thengbeang hawi atawm nai ne,” napi.

Leu Thui Nai 12:11

Areng ly nangchi i vui mymy ai chiu ai nai meingtym harei ang vawi pi takhra ai. Kaimy leu pei nai kamta nangchi leng patlum nai kapathypra hawi takhra kapathypra bawibawichi, horei y harei hawi katalamrachi, huni meingtym y syn u ai nai tla.

Leu Thui Nai 12:5

Areng ly nangchi cheng theaung bawibawichi awm nai khu ka-peang dengdairei, mymy i mo y khumichi jeu achu iy mymy ai chiu ai nai meingtym harei vawi pi takhra ai.

1 SAMUELA 10:24

Samuela my khumichi teng y, “Areng my vawi takhra nai ly hini khumi ne he! achi theung y ni hawi atawm nai khumi leaungrei py by y,” napi. Khumi bawibawichi my py, “Samrang ly heng sau sy!” nanai aeu u bo.

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.