2 NENG SATANG 6:33 - Khumi Common Language Bible

³³ nangmy awm nai kani pri mang dengdairei tangai iy, huni khumi i hnei nai kamta so pi ba. Huna khala naini khaileaung pri y awm nai khumi bawibawichi ly nang i khumichi kamta, nang ai pany iy nang i leu tangai u ai. Naibaly nichi ly nang i vui kai i sa nai Achura yhm ly nang ai chiu nai meingtym ne, nanai pany u ai.

2 NENG SATANG 6:33 ပူးပေါင်းရင်းမြစ်များ

1 ARENG KEH 8:16

‘Kai ly kai i khumi lawm nai Israela chengchi ai Aikupta pri i theu hai nai dengdairei, kai ai chiu nai Achura Yhm sa ai nai ly Israela pri y mani mary ai py vawi takhra y. Na i py kai ly kai i khumichi ai peang ai nai, nang ai vawi takhra bo,’ nanai kai i ampo Davida teng y thui pi bo,” napi.

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

2 NENG SATANG 6:34

“Nang i khumichi ly paleung ka-echi ai tiu ai nai nangmy leu pei nai khala, nichi ly mani meingtym y py awm sy, nangmy vawi takhra nai hini mary hawi, nang i vui kaimy sa nai hini Achura yhm mang y motha iy chiu sa u baly,

2 NENG SATANG 7:14

Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

SAM 22:27

Khumi cheng cheaungkhangchi ly Areng ai pany u jo ai. Khaileaung pri meingtym tleirei i khumi cheng bawibawichi ly paleung amtlau iy, nang ai chiu u ai.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

SAM 67:2

Huna i naini khaileaung pri y awm nai khumi bawibawichi ly nang i kangai pany u ai; khumi cheng bawibawichi ly nang i atleu pi nai pany u ai.

SAM 86:9

Nangmy sa nai khumi cheng cheaungkhangchi ly jeu iy, nang i mo y lu meung u ai; nichi ly nang i nang parai nai sai palo u ai.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

JEREMIA 10:7

Khumi cheng cheaungkhangchi i samrang lawm nai nang ai tahm khai y nai ami awm ai mo? Nang ai tahm khai ai nai ataing parai nai ne. Khumi cheng cheaungkhangchi theung i khumi kachengchi theung y py, nichi i samrangchi theung y py, nang hawi atawm nai leaungrei py by y.

Kati Nai 6:27

Naibaly Areng my, “Pathyp pi nai keungchi ly kai i amyn y Israela chengchi ai amtheaung hai baly, kai ly nichi ai py amtheaung hai teang ai,” napi.

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

1 SAMUELA 17:46

Vaini my Areng ly nang ai, kai i kiu y ang-au ai; kai ly nang ai kang pajau vui ai i, nang i lu kang tameang vui ai. Naibaly Philistin tavaimichi i veuchi ai tavochi, mawi kasichi i teicha lawm hai ai; huna nai khala y Israela chengchi teng y, Tameuh awm nanai khaileaung pri vereichi my pany u ai.