2 NENG SATANG 6:24 - Khumi Common Language Bible

²⁴ “Nang i khumi Israela chengchi ly nang i tlang tleaung y kamngo sa nai molam, paleung ka-echi kiu y sum u nai deaungkho y, nichi ly mychi i kamngo lawira nga ai nai nang teng y ali iy, Achura yhm y chei ai nai paleung apanem naimy chiu sa nai khala,

2 NENG SATANG 6:24 ပူးပေါင်းရင်းမြစ်များ

2 NENG SATANG 6:25

kani pri mang dengdairei nichi i chiu sa nai tangai pi kyh ba. Nang i khumichi i kamngo pahen pi iy, nichi hawi nichi i amsi pajochi teng y, nangmy pei ai nai pri mang y pahawi ba.

SAM 44:10

Nang ly kaichi ai paleung ka-echi teng i nai angpreng hai bo; nichi ly kaichi i vawnsaichi la pi pawn veng nai ne.

SAM 51:4

Kai ly nang i tlang tleaung y kamngo sa bo, nang ai naini kamngo sa nai ne. Nang i mei ka-niu y sa tamang bo. Hunai deaungkho y kai ai nangmy tara chih nai ly avo khyp nai ne. Kai i tlang tleaung y kamngo pajeng nai ly teng khyp bo.

LEU KACHENG 28:13

Amy i kamngochi ai taphum ai nai atho sa nai khumi ly heng nai deung y mana khala py, chawn pa ai ny y. Ni ly huni kamngochi uikheih iy khai su khala naini, Tameuh teng i pahen naira nga ai.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

Levi 26:37

Preang nai khumi by y naimy leaung leaungrei adeng mengmeaung iy atlym u ai. Mani paleung ka-e ai py amtang pajau ai ny y.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 28:48

Hunai deaungkho y Areng my nangchi ai tiu ai nai pato nai paleung ka-echi i kalopchi nangchi sa u lawh ai. Nangchi ly kajeu kanglam, tui kanghai hawi tlang ka-keu naimy awm u ai i, cheaungkhangra y avaw u ai. Nangchi tama ai nai pa-rei Areng my nangchi ai ana kalikachi hai ai.

JOSUA 7:8

Aw Areng, Israela chengchi ly paleung ka-echi teng i dengdairei, preang ai nai tla lawh nai deaungkho y, kai ly ati kathui ai mo?

TARA CHIH NAI KEUNGCHI 2:11

Huna nai khala Israela chengchi ly Areng i tlang tleaung y kamngo sa u i, Bala tameuhchi ai chiu u.