2 NENG SATANG 5:2 - Khumi Common Language Bible

² Naibaly samrang Solomon ly Leu Maikawm Pawm ai Zion napi nai Davida mary i dengdairei angjeaung ai nai, Israela cheng theaungchi hawi nupai lu bawibawichi ai Jerusalem mary y angym ai nai palau bo.

2 NENG SATANG 5:2 ပူးပေါင်းရင်းမြစ်များ

2 SAMUELA 5:7

(Na i py Davida ly Zion lengseaung apai ai tiu pajau vui nai deaungkho y, huni ly Davida i mary, nanai amthang bo.)

2 SAMUELA 6:12

Leu Maikawm Pawm saho y Obed Edom i yhm dengtheung hawi ni i awm nai bawibawichi ai, Areng my amtheaung naira pei nai satang ly Davida my thai nai khala y, huni Pawm ai pawi sa hai iy Obed Edom yhm i dengdairei, Jerusalem mary mang y angjeaung vui bo.

1 NENG SATANG 15:1

Davida ly mymy i vui yhmchi Jerusalem mary y sa bo. Tameuh i Leu Maikawm Pawm i vui py, meingtym hareira y Tai harei sa.

1 NENG SATANG 15:12

nichi teng y, “Nangchi ly Levi theaungchi i luchi ne. Kai i sa yb nai meingtym ra y, Israela chengchi i Areng Tameuh i Leu Maikawm Pawm angjeaung hai ai nai, nangchi ly nangmychi ai py, nangchi i amjo amnau Levi theaungchi ai py, kachai aso hai u.

1 NENG SATANG 15:25

Hunaibaly Samrang Davida hawi vanrei, Israela luchi, tavailu arengchi ly Leu Maikawm Pawm angjeaung ai nai molam, Obed Edom i yhm y chei iy, apu parai nai pawi sa u.

1 NENG SATANG 15:3

Hunai deaungkho y Davida ly Leu Maikawm Pawm angjeaung ai nai Jerusalem mary y Israela khumichi ai pangym achu bo.

1 NENG SATANG 16:1

Nichi ly Leu Maikawm Pawm ai samrang Davida my sa rym nai tai mang y angjeaung iy, huni tai theung y khai u bo. Naibaly leng patlum nai katalamra hawi amkawm nai katalamrachi Tameuh teng y talam u.

1 NENG SATANG 24:31

Mymychi i amjo amnau Aron i kangpreang pathyp pi nai keungchi i sa nai kamta, yhm dengtheung tleirei i lu sa naichi hawi huni yhm dengtheung i amnau leaungrei ly tambe va iy kalopchi sa u nai ne. Hina nai sa naira y samrang Davida, Zadok, Ahimelek hawi pathyp pi nai keungchi i yhm dengtheung luchi hawi, Levi theaungchi i yhm dengtheung luchi ly pany hai naichi ne.

1 NENG SATANG 24:6

Eleaza hawi Ithama nini i kangpreangchi ly tambe va u. Naibaly nichi i amynchi ai Nethanela i chapo, Levi theaungra y secretary sa nai Shemaiah teng y amyn pakun ai nai tla. Huna nai amyn pakun naira y samrang, samrang i bangtangchi, pathyp pi nai keung Zadok, Abiatha i chapo Ahimelek, pathyp pi nai keung yhm dengtheung luchi hawi, Levi theaungchi i yhm dengtheung luchi ly pany nai keungchi ne.

1 NENG SATANG 26:26

Shelomith hawi ni i yhm dengtheungchi ly Tameuh teng y, samrang Davida, yhm dengtheung luchi, nupaichi ai lu sa naichi hawi tavai luchi my talam nai katalamra vawnsaichi kry ai tla nai ne.

1 NENG SATANG 28:1

Davida ly Israela cheng miteaung keh bawibawichi ai, Jerusalem mary y angym hai bo. Hunaibaly cheng theaungchi i miteaung keh bawibawichi hawi pri peang nai miteaung keh bawibawichi ai py, Nupai luchi, samrang hawi chapochi i vawnsaichi, keaungngo kano kasau, sichi napi nai tawnbawichi ai kry nai khumichi py angym u bo. Angchi khyp thui ai na baly samrang yhm miteaung kehchi, amyn amthang nai tavai luchi hawi aly len nai khumi ngiereichi ly Jerusalem mary y angym u nai ne.

2 NENG SATANG 1:4

(Na i py Leu Maikawm Pawm ly Jerusalem mary y awm. Huni Pawm ai samrang Davida ly Kiria Jarim mary i dengdairei la iy, mymy i sa nai taichyra y khai nai ne.)

2 NENG SATANG 5:1

Samrang Solomon ly Achura yhm sa nai kalop bawibawi pajau nai khala, Areng teng y ampo Davida my talam nai muku, tangka hawi takhra vawnsai ateaung alangchi ai, vawnsai khai nai takun puichira y khai me bo.

SAM 2:6

Mymy ly “Tahm asang parai nai kai i Zion mawi salo y, kaimy vawi takhra nai samrang ai kaimy kapalyn bo,” napi.

SAM 87:2

Mymy ly Jerusalem mary pui ai Israela pri y awm nai takhra marychi bawibawi tleaung y khrei keh bo.

Levi 9:5

Naibaly nichi ly Mosi my leu pei nai kamta ati cheaungkhangchi ai Tabynako mo y tym hai u bo. Israela mipui bawibawichi py Areng ai chiu ai nai jeu u achu nai ne.

Kati Nai 10:33

Khumi mipuichi ly Sinai mawi kachai dengdairei theu iy, kani thomrei ka-teng tako u bo. Nichi ai tai naira meingtym pei ai nai Areng i Leu Maikawm Pawm ly nichi i momang y tako hai jojo.

Kati Nai 10:36

Leu Maikawm Pawm ai anawn hai nai khala, “Aw Areng, sang meaungkateaungrei chang y nai Israela chengchi teng y jeu ali teang kyh ba,” nanai py thui jojo nai ne.