2 NENG SATANG 4:7 - Khumi Common Language Bible

^7-8 Nichi ly teaung reng nai kamta, maisi yhm khaira horei hawi sabawi horei sa iy, Achura yhm hall lamtang mang y pangrei, langvawi mang y pangrei khai u. Muku khau chungvairei py sa u nai ne.

2 NENG SATANG 4:7 ပူးပေါင်းရင်းမြစ်များ

1 ARENG KEH 7:39

Hiram ly Achura Yhm tokalawi ngan mang y ka-ri pangrei, tosyh ngan mang y ka-ri pangrei khai iy, tuikan ai ly Achura Yhm i nisi tokalawi taki y khai nai ne.

1 ARENG KEH 7:49

khri pa-rei chai nai meingtym mo i lamtang mang y khai nai maisi yhm pangrei hawi langvawi mang y khai nai maisi yhm pangrei, muku kaseaung pauchi, muku maisi yhm, muku hawi sa nai mai syn nai ateaungchi,

1 NENG SATANG 28:12

Samrang ly mymy i paran yb nai kamta, Achura yhm ly-umchi hawi ly-um tengpang sahawi i takunchi, Achura yhm vawnsai ateaung alangchi khai naira hawi, Areng teng y talam nai katalamrachi khai nai takunchi i myn py pei pi nai ne.

1 NENG SATANG 28:14

Samrang ly khauchi vui py, maisi yhm hawi maisi yhm khaira ha harei vui py,

1 NENG SATANG 28:15

muku sabawichi i vui py,

1 NENG SATANG 28:19

Samrang Davida my, “Hini bawibawichi ly Areng my kai ai sa ai nai leu pei nai kamta tajiu yb nai ne,” napi.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

HEBRAI 8:5

nichi ly kani pri mang i atiti ka-tawmchi hawi pa-pui i kalop sa u lawh reng. Ne, Mosi my achura yhm jang ai nai tau thym khala y ly Tameuh my thui pi nai kamta, “Mawi y khen pata ai naira ang patei nai kamta ly cheaungkhang sa ai nai amkym,” napi.

AMTENG HAI NAI 1:20

kai i lamtang mang i kiu y ka-si saryhrei i awm nai sai aneng nai ly hini ne he:ka-si saryhrei ly palau takhra kamkawm saryhrei i kani pri i amtaw thau naichi ne: naibaly maisi khai naira saryhrei ly palau takhra kamkawm saryhreichi ne.