2 NENG SATANG 4:1 - Khumi Common Language Bible

¹ Samrang Solomon ly jeng miu 20 rei hawi ka-sang miu 10 rei awm nai kheupaja maicham sa hai bo.

2 NENG SATANG 4:1 ပူးပေါင်းရင်းမြစ်များ

1 ARENG KEH 8:22

Naibaly Solomon ly khumichi i mei ka-niu y maicham mo y chei iy angdo bo. Samrang ly kiu pheu i,

1 ARENG KEH 8:64

Huni kani y my samrang ly Achura Yhm mo y awm nai umtang i lengseaung apai ai py khai takhra bo. Ni ly huni meingtym y leng patlum nai kapathyp hawi choh talam nai py, amkawm nai kapathyp i vui tawnbawichi thau py talam nai ne. Ati mana nai mo nabaly Achura Yhm apai theung i kheupaja maicham ly huni kapathyprachi i vui theang ala nai deaungkho y ne.

1 ARENG KEH 9:25

Solomon ly Areng i vui y, my i sa nai maicham salo y leng patlum nai kapathyp hawi amkawm nai kapathypchi, sanengrei y tlen thomrei talam. Areng teng y rimui patawi nai py talam bo. Naibaly ni ly Achura Yhm sa nai kalop patem nai ne.

2 NENG SATANG 1:5

Kibeon mary y awm nai Areng i awmra taichy mo y, Hura nupai theung i Uri i chapo Bezalela my sa nai kheupaja maicham py awm. Huni meingtym y samrang Solomon hawi khumi mipui bawibawichi ly Areng ai chiu u nai ne.

2 NENG SATANG 15:8

Hina nai Oded i chapo Azariah my thui nai amo leu thai nai khala, Asa ly atho nga i, Juda khu ka-peang, Benjamin khu ka-peangchi hawi mawi nawi nai Ephraim pri marychira i mynchi taphra vui bo. Samrang ly Achura yhm apai theung i maicham py, sa palum teang nai ne.

2 NENG SATANG 29:18

Levi theaungchi ly samrang Hezekia teng y, “Kaichi ly leng patlum nai kapathyprachi i vui maicham, tako kachai khaira sabawi hawi ateaung alangchi raurei, Achura yhm verei py, reita leaungsai kamta kachai sa nai pajau bo.

2 NENG SATANG 7:7

Solomon ly Achura yhm mo y awm nai sala i ly-um khai takhra chum baly, huni meingtym y leng patlum nai kapathypra, amti amjang talam nai, amkawm nai katalamra i thauchi talam bo. Hina nai sa nai ly samrang i sa nai kheupaja maicham ly huni katalamra bawibawichi i vui theang ala nai deaungkho y ne.

2 NENG SATANG 8:12

Solomon ly Achura yhm mo y my i sa nai maicham ra y kapathyprachi talam bo.