2 NENG SATANG 36:16 - Khumi Common Language Bible

¹⁶ Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

2 NENG SATANG 36:16 ပူးပေါင်းရင်းမြစ်များ

2 ARENG KEH 2:23

Elisa ly Jeriko mary i dengdairei Bethela mary mang y chei. Lam y mary harei i deaungdi phyreichi ly theu u i, ni ai panui hai u bo. Nichi my, “Lu kamngai, lu kangbiuliu awi, hi i nai theu vui!” nanai aeu u.

1 NENG SATANG 19:4

Naibaly Hanun ly Davida i pato nai savaichi ai patiu iy, labeaung mui vau pi pawn. Nichi i ateaungchi py phaibeung ryrei o pi vui iy pato teang bo.

2 NENG SATANG 24:19

Areng ly amochi ai pato iy huni khumichi ai mymy teng y ali u teang ai nai pany hai teu i py, nichi ly tangai u y.

2 NENG SATANG 30:10

Savaichi ly Ephraim hawi Manase theaungchi i khu ka-peang mary ngiereichi hawi, tosyh mang Zebulun khu ka-peangchi ra chei u teu i py, khumichi ly nichi ai panui hai nai ne.

EZARA 5:12

Na i py kaichi i amsi pajochi ly kani hawi khaileaung sa nai keung Tameuh ai kado patheu u lawh nai deaungkho y, mymy ly kaichi ai Babulon samrang Nebukhadnezar teng y au bo. Achura yhm py phra i, khumi mipuichi ai ly Babulon pri mang y hawi vui nai ne,’ nanai ang thui pi.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

SAM 35:16

Kai ai no-ei pa-rei panui hai u; niu ngai y i, kai ai khen u ripati na bo.

SAM 74:1

Aw Tameuh, nang ly ati mana nai y kaichi ai, hina nai kamta khai su lawh mo? Nang ly nangmy i khumichi ai avawrei kado theu hai jojo ai bo a?

LEU KACHENG 29:1

Thui parip nai avaw avawrei avum i py, paleung kyhchaw asai nai khumi ly kanirei nai khala atlym ai i, ang thau ali teang pajau ai ny y.

LEU KACHENG 6:15

Hunai deaungkho y khri pa-rei ka-jeira ly pany pacha y naimy tym i, nichi ly phra u ai.

ISAIA 28:22

Ati cheaungkhang sa thai nai keung Areng ly pri verei taphra pawn ai nai leu pacheang chum veng bo, nanai kathai. Nangchi ai kaimy kang pany hai nai ly panui hai u moh. Panui hai u lawh baly nangchi ly dei ai naira i, law tleaung ai nai khri pa-rei rai u ai.

ISAIA 5:4

Huni akhobai palum naira y kai ly ati so pi y nai awm mo? Na i py kreip keungchi ly kai i athang khai nai kamta, ati mana nai kreip athai kahawichi jeng y, kreip athai kathochi athai lawh mo?

ISAIA 57:4

Nangchi ly ami ai panui hai u nai mo? Tapawp nai khumichi awi, nangchi ly ami ai thui tamawn u nai mo?

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

JEREMIA 13:10

Huni khumi hawi y naichi ly kai i leu tangai y; paleung tang ra i tameuh takhrachi ai chiu iy kalop sa pi u nai ne. Hunai deaungkho y teaung ai ngo y nai akeng kawm nina kamta lawm u ai.

JEREMIA 20:7

Aw Areng, nang ly kai ai tapawp hyp nai deaungkho y, kai ly tapawp naira avum bo. Nang ly kai tleaung y atho len nai deaungkho y, kai ai eaung vui bo. Khumi luteng my kai ai panui hai nai ne. Nichi ly kai ai kani khengrei preaung u bo.

JEREMIA 20:8

Kai ly leu thui nai tleirei aeu iy, “Khrukhra naira! Phra naira!” nanai aeu ai tla nai ne. Aw Areng, kai ly thui tamawn nai hawi panui hai naira avum bo; ati mana nai mo nabaly nang i leu pei nai thai hai nai deaungkho y ne.

JEREMIA 30:12

Areng ly mymy i khumichi teng y, “Nangchi i tamo kalemchi ly tha pajau ai ny y. Nangchi i no angvawichi ly hawi sa i py, hawi pajau y ai.

JEREMIA 32:3

Samrang Zedekiah ly hu y kai ai theaung pala nai bo y, “Hini mary ai Babulon samrang teng y kapei ai; ni ly hini mary ai peang vui ai.

JEREMIA 32:33

Nichi ly kai ai nithun thun u bo. Kai ly nichi ai kaparip akheng teu i py, nichi ly tangai ai nai ngai u y; thui parip nai py ngai u y.

JEREMIA 38:6

Hunai deaungkho y bangtangchi ly kai ai pahawi iy, samrang yhm apai theung y awm nai samrang i chapo Malakhia i tuikan theung y, vuinawn hawi pala kathiu bo. Huni tuikan theung y ly tui by y, aneaung kapan awm khyh nai deaungkho y, kai ly aneaung kapan theung y a-up nai ne.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

DANIELA 9:6

Kaichi ly kaimychi i samrangchi, samrang i cho chanauchi, amsi pajochi dengdairei mipui bawibawichi i tlang tleaung y, nang i miseaung amochi my nang i amyn y thui pi naichi kaichi ly tangai u y nai ne.

Levi 26:15

Nangchi ly kai i reitachi hawi leu pei naichi tangai y iy, nangchi hawi asa nai Leu Maikawm py taphra lawh baly,

MATTHAI 23:34

Khen cham, huni deaungkho y chy bo, kai ly nangchi teng y amochi, khumi kachengchi, Reita patiu nai keungchi ai kang pato ai; nangchi ly phyreichi ai padei u ai i kraws tleaung y tahen u ai; phyreichi ai ly nangchi i achura yhm y chip u i, avang tleirei y hui iy ana u ai;

MATTHAI 5:12

Kawn u ly, khri pa-rei amo theu u; kani pri mang y nangchi i kawn nai vang ka-teng ny y nai awm; hunai kamta khyp teang nangchi by y rai khala y amochi ai py ana teang ly.

LUKA 16:14

Naibaly tangka ngai phi nai Pharisaichi ly hini leu bawibawi thai i panui hai.

LUKA 18:32

Mymy ai ly Cheng Takhrachi teng y patiu hai iy, panui hai ai i angji ngalai pa-rei sa iy ni ai pachi pathawi ai;

LUKA 23:11

Naibaly Heroda hawi my i tavaimichi ly ni ai tahm khai y i panui hai: naibaly kanih vang kateng akhiu hai iy Pilata teng y pato bi bo.

LUKA 23:36

Naibaly tavaimichi my py panui hai i mymy teng y chei iy, kreip athai hang katho talam pi i,

LUKA 6:23

Huna nai kani y ly kawn u ly, amo theu naimy achaw u; khen cham, kani pri mang y nangchi i kawn nai vang ka-teng ny y nai awm; huna nai kamta teang nichi i amsi sangumchi ly amochi i tlang tleaung y sa reng nai ly.

AMTAW 13:41

‘Tahm khai y nai keungchi awi, khen u cham, Rengrang py ti u ly, tamo my tamo u; Nangchi heng nai ryrei ly hini kai i atiti sairei sa nai ly Huni ly ami my nangchi teng y ang thui pi i py Nangchi pipi ym ai ny y,’ nanai ly,” napi.

AMTAW 17:32

Naibaly nichi ly kadeichi theung i nai angthau bi nai satang thai bo nabaly, phyreichi my ly panui hai, na i py phyreichi my ly, “Hini leu ly kaichi kang tangai bi ai mang,” napi.

AMTAW 2:13

Na i py phyreichi my ly panui hai lawh i, “Kreip athai hang kangtha pavui nai na a hi ly,” napi.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

I THESALONIKA 4:8

Hunai deaungkho y hini leu tahm khai y nai khumi ly khumi ai tahm khai y nai ny y i, nangchi teng y Phailo Kachai ai ang pei nai Tameuh ai tahm khai y nai teu.

HEBRAI 11:36

khumi takhrachi my py panui hai naira hawi chip naira patang:ne, huni ny y nai py kawm nai hawi theaung y paeung nai py avum u teang;

TARA CHIH NAI KEUNGCHI 2:17

Na i py Israela chengchi my ly huni lu sa nai keungchi i leu tangai pi y; Israela chengchi ly Areng i leu tangai y i, tameuh takhrachi ai chiu u bo. Areng i Reita leu pei naichi ai amsi pajochi my sa patawm nai kamta, nichi ly patawm u y.