2 NENG SATANG 36:15 - Khumi Common Language Bible

¹⁵ Nichi amsi pajochi i Areng Tameuh ly mymy i khumichi hawi Achura yhm law tleaungra nga ai ngai hai nai deaungkho y, nichi ai pany hai pi ai nai amochi pato pi bi nai ne.

2 NENG SATANG 36:15 ပူးပေါင်းရင်းမြစ်များ

2 ARENG KEH 13:23

Na i py Areng ly nichi ai pahen py pahen, tamen py tamen nai deaungkho y, nichi ai tamo hai y. Mymy ly Abraham, Isaka, Jakob nichi hawi asa nai leu maikawm ai pany jo i, nichi ai sabawm nai ne. Mymy i khumichi ai mana khala py tami y bo.

2 ARENG KEH 17:13

Areng ly mymy i amtaw thauchi hawi amochi ai pato iy, Juda chengchi hawi Israela chengchi teng y pany hai bo. Mymy ly “Nangchi ly nangmychi i hawi y sa naichi khai u su jau; nangmychi i amsi pajochi hawi kai i miseaung amochi dengdairei, nangchi teng y kaimy pei nai reita theung y abawi nai kai i leu tangai u,” napi.

2 ARENG KEH 21:10

Areng ly mymy i miseaungchi hawi amochi dengdairei, thui pi nai ly

1 NENG SATANG 3:16

Jehojakim ly Jehojakhin hawi Zedekiah napi nai chapo leaung nyhrei awm nai ne.

2 NENG SATANG 33:10

Areng my Manase hawi khumi mipuichi ai pany hai pi teu i py, nichi ly tangai u y.

2 NENG SATANG 36:14

Juda chengchi ai lu sa naichi, pathyp pi nai keungchi hawi mipuichi py, mymychi saleaung deaungpa khumichi i sa nai kamta mynchi chiu iy, mymy i kachai khai takhra nai Achura yhm y chai hai y bo.

NEHEMIA 9:30

Nang ly nichi i tlang tleaung y saneng tlei tleirei neaung kham naimy pany hai bo. Nang i pany hai nai keung amochi my thui parip u teu i py, nang i khumichi ly kano pang u nai ne. Huna nai y nang ly cheng takhra khumichi teng y nang i khumichi ai tiu ai nai pei bo.

ISAIA 28:10

Ni ly achi ai atho sa iy kamsi kamdi, lamrei chum baly lamrei, sairei chum baly sairei patiu pi nai ne,” nanai kai i leu ai tlau u teang bo.

ISAIA 65:12

haisau hawi tleh nai avum ai. Nangchi ly kaimy palau nai khala y pathang u y. Kaimy kang thui nai khala py tangai u y. Nangchi ly kai i mo y hawi y naira sa naimy, kai i ngai y nairachi sa u lawh bo.

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 13:10

Huni khumi hawi y naichi ly kai i leu tangai y; paleung tang ra i tameuh takhrachi ai chiu iy kalop sa pi u nai ne. Hunai deaungkho y teaung ai ngo y nai akeng kawm nina kamta lawm u ai.

JEREMIA 26:5

Nangchi teng y kaimy kang pato taleang kang pato taleang bi nai, kai i miseaung amochi leu ai tahm pateng ai nai tla. Nangchi ly nichi i leu mana khala py tangai u y lawh.

JEREMIA 32:33

Nichi ly kai ai nithun thun u bo. Kai ly nichi ai kaparip akheng teu i py, nichi ly tangai ai nai ngai u y; thui parip nai py ngai u y.

JEREMIA 35:14

Jonada i katu chanauchi ly kreip hang nei y ai nai Jonada my pei nai reita patawm u bo. Nichi ly mychi i amsi pajo my leu pei nai tangai u nai deaungkho y, vaini khrairei ami py kreip hang nei u y nai ne. Na i py nangchi ly kaimy kang thui pi veangveang teu i py, kai i leu tangai u y.

JEREMIA 35:15

Kai ly kaimy i miseaung amochi ai kang pato pi veangveang bo. Nichi my py nangchi ai nangmychi i hawi y naichi khai su iy, kahawi sa u ai nai ang thui pi bo. Nangchi ly nangmychi i amsi pajochi teng y kaimy pei nai pri y awm u jojo ai nai deaungkho y, tameuh takhrachi ai chiu u y ai nai, nangchi ai kang pany hai nai ne. Na i py nangchi ly kai i leu tangai u y, kai ai py tahm khai u y.

JEREMIA 7:13

Nangchi ly vaichi khala y kaimy pany hai yb nai kamngo cheaungkhangchi sa u bo. Kaimy avaw avawrei kang thui pi teu i py, nangchi ly tangai u y. Kaimy nangchi ai kang palau nai khala py pathang u y.

JEREMIA 7:25

Nangchi i amsi pajochi ly Aikupta pri i nai theu u nai kani dengdai vaini khrairei, kai ly kaimy i amochi ai kang pato pi jojo nai ne.

HOSEA 11:8

“Aw Israela, kai ly nang ai mana kang paleang su ai mo? Kai ly nang ai mana khai su thai ai mo? Kai ly Adamah mary ai taphra nai kamta py, Zeboim mary ai tamyh hai nai kamta py, nang ai mana taphra thai ai mo? Nangchi i tlang tleaung y kai i tamen naira ly len parai nai deaungkho y, kai i paleung ly huna nai kamta kaso vam y.

ZEKHARIAH 1:4

Nangchi ly nangmychi i amsi pajochi kamta so u moh. Jangni khala i amochi ly nichi teng y hawi y nai saichi anawn u ai nai thui pi teu i py, nichi ly tangai y, dawn dan u y.

MATTHAI 23:34

Khen cham, huni deaungkho y chy bo, kai ly nangchi teng y amochi, khumi kachengchi, Reita patiu nai keungchi ai kang pato ai; nangchi ly phyreichi ai padei u ai i kraws tleaung y tahen u ai; phyreichi ai ly nangchi i achura yhm y chip u i, avang tleirei y hui iy ana u ai;

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

TARA CHIH NAI KEUNGCHI 10:16

Hunai deaungkho y nichi ly cheng takhrachi chiu nai tameuhchi ai khai su iy, Areng ai chiu u ali teang bo. Mymy py nichi i avum nai patang naira molam y pahen pi bo.