2 NENG SATANG 36:13 - Khumi Common Language Bible

¹³ Zedekiah ly samrang Nebukhadnezar ai tiu. Nebukhadnezar ly mymy tlang tleaung y ka-ym awm ai nai, ni ai athorei my Tameuh i amyn y, vaineng abeu hai bo. Zedekiah ly paleung tang i uikheih y. Israela chengchi i Areng Tameuh teng y ali teang y naimy awm bo.

2 NENG SATANG 36:13 ပူးပေါင်းရင်းမြစ်များ

2 SAMUELA 21:2

(Kibeon mary i khumichi ly Israela chengchi ny y; nichi ly Amori cheng khumi maidenreichy ne i, nichi ai Israela chengchi my ama hai ai, nanai adeu yb bo. Na i py Sawla ly Israela hawi Juda khumichi i vui y paleung apei keh nai y, Kibeon mary i khumichi ai tamyh ai nai atho sa nai ne.)

2 ARENG KEH 17:4

Na i py sanengrei khala y Hosea ly Aikupta samrang so teng y; savaichi pato iy kasabawmra hnei chum baly, Asuria pri y kahm pei y naimy awm vui bo. Huna nai satang ly Shalmaneser my thai nai khala, Hosea ai patiu iy theaung u khai hai nai ne.

2 ARENG KEH 24:20

Areng ly Jerusalem mary i khumichi hawi Juda pri i khumichi ai, khri pa-rei kado theu nai deaungkho y, mymy mei ka-niu i nai patheu pawn nai ne.

2 NENG SATANG 24:19

Areng ly amochi ai pato iy huni khumichi ai mymy teng y ali u teang ai nai pany hai teu i py, nichi ly tangai u y.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

2 NENG SATANG 36:14

Juda chengchi ai lu sa naichi, pathyp pi nai keungchi hawi mipuichi py, mymychi saleaung deaungpa khumichi i sa nai kamta mynchi chiu iy, mymy i kachai khai takhra nai Achura yhm y chai hai y bo.

EZARA 4:12

“Nang parai nai keung awi, nang i takhra khu ka-peangchi mang i hi y jeu u nai Juda chengchi ly Jerusalem mary y khuteng sa iy huni hawi y parai nai, atiu reng nai mary ai palum u nai ne, nanai nang teng y kang pany hai nai bo. Nichi ly mary apaichi sa amteaung u bo i, kra y nai sala y pajau ai bo.

NEHEMIA 9:29

Nang ly nangmy i parip nai leu nichi tangai ai nai pany hai bo; Reita leu pei nai patawm nai ly mymychi tlang hengra lam ne i py, nichi ly amlyh am-e naimy nang i leuchi khai u su nai ne. Nichi ly khri pa-rei paleung tang nai y, nang i leu tangai y naimy awm u.

SAM 15:4

Nichi ly Tameuh my khai su nai khumichi ai paso i, Areng i leu tangai nai khumichi ai ly tahm khai iy palo reng; mana tanrei amy i vui sum naira tym lawh teu i py, amy i leu adeu nai kamta sa jojo reng.

THEU NAI 7:13

Samrang ly Areng my thui yb nai kamta paleung tang i, Mosi nini Aron i leu py tangai pi y nai ne.

THEU NAI 8:15

Samrang my uiphochi dei be nai niu baly, mymy i paleung tang rah i, Areng my leu pei nai kamta Mosi hawi Aron nini i leu py tangai y ai, nanai thui yb nai ly teng khyp bo.

THEU NAI 8:32

Na i py samrang ly hini tlenrei nai py paleung tang tleaung tang ra i, Hebrai Khumichi ai chei ai nai pei y bi nai ne.

THEU NAI 9:17

Na i py nang ly tahm apasang veangveang i, kai i khumichi ai chei ai nai pei y lawh.

ISAIA 48:4

Nangchi ly tamo kamta tang naimy kheupaja kamta khri pa-rei tang iy, paleung tang u ai, nanai kapany.

JEREMIA 43:2

Hoshaiah i chapo Azariah, Kareah i chapo Johanan hawi takhra paleung len amlyh nai khumi bawibawichi ly kai ai, “Nang ly ka-chawi leu katheu nai ne. Kaichi i Areng Tameuh ly kaichi ai Aikupta pri mang y chei moh, nanai thui pi ai nai nang ai pato nai ny y.

DANIELA 5:20

Na i py ni ly paleung len amlyh naimy paleung tang i, pahyp y naimy ana nai khala y, sa thai naira tama i samrang i nai tla vui bo.

ZEKHARIAH 7:12

Mychi i paleung ai lengseaung kamta tang hai u bo. Ati mana nai mo na baly jangni i amochi dengdairei leu pei naichi tangai y nai deaungkho y, ati cheaungkhang sa thai nai Areng ly khri pa-rei kado theu nai ne.

Kati Nai 30:3

Ampo i kry nai anui y awm nai anglo leaungrei ly Areng teng y ati mo ha harei talam ai nai leu adeu nai py ne sy, ati mo sai sairei amkyn ai nai vaineng abeu nai py ne sy,

Leu Thui Nai 29:25

Pathang pi nai ly ‘Areng ly nichi i amsi pajochi ai Aikupta pri i dengdairei pahawi nai khala, nichi i amsi pajochi hawi asa nai Leu Maikawm ai taphra nai deaungkho y ne.

HEBRAI 3:13

“Vaini” nanai sala y kani tleirei phai apachei u leungtang, ti y baly nangchi theung y ami py kamngo tapawp naira y paleung tang hai nai awm lawh na;

HEBRAI 3:8

Daichi ka-ym y parawi nai kani y pangaw hai nai thym khala i kamta ly, Nangchi i paleung tang hai u moh.

JOSUA 9:15

Josua ly huni khumichi hawi, ka-dyh ka-dawi leu sumneang akhai iy, nichi ai lawi naira pei pi bo. Israela cheng miteaungkehchi my py, ka-dyh ka-dawi leu sumneang khaw hai ai nai adeu u bo.