2 NENG SATANG 36:12 - Khumi Common Language Bible

¹² Ni ly Areng i tlang tleaung y kamngo sa iy, Areng i leu thui pi nai keung amo Jeremia i leu ai tahm apanem iy tangai y bo.

2 NENG SATANG 36:12 ပူးပေါင်းရင်းမြစ်များ

2 NENG SATANG 32:26

Kangkhym y Hezekia hawi Jerusalem mary i khumichi ly tahm anem nai paleung awm u nai deaungkho y, Areng ly Hezekia i deung y khumi mipuichi ai pajeng pi y nai ne.

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

2 NENG SATANG 35:22

Na i py Josia ly tavai atiu ai nai leu pacheang yb nai deaungkho y, mymy i mo ataphra naimy tavai amsa. Ni ly samrang Niko dengdairei Tameuh my pei nai leu tangai y naimy, Mekido angdymra y tavai atiu u bo.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

JEREMIA 1:1

Hini cha-iu theung y Jeremia i thui nai leuchi abawi nai ne. Ni ly Benjamin khu, Anatho mary y awm nai pathyp pi nai keung Hilkiah i chapo ne.

JEREMIA 27:12

Kai ly Juda samrang Zedekiah teng y py, hina nai kamta amti pi teang nai ne. “Nang ly Babulon samrang i peang nai anui y tamawi aseih ba. Huni samrang hawi ni i chengchi i miseaung y awm baly tlamsa naira nga ai.

JEREMIA 52:2

Samrang Zedekiah ly samrang Jehojakim kamta, Areng i mo y hawi y nairachi sa bo.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;