2 NENG SATANG 35:3 - Khumi Common Language Bible

³ Israela chengchi ai atiti patiu pi nai, mymychi ai Areng teng aau yb nai Levi theaungchi teng y samrang my, “Davida i chapo samrang Solomon i sa nai Achura yhm theung y Leu Maikawm Pawm khai u. Nangchi ly huni Pawm ai meingtym kasyh piupa y naimy, nangchi i Areng Tameuh hawi mymy i khumichi i vui kalop so u.

2 NENG SATANG 35:3 ပူးပေါင်းရင်းမြစ်များ

1 NENG SATANG 23:26

Naibaly Levi theaungchi ly Areng i awmra Taichy ai py, chiu sa naira y teaung nai vawnsai ateaung alangchi ai py, angjeaung bi ai nai aly ngai y leang bo,” napi.

2 NENG SATANG 17:7

Peang nai pa-thom saneng y Jehoshapha ly bangtangchi napi nai Benhaila, Obadia, Zekhariah, Nathanela hawi Mikaiachi ai Juda pri y thui parip ai nai pato bo.

2 NENG SATANG 30:22

Areng ai chiu naira y tamang y naimy pahawi pi nai deaungkho y, samrang Hezekia ly Levi theaungchi ai palo nai ne. Nichi ly mymychi amsi pajochi i Areng Tameuh ai palo iy, kani saryh ryrei apathyp u chum nai khala,

2 NENG SATANG 34:14

Vawnsai ateaungchi khai nai takun theung i tangka la nai thym khala y Hilikia ly Tameuh my Mosi teng y pei nai Areng i Reita cha-iu niu nai ne.

2 NENG SATANG 5:7

Naibaly pathyp pi nai keungchi ly Leu Maikawm Pawm ai Achura yhm theung y pakun u iy, khri pa-rei chai nai meingtym kherubenchi sala y khai u bo.

2 NENG SATANG 8:11

Solomon ly my i aju, Aikupta samrang i chaniu ai Davida mary i dengdairei, ni i vui sa pi nai yhm y palyn bo. Samrang my, “Leu Maikawm Pawm awm reng nai meingtym ly chai parai nai deaungkho y, huni neampachy ly Israela chengchi i samrang Davida i yhm y awm ai nai avo y,” napi.

THEU NAI 32:29

Naibaly Mosi ly Levi theaungchi teng y, “Vaini nangchi ly nangmychi i chapo kypkyp, amjo amnau kypkypchi ai tleh nai deaungkho y, Areng i kalop sa ai nai pathyp pi nai keung y, nangmychi naimy aau u nai bo; hunai y Areng ly nangchi ai amtheaung hai bo,” napi.

MALAKHI 2:7

Tameuh i satang hawihai palai pany pajau ai nai leu patiu nai ly pathyp pi nai keungchi i kalop ne. Nichi ly ati cheaungkhang sa thai nai Areng i savaichi ne nai deaungkho y, khumichi ly kai i kangai pany pajau ai nai, nichi teng y chei u nai ne.

Kati Nai 8:19

Israela chengchi teng i katalamra palawn iy, Aron hawi ni i chapochi teng y kaau bo. Nichi ly Israela chengchi i jeng y Tabynakora kalop sa u ai nai tla. Israela chengchi kachai sa nai meingtym sahawi tapai naimy pajengra tym y ai nai nichi my ama hai iy kry ai nai tla,” napi.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

Leu Thui Nai 33:10

Nichi ly nang i khumichi ai nang i reita patawm ai nai patiu pi ai; Nichi ly nang i maicham tleaung y apathyp u ai.