2 NENG SATANG 35:15 - Khumi Common Language Bible

¹⁵ Asap nupaichi theung i katyn kapau beu kawp naichi napi nai Asap, Heman hawi samrang i amo Jeduthunchi ly samrang Davida my thui yb nai kamta, meingtym khai pi naira y awm u bo. Achura yhm tamcheaungchi ly mychi ai khai pi nai meingtymchi ra i nai theu u vui ai nai aly by y. Ati mana nai mo na baly nichi i vui takhra Levi theaungchi my, Katlen Vui nai dym biu sawn pi rym nai deaungkho y ne.

2 NENG SATANG 35:15 ပူးပေါင်းရင်းမြစ်များ

1 NENG SATANG 23:5

Khumi leaung 4,000 reichi ai ly katheu pa-kho typ nai kalop pei iy, takhra leaung 4,000 reichi ai ly samrang my pei nai katyn kapauchi hawi Areng ai palo ai nai kalop pei nai ne.

2 NENG SATANG 30:16

Nichi ly Tameuh i khumi Mosi i Reita leu pei nai theung y thui pi nai kamta, Achura yhm theung y meingtym la u bo. Levi theaungchi my tawnbawichi i thi ly pathyp pi nai keungchi teng y talam pi iy, pathyp pi nai keungchi my huni thi ai maicham tleaung y katheng u nai ne.

2 NENG SATANG 35:14

Naibaly Levi theaungchi ly mymychi i vui hawi Aron kangpreang pathyp pi nai keungchi i vui, mawi phy paji pi bo. Ati mana nai mo na baly pathyp pi nai keungchi ly bom verei leng patlum nai kapathyprachi hawi, tawnbawi thauchi ai leng patlum nai ly kani dym pa-rei kalop nawi u nai deaungkho y ne.

2 NENG SATANG 35:16

Hunai deaungkho y Areng ai chiu nai, Katlen Vui nai Pawi sa nai hawi maicham salo y leng patlum nai kapathyprachi talam nai molam y, samrang Josia my leu pei nai kamta, huni kani y my sa u nai ne.

2 NENG SATANG 8:14

Ampo Davida my sa pi yb nai reita kamta, samrang ly pathyp pi nai keungchi kani tleirei sa ai nai kalopchi py, Pathyp pi nai keungchi i kalop sa naira y sabawm iy khulym thui u nai Levi theaungchi i kalopchi py, pasym pi yb bo. Tameuh i miseaung Davida my leu pei nai kamta, Achura yhm typ nai tamcheaung risachi py, kani tleirei sa ai nai kalopchi kamkawm phy pi bo.

EZARA 3:10

Kalop sa nai khumichi ly Achura yhm leng amteaung nai khala y pathyp pi nai keungchi ly mychi i ateaung amthyp iy, bawchi syn naimy meingtym la u nai ne. Naibaly Asah nupai theung i Levi theaungchi my sa-rachi syn u; nichi ly samrang Davida my leu pei yb nai kamta, Areng ai palo u bo.

EZARA 6:20

Pathyp pi nai keung hawi Levi theaung bawibawichi ly mymychi apachai nai deaungkho y, reita leaungsai molam y chai u nai ne. Levi theaungchi ly mymychi i pri y vawi u teang nai khumichi, pathyp pi nai keungchi hawi mymychi kypkyp i vui py katlen vui nai tawnbawichi tleh u bo.

SAM 77:1

Kai ly Tameuh teng y tao pajeng parai naimy aeu bo; kai ly tao pajeng parai nai aeu nai y mymy ly thai nai ne.

SAM 78:1

Kai i khumichi awi, kai i patiu nai leu tangai u; kai i thui nai leu ai kano patheung u.

SAM 79:1

Aw Tameuh, nang i pri theung y Tameuh ai pany y nai khumichi ang kun u miuh bo; nichi ly nang i Achura yhm kachai ai chai hai y bo; Jerusalem mary ai py taphra u veng nai ne.